फिलिप्पी 3:3 - केवट नया कारार

³ कहिनेकी परमेश्वरके आत्मामे आराधना करेवाला, ख्रीष्ट येशूमे गर्व करेवाला आर आपने मानव प्रयासमे भरोसा नैराखेवाला अपनासब ही छियै, जेसब वास्तवमे ही परमेश्वरके आदमीसब छियै।

फिलिप्पी 3:3 Cross References

रोमी 1:9

हमे पुरा मनसे ओकर बेटाके बारेमे आदमीसिके खुश-खबरी प्रचार करैछियै, आर परमेश्वर हमर गवाही छै कि हमे हमर प्रार्थनासिमे तोरासिके लगातार याद करैछियौ।

रोमी 15:17

सेल्याके येशू ख्रीष्टसे हमर रिश्ता छै, ओकर कारणसे ही परमेश्वरके सेवामे हमे गौरव करे सकैछियै।

रोमी 7:6

मगर अपनासब उटा विधि-विधानके लिए मरि गेलियै जे एकबेर अपनासिके बन्दी बन्या लेल्कै रहे। आब अपनासब परमेश्वरके सेवा लिख्ल विधि-विधानके पुरना तरिकासे मानैके द्वारा नैकरैछियै, मगर ओकर आत्मामे जियैके द्वारा नया तरिकासे करैछियै।

रोमी 8:15

कहिनेकी तोरासिके दासके आत्मा नैमिल्लौ छे, कि फेर परमेश्वरसे डराभैं। मगर परमेश्वरके आत्मा अपनासिके परमेश्वरके सन्तान बनाबैछै, इहे कारणसे अपनासब परमेश्वरके “हे बाबु, हे पिता” कहिके कहैछियै।

रोमी 8:39

उचाई या गहराई या सभे सृष्टिमे भेल कोनो भी चीज आपनसिके प्रभु येशू ख्रीष्टद्वारा पैल परमेश्वरके प्रेमसे अपनासिके अलग नैकरे सक्तै।

रोमी 9:6

मगर परमेश्वर आपन प्रतिज्ञा पुरा करैमे विफल नैभेलै छे। कहिनेकी सभे इस्राएलके सन्तान सच्कोर इस्राएली नैछै।

२ कोरन्थी 11:18

कहिनेकी बहुते आदमीसब यी संसारके आदमीसिके जुगुर गर्व करैछै ते, हमे भी गर्व कर्बै।

गलाती 5:25

अपनासिके आपन नया जीवन पवित्र आत्माके तरफसे मिलैछै आर सेल्याके अपनासिके पवित्र आत्माके अगुवाईमे चलना चाही।

गलाती 6:16

जे आदमीसब यी नियमके पालन करैछै, परमेश्वर ओकरासिके सभैके आपन शान्ति देतै आर ओकरासिपर दया कर्तै, आर ओकरासिके आशिष देतै। आर ऊसब परमेश्वरके आदमीसब छै।

एफिसी 6:18

सभे समय आर सभे किसिमसे अपनासिके ओहिने करिके प्रार्थना करना चाही जेरं पवित्र आत्मा अपनासिके अगुवाई करैछै। सचेत भ्याके सभे विश्वासीसिके लिए सभे जगहमे निरन्तर प्रार्थना कर्ते र।

फिलिप्पी 1:1

यी चिट्ठी हमे, पावल आर तिमोथीके तरफसे छै, जेसब येशू ख्रीष्टके दास छै। हमे यी चिट्ठी फिलिप्पी सहरके मण्डलीके देख-रेख करेवाला आर मण्डलीके सेवक सहित परमेश्वरके आदमीसिके लिखैछियै।

फिलिप्पी 3:12

हमे यी दाबी नैकरैछियै कि हमे सभे कुछु पहलहैसे पाबि लेलियै छे, हमे ऊ सिद्धता पाबैके लिए कडा कोशिश कर्ते आगु बढैछियै जे इनामके लिए येशू ख्रीष्ट हमरा चुन्लकै छे।

फिलिप्पी 3:14

ख्रीष्ट येशूमे परमेश्वरके स्वर्गीय बुलाहटके इनाम पाबैके लिए हमे निशाना महर दौड्ते जैछियै।

कलस्सी 2:11

जब तुहेंसब ख्रीष्टमे विश्वास कैल्हैं, तोरसिके खतना शारीरिक तरिकासे नैभेलौ। मगर ख्रीष्टद्वारा तोरसिके खतना भेलौ, यी तोरसिके पापमय स्वभावके काटिके हटैल जुगुर छै।

यहूदा 1:20

मगर हे प्रिय विश्वासी भ्या-बहिनसब, तोरासिके एक-दोसरके सहायता कर्ते रहना चाही ताकी ऊ पवित्र सच्चाईसिमे जकरापर तुहेंसब विश्वास करैछैं, एक-दोसरके बनाबे सक्हैं। तोरासिके पवित्र आत्माके शक्तिसे मार्गदर्शन पाबिके प्रार्थना करना चाही।