1 Tamuwen 1:19 - Ala Wone Peenok Peebi Mbanak

¹⁹ Ko'lu o weege mbareegi, Elakana nogo akuwi apurilogwe inom ineenik ogo nogogwaarik, at Aliku ALA alut eeppunuk, iname o Arama time aret nogogwaarak. Nogo nogogwaarik, wonogwe me, Elakana nogo akwe Kana imbirak nogo yege mbareegi, kwe Kana tamban eereegerak nogo Aliku ALA abereegerak.

1 Tamuwen 1:19 Cross References

Wakkagagerak 21:1

At Aliku ALA nen, “Togop eerigin o,” yinuk, Tara wone yoreegerak nogo abeke nagagerik, imbirak wone abuk nggaruk togon mbaneegwaarak nogo eyom ndak-ndak ari wage mbareegi, at Abarakam nogo abu anggok agagerak kagak, Ala yoreegerak ndak-ndak kwe Tara nogo abila age nagagerik, aagaluk Abarakam obaane'me wulaga aret ndareegerak.

Wakkagagerak 30:22

Ndi, Ala nen Araken oba abeppege nagagerik, at Araken tamban eereegerak nogo Ala aruk konembunuk, “Araken yogondak elege ambi wogorikit,” mbareegerak.

Wakkagagerak 4:1

At aap Aram akwe Kawa imbirak nogo yege logonet, kwe nogo abila age nagagerik, aagaluk manggu wulaga ndareegerak. Ndake nagagerik, “At Aliku ALA nen yeenggwa nege kagak wulaga yi ndaki o,” yinuk, endage Kayin tooneegerak.

Wakkagagerak 8:1

At Nu inom, yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, abok aret yiiro paga wonogogwaarak nogo at Ala nen kobak eerogo piyoolik aberak aret wonagagerak me, wiya nggwok ambi o nggween paga yime nappi wage mbareegi, niyo nogo poro agan wambeegerak.

2 Endagembogut 4:17

Ti'nuk, kwe nogo abila age nagagerik, at Elita nen, “Tahun ambit eeppunuk, ne yogondak yi ndak-ndak kaagaluk aap aret kogome kolaamunggun o,” yoreegerak nogo ndak-ndak ari wage mbareegi, kwe nogo aagaluk aap aret ndareegerak.

Ndawi 119:147

O kilim nagake kagak neenik a'nuk, “Yeenggwa niru o,” yinuk, noone nggwok paga yokkege, Koone yugu mban niniki lunik wonage,

Ndawi 136:23

Nit abu tebenak wonogwe niinok, at nen aret ninoba abereegerak me, “Wa,” yogo logonip o. & Ninabuwa mbake ti, itok kunik wonage o.

Ndawi 25:7

An tawe logonet maluk eeke, Wone yugu taganogo pit nage, Eeke nagagirak nogo, Kiniki aberak logorak mage o. Ata, Kaliku ALA obeelom aret me, Aakumi kiniki kunik aganabit wundi wage menggendak ndak-ndak an noba abeke logot o.

Ndawi 5:3

Kaliku ALA wae. Kuubondendok noone yokkege nogo Karuk konengge menggendak o. Kuubondendok nggino yokki'nuk, “Kat ari keyaakit o,” yinuk, Tokkeege minggirak o.

Ndawi 55:17

Kubondendok inom, liingge inom, oonikiya inom, “Ee'naburak,” neebi mbake nogo Noone nggwok paga at yoge neenok, aruk konengge, Eeppunuk,

Marakut 1:35

O kilim nagabikit nduk apit eeke kagak, Yetut eenik a'nuk wundi nage nagagerik, aakumi ineebe lek me time tamban eeri nagagerak.

Lukat 23:42

Yoge nagagerik, Yetut yoge logonet, “Ai, nogoba Yetut. Kendagembogut a'nuk wage kenok, an noba abeke logomunggun o.”

Yotuwa 18:25

ndi, kota Nggibeyon, Arama, Mbeerot,

1 Tamuwen 1:1

Aap ambi anebunu Eparayim mendek endage Tup. Tup nen Toku ndake, Toku nen Eliku ndake, Eliku nen Yerokam ndake, ndi, at Yerokam nen aput endage Elakana aret ndake, eereegwaarak. At Elakana nogo awi o Eparayim nggelok-nggobok endage Aramatayim-Topim aret wonagagerak.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 15:34

Warogo pege nagagerik, Tamuwen nogo o Arama nage, ndi, at Tawun nogo ame o Nggibeya nage, eereegwaarak.

1 Tamuwen 16:13

Yoge mbareegi, at Tamuwen nogo mi'na'nuk, eyo tayitun amburu toolak nogo wagangge nagagerik, oweewi inenggaanom paga at Ndawut nogo anobak paga amburu kilippereegerak. Kilippege mbareegi, ti eyom paga aret at Aliku ALA Aberiniki omaawi Ndawut oba agagerak mondok-mondok wonage kagak, at Tamuwen nogo iyokan o Arama aret wagagerak.

1 Tamuwen 19:18

Ndi, at Ndawut nogo, we kurik me aret mbaganit Tamuwen ame o Arama nogome unggwi wage nagagerik, Tawun nen at eeppereegerak nogo abok aret mbininogo Tamuwen yoreegerak. Yoge mbareegi, at Tamuwen imbirak o Nayot nogo nogogwaarik, time aret wonogogwaarak.

1 Tamuwen 2:11

Eeke mbareegi, at Elakana akuwi-apurilogwe inom o Arama iniyokan nogwe iigak kwe, at Tamuwen nogo perak, aap Ala unde Eli abu'me logonet, at Aliku ALA enggaanom paga eeke nagagerak.

1 Tamuwen 25:1

At Tamuwen nogo kangge mbareegi, it aakumi Iterali mendek abok aret kuwak eeppunuk, aleenggu maako nogogwaarik, eebe wonok at ame Arama time nggween taambi nogogwaarak. Ndi, at Ndawut nogo o Mawon karume time nagagerak.

1 Tamuwen 7:17

o Arama ti, at ame aret me, iyokan wage nagaatik, time logonet, aakumi Iterali inowak loongge nagagerak. Ndi, time logonet, at Aliku ALA ake warogo kani kunggo logowam ogobakkigirogo pereegerak.

1 Tamuwen 8:4

Togop eeko mbareegwa, it aap Iterali mendek inoweewi nogo apit aret kuwak eeppunuk, Tamuwen o Arama wonage me ka wogo nogogwaarik,

1 Tamuwen 9:26

O weerikit nduk kilim nagake kagak, at Tawun tilaabaga nogo yege me, Tamuwen nen Tawun yoge logonet, “Nappagi naakit nduk, keenik aru o.” Yoge nagagerik, imbirak aret oome nen wundi nogo nogogwaarik,