1 Tamuwen 1:28 - Ala Wone Peenok Peebi Mbanak

²⁸ Togop me, wulaga yi, kangga'lek eenik wonage logonet, mondok-mondok Aliku ALA ake leenak logowak nduk, wogoriyak mbakirak me, an yogondak Aliku ALA aret wogogi o,” yinuk, yoge mbareegi, inendobanggun yindumbunuk, Ala endage alut eereegwaarak.

1 Tamuwen 1:28 Cross References

Wakkagagerak 24:26

Ari mbareegi, at Abarakam ayeloman nogo endobanggun yindumbunuk, “Kaliku ALA wa,” yinuk, alut eereegerak.

Wakkagagerak 24:48

nendobanggun yindumbunuk, at Aliku ALA alut eeke logonet, Kaliku ALA nen nogoba awuluk apuluk kolaga yi, an nogoba aput akwe wogoriyak nduk, owe-awot wonogwe me mondok lik togon pani wagandak me, Kaliku nogoba Abarakam ogoba Ala wa, yinuk, keyage wakirak o.”

Wakkagagerak 24:52

Wone yoreegwaarak nogo at Abarakam ayeloman nogo aruk konengge nagagerik, endobanggun yindumbunuk, ena nggween paga wutik logonet, at Aliku ALA alut eereegerak.

Kini Wuppiige 31:2

Naagaluk wae. Naagaluk ninikime mendek yi wae. Naagaluk tamban eereegirak paga ndarak yi wae.

Linggineegwaarak 6:8

Ala ake leenak logorak kumbuk mbanemenggerak nogo kuli ari naga'lek kagak Naliku ALA nake aret leenak logowak o.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.

Owak Loongga 7:15

abi kagagerak nogo alom inom mbininogo yoge Nggireyon aruk konengge nagagerik, at Ala abu'me tebe yinuk, Ala endage tiyappereegerak. Tiyappege nagagerik, Iterali inawooliya wurik me nogome wage nagagerik, at awuri yorage logonet, “Aliku ALA nen aakumi Miriyan inawooliya wuppunuk wonogwe nogo abok aret muk nineenggime pinanggerak me, mbet-mbet mi'nanip o.”

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 1:22

at Kana nogo nen ogonggelo Elakana yoge, “Peebi Tamuwen yilak mbambunuk, at Ala alut eeko menggam awooliya wurik me time mondok-mondok logowak nduk, an nen Aliku ALA ake leenogo pi noorak me, yogondak ninom nagin lek o.”

1 Tamuwen 2:11

Eeke mbareegi, at Elakana akuwi-apurilogwe inom o Arama iniyokan nogwe iigak kwe, at Tamuwen nogo perak, aap Ala unde Eli abu'me logonet, at Aliku ALA enggaanom paga eeke nagagerak.

1 Tamuwen 2:20

Wogori wagak eeke kenok, at Eli nen Elakana akwe imbirak keyage warogo ale'nggen inoba piige logonet, aap Elakana nogo yoge, “Kakwe yi nen, Naagaluk wo'niriyak o, yinuk, Aliku ALA yoreegerak wogoge mbareegi, Aliku ALA wogoreegerak nogo obaane'me kapuri ambinom wokkege logogin o,” yorage kenok, at Elakana akwe imbirak iniyokan iname o Arama aret nogo nogogwaarak.

1 Tamuwen 28:2

Yoge mbareegi, at Ndawut nen, “Nambukwi paga mban an kayeloman eeke neyaamunggun o.” Yoge mbareegi, Akit nen onggo ari logonet, “Ti kenok, kat nen neebe narum mondok logonok nduk, mippagagi o,” yoreegerak.