फिलिप्पी 3:20 - केवट नया कारार

²⁰ मगर अपनासब स्वर्गके छियै। आर अपनासब एकटा उद्धारकर्ता प्रभु येशू ख्रीष्टके स्वर्गसे वापस आबैके इन्तजारमे छियै।

फिलिप्पी 3:20 Cross References

मत्ती 19:21

येशू ओकरा कहैल्कै, “एकटा काम छै जे तोरा आब करैके जरुरत छौ; जो, आर तोरलगत जे जतनें छौ बेचिके पैसा गरिबसिके दहैं, अगर तुहें एरं करैछैं ते, तोरलगत स्वर्गमे सम्पति हैतौ। तोर एरं कैलके बाद, या आर हमर चेला बनी जो।”

लूका 12:21

अहिने ही ऊ आदमीके संगे हैतै जे सभे कुछु आपन लिए जमा करैछै, मगर परमेश्वरके सेवा करैके लिए आपन क्षमतासिके आर धन-दौलतसिके उपयोग नैकरैछै।”

लूका 14:14

तब तुहें आशिष पैभैं, कहिनेकी ओकरा तुहें जे कैल्हैं छे तोरा वापस घुमाबैले नैसक्तौ। मगर जब धर्मी आदमीसब मुर्दासे जिन्दा हैतै ते, परमेश्वर तोरासिके एकर इनाम देतौ।”

चुन्ल आर भेज्ल चेलासब 1:11

ऊसब कहैल्कै, “हे गालील जिलाके रहेवाला आदमीसब, तुहेंसब खडा भ्याके आकाशमहर कहिने देखैछैं? इहे येशू जकरा परमेश्वर तोरसिके लगतसे स्वर्गमे ल्यागेलै, एखन जेरं तुहेंसब ओकरा स्वर्गमे गेल देख्लहैं छे, ओहिने करिके ऊ फेर वापस ऐतै।”

१ कोरन्थी 1:7

इहे कारणसे तुहेंसब आपनसिके प्रभु येशू ख्रीष्टके फेर वापस आबैके इन्तजार करैबेरियाँ पवित्र आत्मा तोरासिके सभे किसिमके खूबी देल्कौ छे।

१ कोरन्थी 15:48

जे आदमीसब धर्तीसे सम्बन्धित छै, ऊसब धर्तीके पहेला आदमी आदमके जुगुर छै। मगर ऊ आदमीसब जे स्वर्गसे सम्बन्ध राखैछै, ऊ स्वर्गमे रहेवाला ख्रीष्टके जुगुर छै।

२ कोरन्थी 4:18

इहे ल्याके हमरसिके नजर ऊ चीजसिपर टिक्ल नैछै जे दिखाई दैछै, मगर ऊ चीजसिपर नजर टिक्ल छै जे आँखीसे देख्ल नै ज्या सकैछै, कहिनेकी दिखाई दिएवाला चीजसब कुछु देर टिकैछै मगर जे चीज देख्ल नै ज्या सकैछै, ऊ सभे दिनके लिए रहैछै।

२ कोरन्थी 5:8

सेल्याके हमेसब निश्चिन्त रहैछियै आर जब हमेसब मर्बै ते, यी शरीरके छोडिके प्रभुके संगे आपनसिके घरमे रहना आरहौ भी उत्तम मानैछियै।

गलाती 4:26

मगर साराके तुलना ऊ यरूशलेम सहरसे कैल ज्या सकैछै जे स्वर्गमे छै। सारा ही छै जे आब आपनसिके लिए एकटा मयाँके जुगुर छै कहिनेकी ऊ एकटा नोकरनी नैरहै, आर अपनासब मूसाके विधि-विधानके पालन करैसे आजाद छियै।

एफिसी 2:19

सेल्याके तुहें गैर-यहूदी आदमीसब आब परदेशी नैछैं, मगर विश्वासीसिके संगे तुहेंसब परमेश्वरके आदमीसिके संगे संगी नागरिक आर परमेश्वरके परिवारके सदस्यसब छैं।

एफिसी 2:6

परमेश्वर अपनासिके ख्रीष्टके संगे मुर्दासिमेसे जिन्दा बनैल्कै आर येशू ख्रीष्टके संगे आपनसिके सम्बन्ध हुऐके कारण स्वर्गमे अपनासिके ख्रीष्टके संगे राज्य करैके योग्य बनैल्कै।

फिलिप्पी 1:10

ताकी तुहेंसब चुने सक्हैं, कि करना सही छै, आर जब ख्रीष्ट वापस ऐतै ते तुहेंसब शुद्ध आर निर्दोष रहे सक्हैं।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

कलस्सी 1:5

तोरसिके विश्वास आर प्रेम तोरसिके लिए स्वर्गमे राख्ल आशामे आधारित छौ। तुहेंसब यी विषयमे पहलहैसे सुन्लहैं रहे, जब आदमीसब पहेला तोरसिकेलगत ऐलौ आर तोरासिके येशू ख्रीष्टके बारेमे खुश-खबरी सुनैल्कौ, जे परमेश्वरके सच्चा सन्देश छै।

१ थेसलोनिकी 1:10

आर ऊसब तुहेंसब केरंके स्वर्गसे परमेश्वरके बेटा फेरसे वापस आबैके रस्ता देखैछैं कहिके कहैछै, यानिकी येशू, जकरा परमेश्वर मुर्दासे फेर जिन्दा बनैल्कै। उहे ही अपनासिके आबेवाला परमेश्वरके क्रोधसे बचाबैछै।

१ थेसलोनिकी 4:16

कहिनेकी प्रभु येशू आपनहैं स्वर्गसे निच्चा ऐतै, उटा समयमे प्रभु येशू बडका आवाजसे आदेश देतै, प्रधान स्वर्गदूत बडका आवाजसे बोल्तै आर परमेश्वरके धुतहुक फुक्ल जैतै, आर ख्रीष्टमे मर्ल विश्वासीसब पहेला जिन्दा हैतै।

२ तिमोथी 4:8

आब प्रभु हमर लिए स्वर्गमे धार्मिकताके मकुट राखल्कै छे, कहिनेकी हमे ओकरा पसन्द हुएवाला जीवन जिलियै छे। ऊ प्रभु जे सहीसे फैसला करैछै, हमरा उटा मकुट तब देतै जब ऊ फेर वापस ऐतै। ऊ खाली हमरा नै मगर ओकरा सभैके देतै जेसब ओकर वापस आबैके बहुते इच्छा करैछै।

तीतस 2:13

हमेसब एरंके व्यवहार करैछियै जब आपनसिके आशा कैल उटा सुन्दर दिनके लिए हमेसब उम्मीदके साथ इन्तजार करैछियै: उटा दिन जब आपनसिके महान परमेश्वर आर उद्धारकर्ता येशू ख्रीष्ट आपन सारा महिमाके साथ धर्तीपर फेर वापस ऐतै।

हिब्रू 12:22

मगर तुहेंसब यरूशलेम सहरके पहाडके लगत ऐल्हैं छे, जते स्वर्गीय यरूशलेम छै जे जिन्दा परमेश्वरके सहर छै। जते लाखो स्वर्गदूतसब भोजमे उत्सव मनाबैके लिए जमा भेलै छे।

हिब्रू 9:28

ओहिने करिके, ख्रीष्ट एक्केबेर अपने आपके बलिदानके रुपमे चढ्या देल्कै ताकी बहुते आदमीसिके पापके दूर करे सकै। आर ऊ दोसर बेर ऐतै, अपने आपके पापके कारण बलिदान चढाबैके लिए नै, बरु ऊ आदमीसिके उद्धार करैके लिए जेसब ओकर इन्तजार करैछै।

प्रकाश 1:7

देख, ऊ बादलके सवारीमे आबैछै, आर हरेक आदमी ओकरा देख्तै। जे आदमीसब ओकर मौतके लिए जिम्मेदार रहै, ऊसब भी ओकरा ऐते देख्तै आर धर्तीके सभे आदमीसब जोर-जोरसे कान्तै जब ऊसब ओकरा देख्तै। हौं, अहिने हैतै। आमेन।