1 Tamuwen 1:16 - Ala Wone Peenok Peebi Mbanak

¹⁶ kayeloman an yi, Kwe yi maluk mendek nen ari o, yinuk, nombarugun o. An niniki aaninggin ndugu aago wonage kenok tamban eeke agarik o.”

1 Tamuwen 1:16 Cross References

Ndawi 55:2

Karuk liirogon konembunuk, onggo yo'nege, Eeru o. It ninom wim mbanak inoone yogwe, It maluk eeka inigen lo nirit unggwogwe, Eekwi nogo nen aaninggin-paaninggin noba panugwi, Ineebi nomba'nuk inanini nen maluk eeppanugwi, Eekwi iinok, “Nonggop eekkola?” yinuk, Niniki piirik-paarik ee'nake agaarik o.

Pelaareegerak 13:13

it aap maluk mendek kinenggela'me nen mi'nogo logomenggaarik, it ando yorogo logonet, Ala obaane'me kugi kineenggo'lek mendek ninom eeri nawok o, yorogo logonet, it aakumi ti nomoniren naga o, yogwe nogo kinaruk konenggwi kiinok,

Pelaareegerak 13:14

kit nen wone onggo kin wonok mben wonok yorogwe, wone ti etenggen liirogon maloppugwi, eeko logomonggotik, maluk Ala eebi mbake menggerak mendek ti, kinenggela'me time abet aret eeremenggerak kin age kenok,

1 Tamuwen 1:15

Yoge mbareegi, kwe nogo nen ari logonet, “Togop lek o, nogoba. An anggur amburu inom, amburu kumili aganaka inom, nenok ari lek o. Niniki abu puru agan unggwage logonet, niniki mbake nogo abok aret paganogo at Aliku ALA yoge me,

1 Tamuwen 1:17

Yoge mbareegi, at Eli nen, “Ti kenok op aret o. Kat nen Iterali inogoba Ala nen wo'niruwak, mba'nuk, yogendak nogo, wokkirigin aret me, kiniki teeluk obeelom paga aret kame nak o.”

1 Tamuwen 10:27

Nogwe iigak kwe, it ndugwi iyak wuka nogo mendek nen yogo logonet, “Aap ninake leenogo mippegaarak yi, ninarum op aret logogin mbakop? Ha!” yinuk, miyuk-meya eerogo pogo logonet, yi mendek ndi mendek ambi abu wogorulik mbo pereegwaarak. Togop eekwi iigak kwe, at Tawun nogo aruk logu mbakak oone lek puk agagerak.

1 Tamuwen 2:12

At Eli apuri nen Aliku ALA inagabiti mbaka'lek inobaabut abu maluk lombok aret wonogogwaarak.

1 Tamuwen 25:25

At Naban nogo ti, obaabut abu maluk me, yegerak liippuurak ti mage o, nogoba. At endage ti, Wi Yuundurak, aret me, endage ndak-ndak wi negen aret agan nege menggerak. Ndi, an nogo, nogoba kat kawuri nappiigendak nogo, an kayeloman nenegen abu iyoolik o.