1 Tamuwen 10:12 - Ala Wone Peenok Peebi Mbanak

¹² Yogo mbareegwa, aap time mendek ambi nen yorage logonet, “It Ala nen yorage kagak yoraga ti, inogoba ta mbakop?” yoragagerak. Ndi, “At Tawun kunduk, aap Ala nen yorage kagak yoraga inom a'nuk ari mbakop?” yinuk, wone yoragagerak nogo aret aakumi nen agan nogo nogogwaarak.

1 Tamuwen 10:12 Cross References

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yaya 6:45

It aap Ala nen yorage kagak yoraga nen liiru mbanggo logonet, Ala nen yi aakumi ndi aakumi abok aret wone mamunirage logogin o, yinuk, liiru mbaneegwaarak me, an nogoba nen wone mamunirage nogo yi aap ndi aap inaruk konembunuk, waganggwi nogo ti, an neya wogo menggaarak aret o.

Yaya 7:16

Yogo mbareegwa, at Yetut nen, “An wone mamunggirage minggirak nogo ti, an mbake paga mamunggirageelik o. Ata, at nappani wagagerak nogo nen yo'nege kagak, mamunggirage minggirak o.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

1 Tamuwen 10:13

Ti'nuk, at Tawun nogo Ala nen yoge kagak yoraga kwak ari nagagerik, Ala ake warogo wogogo menggam puut paga time lagi nagagerak.

1 Tamuwen 19:23

Yogo mbareegwa, o Arama koorok Nayot time naakit nduk nage me, Ala Aberiniki oba a'nuk, Ala nen yorage kagak yoraga negen a'nuk, Ala wone agan o Arama koorok Nayot time ari nagagerak.

1 Tamuwen 19:24

Time ari nage nagagerik, at Tawun nogo ayum nggurik-nggorok eerogo punuk, Tamuwen enggaanom paga it yogwe togop agan nggween paga ngginnari nanuk, ayum yirik lek o liingge inom, oonikiya inom, taati windak kagak, o weereegerak. Ti eereegerak paga it aakumi nen, “A puk! At Tawun nogo kunduk, Ala nen yorage kagak yoraga mendek agaarak mbakop?” yinuk, yogo nogogwaarak.