फिलिप्पी 4:5 - केवट नया कारार

⁵ सभे आदमीसब तोरसिके बढियाँ व्यवहारके जानी लौ। कहिनेकी प्रभु येशू जल्दी वापस आबेवाला छै।

फिलिप्पी 4:5 Cross References

मत्ती 6:25

“सेल्याके, हमे तोरासिके कहैछियौ, तुहेंसब कि खैबै या कि पिबै कहिके आपन दैनिक जीवनके लिए चिन्ता-फिकिर नैकर आर तुहेंसब कि लगैबै कहिके आपन दैनिक जीवनके लिए चिन्ता-फिकिर नैकर। निश्चित रुपसे, जीवन जिना ख्यावाला चीजसे बेसी किमती छै आर तोर शरीर तोर लगाबेवाला लत्ता-कपडासे बेसी किमती छै।

मत्ती 6:34

क्यालके लिए चिन्ता-फिकिर नैकर, कहिनेकी क्यालकरो दिनके चिन्ता क्याल ऐतै। सेल्याके, ऐजके दुःख ऐजके लिए काफी छै।”

लूका 21:34

“मगर तुहेंसब आपन विषयमे होशियार र, बहुते भोग-विलासके पाछु नैलाग, नशामे चुर भ्याके नै र आर यी जीवनके चिन्ता-फिकिर नैकर। नैते तुहेंसब सुस्त भ्या जैभैं आर हमे तोरसिके नैसोच्ल दिनमे ऐबौ जे अचानक जानवरके पक्डेवाला फन्दाके जुगुर हैतौ।

१ कोरन्थी 16:22

यदि कोय प्रभुसे प्रेम नैकरैछै ते ऊ आदमी श्रापित छै, हे हमरसिके प्रभु आब!

१ कोरन्थी 6:7

जब तोरासिमेसे एकटा विश्वासी आदमी दोसर विश्वासी आदमीके अदालतमे ल्याजैछै ते, तुहेंसब एक दोसरके संगे बढियाँसे जियैले नैसकैछै। यी बढियाँ हैतै यदि तुहेंसब दोसर विश्वासी आदमीसिके आपनसंगे गलत करैले दहैं आर कोनो अदालतमे नैजो आर ओकरासिपर दोष नैलगा। यदि दोसर विश्वासी आदमी धोखा द्याके तोरासिसे कुछु छिनी लेल्कौ ते, ओकरा कुछु नैकर।

१ कोरन्थी 8:13

सेल्याके यदि मूर्तिसिके चढैल भोजन खैसे दोसर विश्वासी आदमीके विश्वास खतम हैछै ते, हमे ओरंको भोजन कहियो नैखैबै ताकी हमे दोसर विश्वासी आदमीसिके विश्वास खतम हुऐके कारण नैबनियै।

१ कोरन्थी 9:25

दौडमे हिस्सा लिए चाहेवाला आदमीसब पहेला अभ्यास करैछै आर खुदके अनुशासनमे राखैछै। ऊसब एरं इहे ल्याके करैछै ताकी ऊसब जिते सकै आर आदर पाबे सकै। ओकरासिके आदर करैके लिए ओकरासिके फूलके मल्ला लग्या दैछै जे बहुते समयतक नैरहैछै। मगर येशू ख्रीष्टमे विश्वास राखेवाला सभेको आदर पैतै आर अपनासिके देल आशिष सभे दिन रहतै। सेल्याके अपनासिके खुदके अनुशासनमे राखना चाही।

२ कोरन्थी 10:1

हमे पावल जे तोरसिके समनामे कायर छियै, मगर तोरसिसे दूर रहेला पर साहास देखाबैछियै, तोरासिके ख्रीष्टके नम्रता आर कोमलताके कारण आग्रह करैछियौ।

२ थेसलोनिकी 2:2

यदि तुहेंसब प्रभु येशूके वापस आबैके दिन आबी गेलै छे कहिके सुन्भैं ते आपन मनमे आसानीसे निराश नैहइहैं या नैडरइहैं। यी हमे लिख्लियै छे कहिके कोय यी बात आत्मिक दर्शनमे या प्रकाशमे या कोनो चिट्ठीमे तोरासिके कहे सकैछौ।

तीतस 3:2

ऊसब ककरो बारेमे खराब बात नैबोलै, झगडा नैकरै, मगर दोसर आदमीसिके दया देखाबै, आर आदमीसिके संगे बहुते नम्रताके साथ व्यवहार करै।

हिब्रू 10:25

या अपनासब परमेश्वरके आराधना करैके लिए जमा हुऐले बन्द नैकर, जेरं कुछु आदमीसब करैछै, मगर अपनासिके एक-दोसरके उत्साहित करना चाही, विशेष करिके आब जब कि प्रभुके फेरसे वापस आबैके दिन नज्दिक आबैछै।

हिब्रू 10:37

कहिनेकी धरमशास्त्रमे लिख्ल छै, “आब एक्के छिनमे जे आबेवाला छै ऊ ऐतै, आर ऊ देर नैकर्तै।”

१ पत्रुस 1:11

ख्रीष्टके आत्मा ओकरासिमे रहै आर ओकरासिके बतैते रहै कि ख्रीष्ट केरंके दुःख सहतै आर फेर ओकरा बडका सम्मान देल जैतै। इहे ल्याके ऊसब यी पता लगाबैके कोशिश कैल्कै कि वास्तवमे ख्रीष्ट के हैतै आर यी सभे बात कहिया हैतै।

१ पत्रुस 4:7

सभे चीजके अन्त नज्दिक ऐल छै, सेल्याके तुहेंसब सचेत र आर अपने आपके वशमे राख ताकी तुहेंसब प्रार्थना करे सक्हैं।

प्रकाश 22:20

येशू यी सभे वचनसिके गवाही दैछै आर कहैछै, “हँ, हमे जल्दी ही आबैछियै।” हमे यूहन्ना जबाब देलियै, “आमेन, हे प्रभु येशू, आब।”

प्रकाश 22:7

येशू कहैछै, “हमे जल्दी ही आबैछियै। यी किताबमे लिख्ल भविष्यवाणीके बातसिके पालन करेवालासब धन्यके छै।”