1 Tamuwen 1:2 - Ala Wone Peenok Peebi Mbanak

² Wonage logonet, at akuwi mbere wogonabeegerak me, kwe ambi endage Kana, ndi, ambi endage Penina aret wonogogwaarak. Wonogo logonet, at Penina nogo aagalogwe ndaganake nagagerak kwe, at Kana nogo perak, aagalogwe ndaganaka'lek aret wonagagerak.

1 Tamuwen 1:2 Cross References

Wakkagagerak 11:30

Ndi, at kwe Tarayi nogo perak, aagaluk ndaka'lek wubili aret wonagagerak.

Wakkagagerak 25:21

Wagangge nagagerik, akwe Iribaka nogo aagaluk ndaka'lek mbareegi, at Itak nen akweeluk ake tamban eeke mbareegi, at Aliku ALA aruk konengge kagak, kwe Iribaka nogo aret abila agagerak.

Wakkagagerak 29:31

Yakup nen kwe Leya iniki kunik lek wonage nogo at Aliku ALA nen kage nagagerik, aagaluk ndaruwak nduk, eeppereegerak kwe, Araken nogo perak, wubili aret wonagagerak.

Wakkagagerak 4:19

Ndi, at Lamek nogo nen perak, akuwi mbere inendage Ara Tila imbirak wogonabeegerak.

Wakkagagerak 4:23

At aap Lamek nogo nen akuwi yorage logonet, “Kumi Ara Tila yi wae. Kit kimbirak kinaruk logonip o. Kit an nakuwi aret me, noone liippogo logonip o.” “Aap ambi nen an namiya wunogo nooke, Wulaga tawe ambi nen An nooke mbareegi, nagabolo piike, Eereegerak paga Onggo wareegirak me,

Matiyut 19:8

Yogo mbareegwa, at Yetut nen, “Lek o. Kiniki laakot kiinok, at Muta nen kinakuwi mbo piyoorak op aret, yereegerak ti, o maan aa'nduk togon togop eeka'lek wonogogwaarak kwe, yereegerak o.

Lukat 1:7

Iniki abe koonak aret wonogogwaarak kwe, kwe Elitabet nogo, wubili aret wonagagerak me, elege abu ndaka'lek kagak imbirak kweegelo-aakelo aret ogogwaarak.

Lukat 2:36

Ala yoge kagak yoraga mendek kwe ambi aap Panuwen apuluk endage Kana anebunu Atet mendek aret wonagagerak. Kwe nogo ogonggelo wagangge nagagerik, imbirak wonage kagak tahun 7 aret eeke nagagerik,

Owak Loongga 13:2

Ti eyom paga aap o Tora mendek anebunu Ndan endage Manowa akwe wubili me, aagalogwe ndaka'lek aret wonagagerak.

Owak Loongga 8:30

Ndi, at akuwi apit me, apurilogwe aap mban ineebe 70 aret ndaganabeegerak.