1 Tamuwen 10:21 - Ala Wone Peenok Peebi Mbanak

²¹ Inoba age mbareegi, inanebunu Mbeniyamin mendek nogo ndarak logok wogoren owagam piya wa'nuk, it aap Materi mendek ndarak logok nogo inoba age mbareegi, Kiti aput Tawun nogo aret oba agagerak me, kwaareegwaarak kwe, eebe lek kogogwaarak.

1 Tamuwen 10:21 Cross References

2 Tamuwen 3:19

Yorage nagagerik, aakumi Mbeniyamin mendek inom wone liirogon mbangge nagagerik, ti'nuk, it Iterali inom, it aakumi Mbeniyamin mendek abok aret inom, eeriyak wone yereegwaarak nogo, at Abenet awuri ineebe 20 inom at Ndawut o Keboron wonage me, yori nogogwaarak. Yori nogo mbareegwa, at Ndawut nen aap Abenet inom, awuri inom, inanooniya laago nggwok lareegerak.

Kini Wuppiige 18:18

Wone wakwi iinok, “Alom ta eekerak?” kin kaawak nduk mbere mbanggwi, Mbere mbanggaatak inoba age kenok, wone wakwi nogo lek aret age, Eeke menggerak.

Yunut 1:7

Yoge nagagerik, it nen at ambi yogak, at ambi yogak eeko logonet, “Aap ta nen eekerak paga maluk ee'ninake nineenu aruwok nduk, yugum paga wakkaawok o,” yinuk, wakkogo nogogwaarik, yugum nogo wa'nanok aap Yunut owagam ari nagagerak.

Nappiigak 13:21

Mippege mbareegi, ti'nuk, it aakumi nen, Ninarum logorak ninowe endagembogut ambi mippinanu o, yinuk, yogo mbareegwa, at Ala nen Kiti aput Tawun anebunu Mbeniyamin mendek nogo, mippege mbareegi, wone lengganogo yorage kagak, tahun 40 aret eereegerak.

1 Tamuwen 10:20

Yorage nagagerik, at Tamuwen nogo nen aap Iterali inanebunu lombok abok aret owagam woraawak nduk, yoragagerak wogo mbareegwa, “Ta oba age kaamun?” yinuk, iri'ngga wakkogo nogogwaarik, anebunu Mbeniyamin mendek aret inoba agagerak.

1 Tamuwen 10:22

Lek kenok, it aakumi nogo nen at Aliku ALA yogo logonet, “Ai, ninogoba. Aap ti nogo, yime wagaarak wonage ilik?” Yogo mbareegwa, Aliku ALA nen ari logonet, “Eebe wagaarak wonage aret kwe, yi mendek ndi mendek enggela'me kumaarak wonage o,” yoragagerak.

1 Tamuwen 9:2

At aput wulaga ambi endage Tawun wonagagerak. At enete abu kigirikwe it Iterali inenggela'me at kokwak ambi logolik it abok aret at uum abu'me mban wonogwe iigak, at anggup nggorek inirimbaga lombok tawe wonagagerak.