1 Tamuwen 1:10 - Ala Wone Peenok Peebi Mbanak

¹⁰ iniki abu puru yinuk, le ari logonet, Aliku ALA yoge,

1 Tamuwen 1:10 Cross References

Wakkagagerak 30:1

At Araken nogo nen ogonggelo Yakup obaane'me aagalogwe ambi abu ndaganaka'lek paga oweeluk eebi nen imbirak iniki ogoorak wonogo logonet, Yakup yoge, “An elege ambi mbet nda'niru o. Nda'nega'lek keenok, keraaket nen nggaruk togon aret kambigin o.”

Wakkagagerak 50:10

Wogo nogogwaarik, niyo Yoraran koorok o endage Nggoren-Kaatat taati ari woraanuk, nogome ogoba erabun ndoombunuk, iniki abu maluk a'nuk, yinggu-leenggu yogwe iigak, nogo 7 yereegwaarak.

2 Tamuwen 13:36

Wone awo yoge nagagerik, wonage me, aap endagembogut apuri nogo, le agan ka wogo mbareegwa, aap endagembogut inom, at inom yabu eeka inom, iniki puru yogo logonet, leenggu maareegwaarak.

2 Tamuwen 17:8

Kat kogoba inom, at awuri inom, wam nggwiya aagalogwe piginakwi iinok, anini wu aago menggi kwak, inogogumbuk wakaa'ngget lombok wonogwe o. Ndi, kogoba nogo wim age menggerak eya abok eenu me, at awuri nogo yugwi me, at inom nogo yegeelik nogo kat keenu aret o.

2 Endagembogut 20:3

“Kaliku nogoba ALA o. An yi, niniki-neebe nggaruk togon wokki'nuk, kenggaanom paga li'lak mban eeke, kenegen keegak obeelom mban eeke, eeke minggirak nogo keenu o,” yinuk, tamban eeke logonet, iniki abu puru yinuk, le yereegerak.

Ayup 10:1

An ambinom neenik logorak anggon lombok ee'nake me, Ee'nabit unggwage an neebi mbake nogo, Nambe teeluk aret Ala yoge, Niniki andi ee'nake nogo tayok togon yoge, Eerikit o.

Ayup 7:11

Togop aret me, An yuurak mbake nogo puk aga'lek aret ari, Niniki apit ee'nabit unggwage nogo kik wunake, Niniki wakkolage logonet neebi mbake nogo pagangge, Eerigin aret o.

Ayup 9:18

Niniki awo yonggonggola lek lek Ambinom eeppanegak mban eeke paga niniki apit eerogo panege, Ee'netak o.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Kini Wuppiige 14:10

Aap iniki wakko'net unggwage alom nogo inalitak lombok liippakwi, Ndi, iniki ale'nggen kogwe nogo kunduk, aap alik ambi inom kogolik inalik mban aret kogwe, Eeko menggaarak.

Yetaya 38:15

Yoge mbaki, eeppanggerak paga an nonggop yi o? Yogirak nogo at nen onggo yo'nege, At nen mban obeelom eerogo panege, Eekerak o. Niniki mondok wakko'net unggwage nagarak me, nda'nagagirak yubuni nage kagak, Niniki tebenak logonet, eerit nage logokit o.

Yetaya 54:6

Kwe ogonggelo nen mbo punuk mbagangge kenok, at iniki puru aago wonage menggi kwak, Kolaga tawe awo lambunik kagak ogonggelo mbo pege menggi kwak, at togop aago wonage me, At ogoba Naliku ALA nen iyokan woraawak nduk, wiige neyaagin,” yegerak o.

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Yeremiya 22:10

Kit aap Yekura mendek yi wae. At Aliku ALA nen ari logonet, “Aap ogoba obaane'me o Yekura inowe endagembogut logowak nduk, mippereegwaarak kwe, o yi mbo punuk, wonok pi nogogwaarak Yotiya aput Talum eeriyak nogo ti, at iyokan wage, o yi enegen ambinom kage, eerigin lek keele maarogo pi nawam time aret kambigin,” yegerak me, Aap endagembogut kanggerak ti, ale yogwe, Ninowe endagembogut nogo kanggi o, yinuk, tabun ndoombunuk, aleenggu maakwi, Eerugwaarik o. Ata, at aput keele maa'nuk namenggaarak nogo time nen iyokan wage, Ndi, at awi alom paga enegen kage, Eerigin lek me, Kiniki wakkologo logonet, ale yogo logomunggup o, yinuk, yokkiragi o.

Leendawi 3:15

Eyoonggen ale mendek ndonggorogon naakit nduk wo'nege, Wam ambiki kwak amburu naakit nduk wo'nege, Eereegerak o.

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

Owak Loongga 21:2

Mbaneegwaarak me, ne ambi paga o Mbeten nogo nogogwaarik, Ala enggaanom paga le yogo logonet, “Kaliku nit Iterali ninogoba Ala yi wae. Aakumi Iterali inenggela'me nen anebunu ambiret Mbeniyamin mendek yi, nanonduk inenggaawak lek aga o?” yinuk, inoone nggwok paga Ala yogwi iigak, o aret kiip agagerak.

Urut 1:20

Yereegwaarak kwe, at nen it yorage logonet, “At Omaawi Lombok Menggerak nogo nen ale-pale eerogo panegerak me, an nendage Nawomi ti, yo'nirugup o. Nendage, Ale-Pale Aago, aret yo'ninip o.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 1:9

Ne ambi paga it nogo o Tilo time, mbi inom, niyo inom, nonggo nogogwaarik, Ala unde Eli nogo at Aliku ALA awooliya wurik tunggambe paga kwi'ndak wonage kagak, at kwe Kana nogo mi'nanuk,