फिलिप्पी 4:17 - केवट नया कारार

¹⁷ हमे यी नैकहैछियौ कि तुहेंसब हमरा सभे दिन उपहारसब दे मगर तुहेंसब पहलहैसे कैल बढियाँ कामसिके सूचीमे एकरा जोड्ल हमे देखे चाहैछियौ, जकर खातिर परमेश्वर तोरासिके इनाम देतौ।

फिलिप्पी 4:17 Cross References

यूहन्ना 15:16

हमरा तुहेंसब नैचुन्लहैं छे, मगर हमे तोरासिके चुन्लियौ, आर तोरासिके नियुक्त कैलियौ छे, कि तुहेंसब जो आर बढियाँ काम कर आर तोरसिके बढियाँ काम सभे दिन रहौ। कहिनेकी तुहें हमर चेला छैं सेल्याके तुहेंसब जे कुछु भी हमर चेला हुऐके नातासे माँग्भैं, पिता तोरासिके देतौ।

यूहन्ना 15:8

यदि तुहेंसब बहुते बढियाँ काम करैछैं ते, एकरद्वारा हमर पिताके महिमा प्रकट हैतै, आर एरंके तुहेंसब स्पष्ट करैछैं कि तुहेंसब हमर चेला छैं।

रोमी 15:28

सेल्याके, हमे सभैसे पहेला यरूशलेम सहर जैछियै ताकी ओकरासिके यी जमा कैल सहायताके पैसा लज्याके दियै। तकरबाद, फेर हमे रोम सहरमे आबिके तोरसिसे मुलाकात करिके स्पेन देशमे जैबै।

२ कोरन्थी 11:16

हमे फेर कहैछियौ कि कोय आदमी हमरा मूर्ख नै सम्झै। मगर यदि तुहेंसब ओरं बुझ्बो करैछैं ते हमरा मूर्ख कहिके स्वीकार करि ले, ताकी हम्हुँ कनेजरा गर्व करे सकियै।

२ कोरन्थी 9:5

इहे ल्याके हमे विश्वासी भ्या-बहिनसिसे यी बिन्ती करना जरुरी लाग्लै कि ऊसब सभैसे पहेला तोरसिकेलगत जै आर तोरसिके उटा धन जे तुहेंसब उदारतासे दैछैं जकर विषयमे पहलहैसे प्रतिज्ञा कैल गेलै रहे, तैय्यार करिके राख आर यी दबाबसे नै मगर उटा धन तुहेंसब उदारतासे दियैके लिए तैय्यार र।

फिलिप्पी 1:11

जेरंके गाछ फल फराबैछै ओहिने करिके तुहेंसब परमेश्वरके महिमा आर स्तुतिके खातिर येशू ख्रीष्टसे आबेवाला धार्मिक काम कर।

फिलिप्पी 4:11

हमरा जरुरी पडल चीज हमरलगत नैहुऐके कारणसे हमे यी नैकहैछियौ, कहिनेकी जेरंको भी परिस्थितिमे सन्तुष्ट रहैले हमे सिखी लेलियै छे।

१ थेसलोनिकी 2:5

तुहेंसब जानैछैं कि हमेसब कहियो चापलूसीके बात नैकैलियै। हमेसब लालची हुऐके कारणसे यी बात नैकैलियै छे आर हमरसिके लालच तोरसिसे आर कक्रहौसे नुकाबैके कोशिश भी नैकैलियै छे। परमेश्वर ही यी बातके गवाही दैछै कि हमेसब ओरंको नैरहियै।

१ तिमोथी 3:3

ऊसब बेसी नशा करेवाला आदमी आर मार-पीट करेवाला आदमी नै होना चाही। ऊसब दयालु, धीरजी आर शान्त आदमी होना चाही, आर ऊसब वाद-विवाद नैकरेवाला, आर पैसाके लालच नैकरेवाला आदमी होना चाही।

१ तिमोथी 6:10

कहिनेकी रुपिया-पैसाके प्रेम सभे प्रकारके खराबीके जड छै। कुछु आदमीसब कले-कले ख्रीष्टके विषयमे शिक्षासिके उप्परमे विश्वास करैके लिए छोडी देल्कै कहिनेकी ऊसब रुपिया-पैसा हुऐके बहुते इच्छा कर्ते रहै, आर ऊसब बहुते किसिमसे कष्ट भोगैछै, एकटा एरंको आदमीके जुगुर जे अपने आपके एकटा हतियारसे भोकी लेल्कै छे।

तीतस 1:7

कहिनेकी मण्डलीके देख-रेख करेवाला आदमी परमेश्वरके काम करे पडैके कारणसे दोषरहित होना चाही। ऊ आपन चहेल बात पुरा हुऐके चाहना करेवाला या तुरन्ते रिसाबेवाला या मतवाला या झग्डौहा या धन-दौलतके लिए ठगेवाला नै होना चाही।

तीतस 3:14

खाली ओतनें ही नै, तुहेंसब विश्वासीसिके बढियाँ कामसब करैमे निरन्तर कडा मेहनत करैके लिए सिखाबे पडैछै ताकी ऊसब आदमीसिके जे जरुरी छै से दिए सक्हैं। एकरासे विश्वासीसिके सहायता हैतै कि ऊसब बेकार जीवन नैजियै आर एकटा मकसदके साथ जीवन जिये सकै।

हिब्रू 6:10

जेरं तुहेंसब बढियाँ काम कैल्हैं छे आर एखन भी तुहें परमेश्वरके नाममे परमेश्वरके आदमीसिके लिए प्रेमके साथ सेवाके काम करैछैं, सेल्याके परमेश्वर तोरासिके नै भुल्तौ। कहिनेकी ऊ धर्मी छै।

१ पत्रुस 5:2

जेरंके चरवाहासब आपन भेंडासिके रखवाली करैछै, ओहिने करिके तोरासिके हरेकके रखवाली करना चाही जकरा परमेश्वर तोरसिके देखरेखमे राखल्कौ छे। एकरा स्वेच्छासे कर, कहिनेकी परमेश्वर इहे चाहैछै कि तुहें एरं कर। एरं खाली इहे ल्याके नैकर कहिनेकी तोरासिके एरं करैके लिए मजबूर कैल गेलौ छे। यी काम इहे ल्याके नैकर कहिनेकी तुहेंसब धन कमाबैके लिए चाहैछैं मगर परमेश्वर आर आदमीसिके सेवा करैके इच्छाके साथ कर।

२ पत्रुस 2:15

ऊसब उटा काम करैले छोडी देल्कै छे, जे सही छै आर ऊसब ओहिने प्रकारके खराब काम करैले शुरु करिदेल्कै छे, जे कि बओरके बेटा बालाम बहुते समय पहेला कैल्कै रहे। ऊ गलत काम करिके पैसा कमाना पसन्द कैल्कै।

२ पत्रुस 2:3

यीसब लोभी हैतै आर ऊसब बन्ल बनैल कहानीसब सुन्याके तोरासिके धोखा देतौ ताकी तोरासिसे पैसा कमाबे सकै। परमेश्वर बहुते समय पहेला ही फैसला करि लेल्कै रहे कि ऊ ओकरासिके सजाय देतै आर ऊ एरं करैके लिए तैय्यार छै। परमेश्वर जरुर ओकरासिके नाश करि देतै।

यहूदा 1:11

ओकरासिके बहुते भयानक हैतै! कहिनेकी ऊसब कयिनके जुगुर दुष्टतासे आपन जीवनके चलाबैछै, जे आपन छोटका भ्याके जान मारि देल्कै कहिनेकी ऊ ओकरासे जर्नी कर्ते रहै। कहिनेकी परमेश्वर ओकर छोटका भ्याके द्वारा चढैल बलिदानके स्वीकार कैल्कै रहे मगर ओकर चढैल बलिदानके स्वीकार नैकैल्कै रहे। ऊसब बालामके जुगुर छै, जे परमेश्वरके आदमीसिके पाप करैके लिए उक्साबैके कोशिश कैल्कै, ताकी ऊ, उटा दौलतके हासिल करे सकै जकर पेशकश ओकरा कैल गेलै रहे। ऊसब कोरहके जुगुर नाश भ्याजैतै, जेसब उटा अधिकारके विरुद्ध विद्रोह कैल्कै जे अधिकार परमेश्वर मूसाके देल्कै रहे।