फिलिप्पी 4:8 - केवट नया कारार

⁸ सेल्याके, हे विश्वासी भ्या-बहिनसब, जे-जे बात सच छै, जे-जे बात प्रतिष्ठित छै, जे-जे बात परमेश्वरके नजरमे धर्मी छै, जे-जे बात पवित्र छै, जे-जे बात सुन्दर छै, आर जे-जे बातसब प्रशंसा करैके योग्य छै। अन्तमे जे कोनो भी बात उत्तम या बढाईके योग्य छै उहे बातमे तोरसिके मन लाग्ल रहौ।

फिलिप्पी 4:8 Cross References

मत्ती 22:16

ऊसब आपन कुछु चेलासिके हेरोद राजाके समर्थन करेवाला आदमीसिके संगे येशू लगत भेजल्कै। ऊसब जैके कहैल्कै, “हे गुरुजी, हमेसब जानैछियै, तुहें सभे दिन सच्चा बात बताबै छह। आदमीसिके सिखाबै बेरियाँ परमेश्वरके रस्ता बढियाँसे देखाबै छह। तुहें यी बातसे नैडराबै छह कि दोसर आदमीसब तोर बारेमे कि सोचैछै, तुहें सभैसे एक समान व्यवहार करैछ।

मर्कूस 6:20

कहिनेकी बप्तिस्मा दिएवाला यूहन्नाके एकटा धर्मात्मा आर पवित्र आदमी कहिके हेरोद राजा ओकरासे डराबै, आर ओकरा जेलमे सुरक्षित राखल्कै रहे। हरेक बेर जब हेरोद यूहन्नाके बोल्ते सुनै, ऊ खुबे विचलित है, तैय्योपर ओकर बात खुशीसे सुनै।

लूका 16:15

तब येशू ओकरासिके कहैल्कै, “तुहेंसब अपने आपके आदमीसिके समनामे सही देखाबैछैं, मगर परमेश्वर तोरसिके हृदय जानैछै। आदमीसिके द्वारा सम्मानजनक मान्ल कोय भी चीज परमेश्वरके समनामे खराब छै।

लूका 2:25

ऊ समयमे यरूशलेम सहरमे शिमियोन नामके एकटा आदमी रहै, जे धर्मी आर भक्त रहै। ऊ बेसबरीसे येशूके आबैके इन्तजार कर्ते रहै कि ऊ आबिके इस्राएलीसिके सान्त्वना दै। पवित्र आत्मा ओकरपर रहै।

लूका 23:50

ओत्ते योसेफ नामके एकटा आदमी रहै, जे यहूदिया प्रदेशके अरिमाथिया सहरके रहेवाला रहै। ऊ एकटा सज्जन आर धार्मिक आदमी रहै। जे खुद परमेश्वरके राज्यके आबैके इन्तजार कर्ते रहै। ऊ यहूदी आदमीसिके महासभाके सदस्य भी रहै। मगर येशूके बारेमे महासभाके जे फैसला आर कारवाही भेलै, उटा बातसे ऊ एकदम सहमत नैरहै।

यूहन्ना 7:18

जे आदमी आपन अधिकारसे बोलैछै, ऊ आपने लिए सम्मान खोजैछै, मगर जे अपना भेजेवालाके सम्मान खोजैछै, ऊ इमानदार आदमी छै, आर ओकरामे कोनो बैमानी नैहैछै।

चुन्ल आर भेज्ल चेलासब 10:22

ऊसब कहैल्कै, “कर्नेलियस कप्तान जे धर्मी आर परमेश्वरके डर राखेवाला आर सारा यहूदी आदमीसिमे सम्मान पैल आदमी छै, ऊ एकटा पवित्र स्वर्गदूतसे यी निर्देशन पैल्कै, कि तोरा आपन घरमे बोल्याके तोरासे उपदेश सुनै।”

चुन्ल आर भेज्ल चेलासब 22:12

दमसकस सहरमे हननिया नामके प्रभु येशूके एकटा चेला रहै। ऊ मूसाके विधि-विधान पालन करेवाला धर्मी आदमी रहै आर दमसकस सहरमे रहेवाला यहूदी आदमीसब सभेको ओकर मान-इज्जत कर्ते रहै।

चुन्ल आर भेज्ल चेलासब 6:3

सेल्याके विश्वासी भ्यासब, तोरसिके बीचसे सातटा आदमीसिके चुन जकर बारेमे सभैके यी मालुम छै कि ऊसब पवित्र आत्मा आर बुद्धिसे परिपूर्ण छै आर सभैसे आदर पैल छै, ताकी ओकरासिके यी कामके लिए हमेसब नियुक्त करियै।

रोमी 13:13

अपनासिके अनहारमे जियेवाला आदमीके जुगुर नै मगर उजेतमे जियेवाला आदमीके जुगुर सही तरिकासे जिना चाही। मौजमजा, पियक्कडपन, व्यबिचार, भ्रष्टाचार, झगडा आर डाहा नैकर।

रोमी 13:3

कहिनेकी यदि कोय बढियाँ काम करैछै ते, ओकरा शासकसिसे डरैके जरुरत नैछै। मगर यदि ऊसब खराब काम करैछै ते, ओकरासिके डरैके जरुरत छै। सेल्याके यदि तुहेंसब शासकसिसे नैडराबैले चाहैछैं ते, जे सही छै से कर, आर ऊसब तोरसिके प्रशंसा कर्तौ।

रोमी 14:18

जे आदमी एरंके ख्रीष्टके सेवा करैछै, ओकरासे परमेश्वर खुश छै आर आदमीसब भी ओकर बारेमे बढियाँ कहतै।

रोमी 2:29

सच्चा यहूदी आदमी ऊ छै जकर हृदय परमेश्वरके संगे सही छै। आर सच्चा खतना खाली मूसाके विधि-विधानके पालन करना नैछै, मगर यी हृदयके बदलाव छै, जे पवित्र आत्माके द्वारा उत्पन्न हैछै। एरंको आदमी दोसर आदमीसिसे नै मगर परमेश्वरसे प्रशंसा पाबैछै।

१ कोरन्थी 4:5

सेल्याके प्रभुके वापस आबैतक कोय ककरो जाँच नैकर। ऊ कक्रहौ मालुम नैभेल आदमीसिके विचारसिके साफसे कही देतै। ओकरसिके हृदयके मकसद प्रकट करि देतै, तब परमेश्वरके तरफसे सभे आदमीसिके प्रशंसा मिल्तै।

२ कोरन्थी 13:7

हमेसब परमेश्वरसे प्रार्थना करैछियै कि तुहेंसब कोनो भी खराब काम नैकर्भैं, यी देखाबैके लिए नै कि तोरसिके बीचमे हमरसिके सेवकाई सफल रहलै, बल्की इहे ल्याके कि हमेसब चाहैछियै कि तुहेंसब सही काम करहैं चाहे हमेसब असफल ही दिखाई पडियै।

२ कोरन्थी 6:8

जब आदमीसब हमरसिके प्रशंसा करैछै या जब ऊसब हमरासिके तुच्छ सम्झैछै, जब आदमीसब दोसर आदमीसिके बताबैछै कि हमेसब खराब आदमी छियै या बढियाँ आदमी छियै, हमेसब इमानदार छियै, मगर ऊसब कहैछै कि हमेसब झुट्ठा छियै।

२ कोरन्थी 8:18

आर हमेसब ओकरसंगे दोसर विश्वासी भ्याके भेज्लियै छे, जे सभे मण्डलीके विश्वासीसिके बीचमे खुश-खबरीके प्रचार करैके कामके लिए बहुते सम्मानित छै।

२ कोरन्थी 8:21

कहिनेकी हमेसब खाली प्रभुके नजरमे नै, मगर आदमीसिके नजरमे भी हमेसब कामसिके सही तरिकासे करैमे आपन ध्यान दैछियै।

गलाती 5:22

पवित्र आत्माद्वारा उत्पन्न हुएवाला चरित्रसब यी छियै: प्रेम, आनन्द, शान्ति, धीरज, दया, भलाइ, विश्वस्तता,

एफिसी 4:25

सेल्याके झुठ बोलैले छोडिके आपन-आपन विश्वासी भ्या-बहिनसिके संगे सच बोल, कहिनेकी अपनासब सभेको एक्केटा शरीरमे अंगसब छियै।

एफिसी 5:9

कहिनेकी यदि कोनो आदमी उजेतमे छै ते ओकर आचरण बढियाँ आर धार्मिक हैछै आर ओकरापर भरोसा कैल ज्या सकैछै।

एफिसी 6:14

जेरंके एकटा सिपाही आपन कम्मरमे पेटी बान्हिके खुदके लडाईके लिए तैय्यार करैछै, ओहिने करिके तहुँसब भी शैतानके विरुद्धमे लडाई करैके लिए खुदके तैय्यार करैले परमेश्वरके सच्चाईके अनुसरण कर। जेरंके कवच कोनो सिपाहीके लडाईमे रक्षा करैछै, ओहिने करिके जब शैतान तोरासिपर हमला करैछै तब तोरसिके धार्मिक व्यवहार तोरसिके रक्षा कर्तौ।

फिलिप्पी 3:1

अन्तमे हे प्रिय विश्वासी भ्या-बहिनसब, प्रभुमे आनन्दित र। तोरासिके उहे बातसब घुरी-घुरी लिखना हमरा झन्झट नैलागैछै, कहिनेकी उहे बातसब तोरासिके झुट्ठा शिक्षासे सुरक्षित राख्तौ।

कलस्सी 4:5

तुहें विश्वासी छैं कहिके देखाबैके लिए हरेक अवसरके उपयोग बढियाँसे कर आर जे विश्वासी नैछै ओकरसिके संगे बुद्धिमानीसाथ व्यवहार कर।

१ थेसलोनिकी 4:12

ताकी अविश्वासी आदमीसब तोरसिके सभे दिनके जीवनमे केरंको व्यवहार करैछैं से देखिके तोरासिके आदर कर्तौ आर तोरासिके जरुरत पडल चीजके लिए ककरोपर भी भर नैपडे पड्तौ।

१ तिमोथी 2:2

राजासब आर अधिकार भेल आदमी सभैके लिए प्रार्थना कर ताकी ऊसब अपनासिके शान्ति आर सुरक्षामे रहैके लिए सहायता करै आर अपनासब आजादीसे परमेश्वरके आराधना करे सकियै आर परमेश्वरके इच्छा मुताबिकके काम करे सकियै।

१ तिमोथी 3:11

इहे प्रकारसे मण्डलीके सेवकके पतनीसब सभैसे आदर पाबैके योग्यके हुए पडैछै, दोसरके बारेमे खराब बात बोलेवाली नै होना चाही, मगर संयमी आर ऊसब सभे परिस्थितिमे भरोसा करैके योग्यके होना चाही।

१ तिमोथी 3:4

ऊसब आपन घर-परिवारके बढियाँसे चलाबे सकेवाला आर व्यवस्थित होना चाही, आर ऊसब आपन बाल-बच्चासिके सभे बातमे आदरके साथ आज्ञापालन करैले सिखाबे पडैछै।

१ तिमोथी 4:12

एरंको व्यवहार कर कि कोय भी तोरासिके अनादर नैकरौ कहिनेकी तुहेंसब जवान छैं, मगर तोरसिके बोल्ल वचनद्वारा, तोरसिके व्यवहारद्वारा, दोसर आदमीसिके प्रति प्रेमद्वारा, ख्रीष्टमे तोरसिके भरोसाद्वारा आर तोरसिके पापरहित जीवनद्वारा विश्वासीसिके लिए तोरासिके एकटा उदाहरण बने पड्तौ।

१ तिमोथी 5:10

आर दोसर आदमीसिके यी बातके पुष्टि करना चाही कि ऊ सभे दिन बढियाँ काम कैल्कै छे, उदाहरणके लिए, आपन बालबच्चासिके बढियाँसे देखभाल कैल, यात्रा करेवाला आदमीसिके आपन घरमे स्वागत कैल, नम्र भ्याके नोकरके जुगुर विश्वासीसिके सेवा कैल, आर दुःखमे पडल आदमीसिके सहायता कैल होना चाही। ऊ अपने आपके सभे तरहके बढियाँ काम करैके लिए खुदके समर्पण कैल होना चाही।

१ तिमोथी 5:2

तुहेंसब बुढ जनानीसिके आपने मयाँके जुगुर व्यवहार कर आर जवान जनानीसिके आपन बहिनके जुगुर व्यवहार कर। यी कामसब शुद्ध ह्रदयसे करिहैं।

तीतस 1:8

मगर अतिथि सत्कार करेवाला, दोसर आदमीसिके लिए भलाइ करैले पसन्द करेवाला, आपन इच्छाके काबुमे राखेवाला, सही तरिकासे व्यवहार करेवाला, परमेश्वरमे समर्पित जीवन जिएवाला आर अनुशासित जीवन जिएवाला आदमी होना चाही।

तीतस 2:14

उहे येशू ख्रीष्ट अपनासिके सभे पापसे छुटकारा दिलाबैके लिए आर नैतिक रुपसे शुद्ध बनाबैके लिए खुदके बलिदान कैल्कै ताकी अपनासब ओकर आपन विशेष आदमीसब बने सकियै जेसब बढियाँ काम करैके बडका इच्छा राखैछै।

तीतस 2:2

बुढ आदमीसिके आपन इच्छाके काबुमे राखैके लिए, आदरके योग्य हुऐले, समझदार हुऐले, विश्वासमे पक्का हुऐले, प्रेम करैले आर धीरजमे दृढ हुऐले सिखा।

तीतस 2:7

सभे बातमे तोरा उदाहरणके रुपमे बढियाँ काम करना चाही, जकरा दोसर आदमीसब सभे दिन पालन करे सकै। जब तुहें विश्वासीसिके परमेश्वरके बारेमे सिखाबैछैं, तुहें बढियाँ विचारसे आर आदरयोग्य तरिकासे सिखाबे पडैछै।

तीतस 3:14

खाली ओतनें ही नै, तुहेंसब विश्वासीसिके बढियाँ कामसब करैमे निरन्तर कडा मेहनत करैके लिए सिखाबे पडैछै ताकी ऊसब आदमीसिके जे जरुरी छै से दिए सक्हैं। एकरासे विश्वासीसिके सहायता हैतै कि ऊसब बेकार जीवन नैजियै आर एकटा मकसदके साथ जीवन जिये सकै।

हिब्रू 11:2

आपनसिके पुर्खासब एरं विश्वास कैल्कै रहे। खाली इहे कारणसे परमेश्वर ओकरासिसे खुश रहै।

हिब्रू 13:18

हमरसिके लिए भी प्रार्थना कर्ते र। हमेसब निश्चित रुपसे जानैछियै कि हमरसिके विवेक स्वच्छ छै, आर हमेसब जे भी काम करैछियै उटा सभे चीजमे परमेश्वरके सम्मान करैले चाहैछियै।

याकूब 1:27

आपनसिके परमेश्वर पिताके नजरीमे शुद्ध आर निष्कलंक धरम यी छै, कि दुःखमे पडल अनाथ आर मोसामातसिके देखभाल करना, आर खुदके संसारमे भेल खराब आचरणसे बच्याके राखना।

याकूब 3:17

मगर जे बुद्धि स्वर्गसे आबैछै ऊ ते पहेला शुद्ध हैछै, तकरबाद ऊ मिलनसार, नम्र, दोसरके बारेमे सोचेवाला, आर दयासे भर्ल हैछै आर बढियाँ कामद्वारा प्रकट हैछै। ऊ भेद-भाव रहित आर इमानदार हैछै।

१ पत्रुस 1:22

कहिनेकी तुहेंसब सचके पालन करिके शुद्ध भेल छैं, आब तोरासिके आपन विश्वासी भ्या-बहिनसिके निष्कपट प्रेम करे पडैछै। तुहेंसब एक दोसरके पुरा हृदयसे बहुते गहरा प्रेम कर।

१ पत्रुस 2:12

कतनें बेर एरं आदमीसब हैछै जेसब प्रभुके नैजानैछै आर ऊसब तोरासिपर यी कहिके गलत आरोप लगाबे सकैछौ कि तोरसिके काम खराब छौ। इहे ल्याके तोरासिके आपन व्यवहारके विषयमे होशियार रहना चाही, ताकी ऊसब तोरसिके बढियाँ व्यवहार देखे सकौ। अन्तमे ऊसब स्वीकार कर्तै कि तोरसिके व्यवहार बढियाँ छै आर जे दिन परमेश्वर संसारके न्याय करैके लिए फेर यी संसारमे वापस ऐतै उटा दिन ऊसब परमेश्वरके महिमा कर्तै।

१ पत्रुस 4:8

सभैसे बेसी महत्वपूर्ण बात यी छै कि एक दोसरके इमानदारीसे प्रेम कर। कहिनेकी यदि तुहेंसब आदमीसिके प्रेम कर्भैं ते, तुहेंसब सभे दिन ओकरसिके द्वारा कैल गेल कोनो भी गलत कामके माफी दियैके लिए तैय्यार रहभैं।

२ पत्रुस 3:1

हे प्रिय विश्वासी भ्या-बहिनसब, हमे तोरासिके यी दोनो चिट्ठी इहे ल्याके लिख्लियौ छे ताकी जे बातसब तुहेंसब पहलहैसे जानैछैं, ओकर विषयमे तोरासिके याद दिलाबैके द्वारा हमे तोरसिके मनसिमे शुद्ध विचारसिके उत्पन्न करे सकियै।

१ यूहन्ना 3:18

तुहेंसब जे हमर प्यारा बच्चासिके जुगुर छैं, अपनासिके दोसर आदमीसिके हमेसब तोरासिके प्रेम करैछियौ कहिके खाली कहना नैचाही मगर जरुरत पडल समयमे ओकरसिके सहायता करना चाही।

१ यूहन्ना 3:3

हरेक आदमी जे यी आशा करैछै कि ऊ ख्रीष्टके जुगुर हैतै, ऊसब खुदके हरेक पापसे दूर राखे पडैछै।

१ यूहन्ना 4:1

हे प्रिय दोस्तसब, पवित्र आत्माद्वारा बोलैछियै कहिके दाबी करेवाला सभैके विश्वास नैकर, मगर आत्मासब परमेश्वरसे ऐल छै कि नैछै कहिके ओकर जाँच कर। कहिनेकी बहुते झुट्ठा परमेश्वरके वक्तासब यी संसारमे छै।