फिलिप्पी 4:7 - केवट नया कारार

⁷ तब परमेश्वरके शान्ति, जे आदमीके समझसे बाहार छै, से तोरसिके ह्रदय आर तोरसिके विचारके ख्रीष्ट येशूमे सुरक्षित राख्तौ।

फिलिप्पी 4:7 Cross References

लूका 1:79

पापमे जिएवालासब आर कहियो खतम नैहुएवाला मौतके खतरामे रहेवालाके रोशनी देतै, आर ऊ रोशनी हमरासिके ऊ जीवनमे मार्गदर्शन करैतै जे हमरासिके परमेश्वरके संगमे शान्ति देतै।”

लूका 2:14

‘सर्वोच्च स्वर्गमे परमेश्वरके जय-जयकार है, आर धर्तीपर जे आदमीसिसे ऊ खुश छै, ओकरासिके शान्ति हैते रहै।’ ”

यूहन्ना 14:27

हमे तोरासिके शान्ति दैछियौ यानिकी उटा शान्ति जे हमरलगत छै। यी ऊ शान्ति नैछै जे संसार दिए सकैछै। तुहेंसब आपन मनमे व्याकुल नैहु आर नैडर।”

यूहन्ना 16:33

हमे यी सभे बात तोरासिके यी कारणसे कहैलियौ छे, कि हमरामे तोरासिके शान्ति हौ कहिनेकी तुहें हमरसंगे रहैछैं। संसारमे तोरासिके संकट हैतौ, मगर हिम्मत कर, हमे यी संसारके शासक यानी शैतानके पराजित करि देलियै छे।”

रोमी 1:7

हमे यी चिट्ठी रोम सहरमे भेल तुहेंसब सभैके लिखैछियौ जकरा परमेश्वर प्रेम करैछै आर ओकर सन्तसब हुऐके लिए बोलैल छैं: हमे प्रार्थना करैछियौ कि आपनसिके परमेश्वर पिता आर प्रभु येशू ख्रीष्ट तोरासिके अनुग्रह आर शान्ति दौ।

रोमी 14:17

कहिनेकी आपनसिके जीवनमे परमेश्वरके राज्य ख्या-पियेवाला बातसे सम्बन्धित नैछै, मगर धार्मिकता, शान्ति आर आनन्दसे सम्बन्धित छै जे पवित्र आत्मा दैछै।

रोमी 15:13

हमे प्रार्थना करैछियै कि परमेश्वर जे आशाके दाता छै, ऊ तुहेंसब विश्वास करैके कारणसे तोरासिके पुरा तरिकासे खुशी आर शान्तिके आनन्द लियैके लिए सहायता करौ ताकी पवित्र आत्माके शक्तिसे तोरसिके आशा बढते जौ।

रोमी 5:1

सेल्याके अपनासब आपनसिके विश्वासके द्वारा धर्मी घोषित भ्या गेलियै छे, आर परमेश्वरसे आपनसिके मिलाप उटा कारणसे भेल छै जे आपनसिके प्रभु येशू ख्रीष्ट आपनसिके लिए कैल्कै छे।

रोमी 8:6

आपन पापी स्वभावके आपन मनके नियन्त्रण करैले देलेसे मौतके तरफ ल्याजैछै। मगर पवित्र आत्माके आपन मनके नियन्त्रण करैले देलेसे जीवन आर शान्ति मिलैछै।

२ कोरन्थी 10:5

हमेसब परमेश्वरके ज्ञानके विरोधमे खडा हुएवाला विचारसिके, आर सभे खराब तर्कके नाश करैछियै आर हरेक विचारके कब्जा करिके ख्रीष्टके आज्ञाकारी बन्या दैछियै।

२ कोरन्थी 13:11

हे विश्वासी भ्या-बहिनसब, आब अन्तमे तोरासिके आनन्द मिलौ, सिद्ध बन्ते जो, हमर सल्लाह सुन, आपसमे एक मनके भ्याके शान्तिपूर्वक र। आर प्रेम आर शान्ति दिएवाला परमेश्वर तोरसिके संगे रहतौ।

गलाती 5:22

पवित्र आत्माद्वारा उत्पन्न हुएवाला चरित्रसब यी छियै: प्रेम, आनन्द, शान्ति, धीरज, दया, भलाइ, विश्वस्तता,

एफिसी 3:19

हमे प्रार्थना करैछियै कि तुहेंसब यी बात जाने सक्हैं कि ख्रीष्ट अपनासिके कतनें प्रेम करैछै ताकी परमेश्वर तोरासिके ओकर चरित्रसे भरे सकौ।

फिलिप्पी 1:1

यी चिट्ठी हमे, पावल आर तिमोथीके तरफसे छै, जेसब येशू ख्रीष्टके दास छै। हमे यी चिट्ठी फिलिप्पी सहरके मण्डलीके देख-रेख करेवाला आर मण्डलीके सेवक सहित परमेश्वरके आदमीसिके लिखैछियै।

फिलिप्पी 1:2

हमेसब प्रार्थना करैछियौ कि परमेश्वर आपनसिके पिता आर आपनसिके प्रभु येशू ख्रीष्ट तोरासिके अनुग्रह आर शान्ति दौ!

फिलिप्पी 4:19

हमर परमेश्वर आपन असीम महिमाके भण्डारसे जे येशू ख्रीष्टमे रहैछै, तोरसिके सभे जरुरतके पुरा करि देतौ।

फिलिप्पी 4:21

ख्रीष्ट येशूमे भेल सभे परमेश्वरके आदमीसिके हमर नमस्कार कहैं। जे विश्वासी भ्यासब हमर संगमे छै उहोसब भी तोरासिके नमस्कार भेजल्कौ छे।

फिलिप्पी 4:9

हमर बोली आर काम दोनोसे तुहेंसब जे बात सिख्लहैं आर पैल्हैं उटा आपन व्यवहारमे देखा। तब शान्ति दिएवाला परमेश्वर तोरसिके साथमे रहतौ।

कलस्सी 3:15

ख्रीष्टके द्वारा मिलेवाला शान्ति तोरसिके हृदयमे राज्य करौ। कहिनेकी तुहेंसब एक्केटा शरीरके अलग-अलग भागसब छैं। सेल्याके तुहेंसब एक दोसरामे शान्तिके साथ जियैके लिए बोलैल छैं। आर परमेश्वरके निरन्तर धन्यवाद दिएवाला बन।

२ थेसलोनिकी 3:16

हमे प्रार्थना करैछियै कि प्रभु जे शान्तिके स्रोत छै, ऊ सभे बातमे तोरासिके शान्ति दौ। हमे प्रार्थना करैछियै कि प्रभु सभे दिन तोरसिके संगे रहौ।

हिब्रू 13:20

आर आब, शान्ति दिएवाला परमेश्वर, जे आपनसिके प्रभु येशूके मुर्दासे फेर जिन्दा बनैल्कै, तोरासिके उटा सभे चीजसे पुरा करौ जकर तोरासिके ओकर इच्छा पुरा करैके लिए जरुरत छौ। येशू ख्रीष्टके शक्तिके द्वारा ऊ तोरासिमे उटा सभे चीज उत्पन्न करौ जे ओकरा खुश करैछै। येशू कहियो खतम नैहुएवाला करारके द्वारा भेंडासिके महान चरवाहा बनी गेलै छे, जकरापर ओकर खूनके द्वारा सही कैल गेलै छे। ओकर महिमा सभे दिन हैते रहै। आमेन।

यहूदा 1:1

हमे, यहूदा, तोरासिके यी चिट्ठी लिखैछियौ। हमे येशू ख्रीष्टके एकटा सेवक आर याकूबके छोटका भ्या छियै। हमे तोरासिके लिखैछियौ, जकरासिके परमेश्वर आपन उप्परमे विश्वास करैके लिए बोलैल्कौ छे। हमरसिके परमेश्वर पिता तोरासिसे प्रेम करैछौ आर तोरासिके येशू ख्रीष्टमे सुरक्षित राखैछौ।

प्रकाश 1:4

हमे, यूहन्ना यी चिट्ठी तुहेंसब सातटा मण्डलीसिके विश्वासीसिके लिए लिखैछियै जे एशिया प्रदेशमे छै। हमे प्रार्थना करैछियै कि आपनसिके परमेश्वर तोरासिके अनुग्रह आर शान्ति दौ। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै। आर ऊ सात आत्मासिके तरफसे, जे परमेश्वरके सिंहासनके समनामे छै।

प्रकाश 2:17

जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक कि पवित्र आत्मा मण्डलीके कि कहैछै। जे आदमीसब जित हासिल करैछै, हमे ओकरासिके उटा मन्नामे से कुछु भाग देबै जे नुकैल छै। हमे ओकरासिमेसे हरेकके एकटा उजरा पत्थल भी देबै, जकरापर एकटा नया नाम लिख्ल हैतै। जे आदमी ओकरा प्राप्त कर्तै, ओकर छोडिके कोय भी उटा नामके जाने नैसक्तै।