1 Tamuwen 1:1 - Ala Wone Peenok Peebi Mbanak

¹ Aap ambi anebunu Eparayim mendek endage Tup. Tup nen Toku ndake, Toku nen Eliku ndake, Eliku nen Yerokam ndake, ndi, at Yerokam nen aput endage Elakana aret ndake, eereegwaarak. At Elakana nogo awi o Eparayim nggelok-nggobok endage Aramatayim-Topim aret wonagagerak.

1 Tamuwen 1:1 Cross References

1 Endagembogut 11:26

Aap Eparayim mendek Nebat aput Yerobeyam Talomo imbirak yabu eeke menggerak awi Terena wonagagerak. At agalo ti, kwe togwe me, endage Teruya aret. Aap ti nogo kunduk, aap endagembogut Talomo eebi mbake nagagerak.

1 Mbinineegwaarak 6:12

Akitup nen Tarok ndake, Tarok nen Talum ndake,

1 Mbinineegwaarak 6:22

At Kekat paga nen wigannogogwaarak ti, aput Aminarap ndake, Aminarap nen aput Kora ndake, at Kora nen aput Atit ndake,

1 Mbinineegwaarak 6:33

inapuri inom inendage yi aret. At aap Kekat paga wiganak nen eeke nagagerak nogo ti, at ndawi tiyangga Keman aret. At Keman ogoba Yowen. Yowen ogoba Tamuwen.

1 Mbinineegwaarak 6:34

Tamuwen ogoba Elakana. Elakana ogoba Yerokam. Yerokam ogoba Eliyen. Eliyen ogoba Towa.

Matiyut 27:57

O kiip age mbareegi, aap eenggi warak Arimateya mendek ambi endage Yutup, Yetut oone wagangge nagagerak me,

Yotuwa 24:33

Ndi, at Eleyatat Karun apuluk nogo kangge mbareegi, o Eparayim nggelok-nggobok me o Nggibeyat at aput Pinekat anggween wogoreegwam nogome aret taambereegwaarak. 1

Owak Loongga 12:5

Inoorogo piinet nogo nogogwaarik, tu o Eparayim noorak yi Yoraran ayo mbanggo menggam tebembunuk wonogwe me, it aap Eparayim mendek ambi inowagam nanuk, “Wunda na o,” yorage kenok, it aap Nggileyat mendek nen, “Kat Eparayim mendek ilik?” yogwi iinok, at nen, “Lek o,” ari kenok,

Owak Loongga 17:1

Aap ambi o Eparayim puut nggelok-nggobok me mendek endage Mika aret wonagagerak.

Owak Loongga 19:1

Ne ti eyom paga aakumi Iterali inenggela'me aap inowe endagembogut ambi lek aret wonagagerak. Ti eyom paga aap Lewi mendek ambi aakumi Eparayim inanggween paga o nggelok-nggobok ilin ambime wonage logonet, kwe o Yekura kota Mbe'lekem mendek ambi ayeloman eeppunuk, akwe kolagagerak.

Owak Loongga 4:5

Wonage me, at kwe Ndebora nogo o Eparayim puut nggelok-nggobok time o Arama inom, Mbeten inom, iru-ogwe kagak, oolo ageyo nggabu alome kwi'ndak wonage me, it Iterali mendek nogo nen inawone mbanuwak nduk, at owagam wagak eeko nogogwaarak.

Urut 1:2

Aap ti endage Elimelek, ndi, at akwe endage Nawomi. Apurilogwe wologwe mbere nogo ambi endage Makolon, ndi, ambi endage Kiliyon. It ti, aap Eparata mendek inawi Yekura o Mbe'lekem aret wonogogwaarak kwe, o Mowap time logowok nduk, nogogwaarak.

Urut 4:22

Obet nen Itayi ndake, ndi, Itayi nen Ndawut aret ndake, eerit wundi wogogwaarak. 14

1 Tamuwen 1:19

Ko'lu o weege mbareegi, Elakana nogo akuwi apurilogwe inom ineenik ogo nogogwaarik, at Aliku ALA alut eeppunuk, iname o Arama time aret nogogwaarak. Nogo nogogwaarik, wonogwe me, Elakana nogo akwe Kana imbirak nogo yege mbareegi, kwe Kana tamban eereegerak nogo Aliku ALA abereegerak.

1 Tamuwen 17:12

Aap Ndawut nogo ti, o Yekura, kota Mbe'lekem aap Eparata mendek endage Itayi aput aret wonagagerak. At Itayi nogo, apuri aap mban 8 ndaganabeegerak me, at ndarak kagak, yi tahun ndi tahun eeppunuk, abu anggok agagerak kagak, Tawun nogo aap endagembogut wonagagerak.

1 Tamuwen 2:11

Eeke mbareegi, at Elakana akuwi-apurilogwe inom o Arama iniyokan nogwe iigak kwe, at Tamuwen nogo perak, aap Ala unde Eli abu'me logonet, at Aliku ALA enggaanom paga eeke nagagerak.

1 Tamuwen 7:17

o Arama ti, at ame aret me, iyokan wage nagaatik, time logonet, aakumi Iterali inowak loongge nagagerak. Ndi, time logonet, at Aliku ALA ake warogo kani kunggo logowam ogobakkigirogo pereegerak.

1 Tamuwen 9:4

Yorage mbareegi, imbirak nen o Eparayim nggelok-nggobok me kwaarinabeegwaarak mendek lek mbareegwa, o Talita enaagan-ambokan kwaarinabit nogogwaarak mendek lek mbareegwa, o nggween Takalim nogome kwaarinabit nogogwaarak mendek, lek mban mbareegwa, aakumi Mbeniyamin mendek iname kwaaginabi nogogwaarak mendek, ineebe abu lek aret iyareegwaarak.

1 Tamuwen 9:5

Lek aret iigo nogogwaarik, o Tup time unggwi nanuk, Tawun nogo nen ayeloman imbirak wonage nogo yoge, “An nogoba nogo nen keledai paga iniki lunik lek nit paga iniki lunik logukwak me, niniyokan oome nawok nduk omok o.”