फिलिप्पी 4:1 - केवट नया कारार

¹ सेल्याके, हे हमर प्रिय विश्वासी भ्या-बहिनसब, हमे तोरासिके बहुते प्रेम करैछियौ आर तोरसिके भेट करैके लिए इन्तजार करैछियौ। तुहेंसब हमर आनन्द आर मकुट छैं। हमर प्रिय भ्या-बहिनसब, जेरंके हमे कहैलियौ छे ओरंके आपन विश्वासमे मजगुत भ्याके र।

फिलिप्पी 4:1 Cross References

मत्ती 10:22

कहिनेकी तुहेंसब हमर चेलासब छैं ओकर खातिर सभैसे घृणा कैल जैभैं, मगर ऊ जे हमरापर भरोसा करैमे लाग्ल रहैछै आर धर्तीपर ओकर जीवनके अन्ततक हमर पाछु चल्ते रहैछै। ओकरा पापसिके लिए दण्डित हुऐसे बचैल जैतै।

यूहन्ना 8:31

येशू अपनापर विश्वास करेवाला यहूदी आदमीसिके कहैल्कै, “तुहेंसब हमर वचनमे दृढ रहभैं ते तुहेंसब सच्चे हमर चेला छैं।

चुन्ल आर भेज्ल चेलासब 11:23

ऊ ओत्ते आबिके परमेश्वरके अनुग्रहके देखिके बहुते आनन्दित भेलै, आर ऊ सभैके तन मनसे प्रभुके बतैल रस्तामे चलैके लिए उपदेश देल्कै।

चुन्ल आर भेज्ल चेलासब 14:22

ऊसब सभे सहरमे चेलासिके मनके मजगुत बनैते रहलै आर यी उपदेश दै कि आपन विश्वासमे स्थिर र, आर यी कहै, “अपनासिके बहुते कष्ट सहिके परमेश्वरके राज्यमे प्रवेश करे पड्तै।”

चुन्ल आर भेज्ल चेलासब 2:42

ऊसब चुन्ल आर भेज्ल चेलासिके शिक्षामे आर संगतिमे लाग्ल रहै, आर प्रभु-भोजमे सहभागी हैते रहै आर विश्वासीसब एक्केसंगे भोजन कर्ते रहै, आर लगातार प्रार्थनामे लाग्ल रहते रहै।

रोमी 2:7

धीरजके साथ बढियाँ काम करिके महिमा, इज्जत आर अमरता खोजेवाला आदमीके परमेश्वर कहियो खतम नैहुएवाला जीवन देतै।

१ कोरन्थी 15:58

सेल्याके हे हमर प्यारा भ्या-बहिनसब, आपन विश्वासमे मजगुत र आर गलत शिक्षासिके द्वारा नैभटक, प्रभुके लिए जे काम तुहेंसब करैछैं ओकरामे विजय हासिल कर, कहिनेकी प्रभुके लिए तुहेंसब जे कुछु भी कर्भैं, ओकर फल तोरा जरुर मिल्तौ।

१ कोरन्थी 16:13

होशियार र, विश्वासमे स्थिर र, साहासी आदमी बन आर विश्वासमे मजगुत बन।

गलाती 5:1

ख्रीष्ट अपनासिके मूसाके विधि-विधानसे आजाद कैल्कै छे। सेल्याके आपन आजादीके पक्डीके राख। विधि-विधानके पालन करैके लिए खुदके फेरसे दास नैबना।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

फिलिप्पी 1:8

परमेश्वर हमर गवाह छै, कि हमर ह्रदय तोरसिके प्रति ख्रीष्ट येशूके प्रेमसे भरि गेलै छे आर हमे तोरासिके सभैके देखैके लिए तर्सैछियै।

फिलिप्पी 2:16

ताकी जब ख्रीष्ट वापस ऐतै तब हमरा गर्व करैके कारण है कि हमर प्रयास आर कठिन मेहनत करना बेकार नैभेलै।

फिलिप्पी 2:26

कहिनेकी तोरसिके सभैके भेट करैके लिए ऊ बहुते इच्छा कैल्कौ छे, आर यी बातसे चिन्तित छौ कि तुहेंसब ऊ बेमार भेल बात सुनी लेल्हैं छे।

कलस्सी 4:12

इपाफ्रास जे तोरसिके सहरसे छै, आर ख्रीष्ट येशूके दास छै, तोरासिके नमस्कार भेजल्कौ छे। आर ऊ सभे दिन तोरसिके लिए लगनशील भ्याके यी प्रार्थना करैछौ कि तुहेंसब परमेश्वरके सभे इच्छामे पूर्ण रुपसे आज्ञाकारी हुऐके कारणसे विश्वस्त हुए सक्हैं।

१ थेसलोनिकी 3:13

हमेसब प्रार्थना करैछियै कि आपनसिके प्रभु येशू तोरसिके मनके एरंके स्थिर कराबौ, कि जब ऊ आपन पवित्र आदमीसिके संगे फेर वापस ऐतौ ते, तुहेंसब आपनसिके परमेश्वर पिताके समनामे निर्दोष आर पवित्र ठहरहैं।

२ थेसलोनिकी 2:15

सेल्याके विश्वासी भ्या-बहिनसब, मजगुत भ्याके खडा हु, आर हमेसब तोरसिके संगे व्यक्तिगत रुपमे आर चिट्ठीसिमे बात करैबेरियाँ देल शिक्षामे निरन्तर विश्वास कर।

२ तिमोथी 2:1

सेल्याके तिमोथी, तुहें जे हमर बेटाके जुगुर छैं, येशू ख्रीष्टमे परमेश्वर तोरा देल अनुग्रहके द्वारा अपने आपके निरन्तर मजगुत बना।

हिब्रू 10:23

आपनसिके द्वारा स्वीकार कैल आशाके मजगुतसे पक्डीके राख, कहिनेकी ओकर कैल प्रतिज्ञा पुरा कर्तै कहिके अपनासब परमेश्वरमे विश्वास करे सकैछियै।

हिब्रू 3:14

कहिनेकी यदि अपनासब अन्ततक दृढताके साथ आपन शुरुआतके विश्वासके थामिके राखैछियै ते, अपनासब ख्रीष्टके संगे सहभागी भ्या जैछियै।

हिब्रू 4:14

इहे ल्याके येशू जे स्वर्ग गेलै छे, ऊ परमेश्वरके बेटा छै। ऊ आपनसिके सभैके प्रधान पुजारी छै। सेल्याके या अपनासब ऊ विश्वासके नैछोडिके दृढतासे र, जकरा अपनासब सभैके समनामे स्वीकार कैलियै रहे।

२ पत्रुस 3:17

सेल्याके हे प्रिय विश्वासी भ्या-बहिनसब, तुहेंसब पहलहैसे जानैछैं कि यी बातसब हैतै। सेल्याके होशियार र, ताकी जे आदमीसब नियमसिके नैमानैछै ओकरसिके झुठसे धोखा नैखो। यदि तुहेंसब ओकरसिके अनुसरण करैछैं ते तुहेंसब उटा बात पर शंका करैले शुरु करि देभैं जकरापर तुहेंसब एक समय मजगुतीसे विश्वास कैल्हैं रहे।