फिलिप्पी 3:2 - केवट नया कारार

² ऊ आदमीसिसे होशियार र, जे कुत्ताके जुगुर व्यवहार करैछै आर जेसब खराब काम करैछै। ऊ आदमीसिसे होशियार र जे कहैछै कि उद्धार पाबैके लिए खतना हुए पडैछै।

फिलिप्पी 3:2 Cross References

मत्ती 24:10

तब बहुते झन हमरपर विश्वास करैले छोडी देतै, आर एक दोसरके विश्वासघात आर घृणा कर्तै।

मत्ती 7:15

“झुट्ठा परमेश्वरके वक्तासिसे होशियार र जे तोरसिकेलगत नोक्सानी नैकरेवाला भेंडाके भेष बदलीके आबैछै, मगर वास्तवमे हानीकारक डरलग्गा खटिहासब छै, जे आदमीसिके हमला करैछै।

मत्ती 7:6

ऊ आदमीसिके परमेश्वरके वचन नैसुना जे ओकरा सुनैले नैचाहैछै। अगर तुहेंसब एरं कर्भैं ते यी कोनो पवित्र चीजके कुत्ताके आगुमे फेकैके जुगुर हैछै, या सुग्गरके आगुमे मोती फेकैके जुगुर हैछै जे खाली ओकरा खुरखुन्नी कर्तौ आर तोरापर हमला कर्तौ।”

रोमी 2:28

कहिनेकी तुहेंसब एकटा यहूदी आदमीके सन्तान भ्याके जनमैके कारणसे या तोरसिके खतना हुऐके कारणसे तुहेंसब सच्चा यहूदी नैहुए सकैछैं।

२ कोरन्थी 11:13

कहिनेकी एरंको आदमीसब सच्चा चुन्ल आर भेज्ल चेलासब नैछै आर छलसे काम करेवाला छै। ऊसब ख्रीष्टके चुन्ल आर भेज्ल चेलासब हुऐके दिखावा करैछै।

गलाती 5:13

हे विश्वासी भ्या-बहिनसब, तुहेंसब परमेश्वरके द्वारा आजाद हुऐके लिए चुन्ल गेल्हैं रहे आर सेल्याके आब तोरासिके मूसाके विधि-विधानके पालन करैके जरुरत नैछौ। मगर यी आजादीके आपन पापमय स्वभावसिके पुरा करैके बहाना नैबना। बरु, एक दोसरसे प्रेम कर आर एक दोसरके सेवा कर।

गलाती 5:15

मगर यदि तुहेंसब लगातार एक दोसरसे लड्ते रहैछैं आर एक दोसरके परेशान कर्ते रहैछैं ते होशियार र, तुहेंसब खुदके बर्बाद करि देभैं।

गलाती 5:6

कहिनेकी यदि अपनासब ख्रीष्ट येशूके संगे एक छियै ते आपनसिके खतना भेल छै या नैभेल छै यी बात महत्वपूर्ण नैछै। मगर महत्वपूर्ण बात यी छै कि अपनासब ख्रीष्टके आपन उद्धारकर्ताके रुपमे विश्वास करैछियै, आर परमेश्वर आर दोसर आदमीसिके प्रति प्रेम राखैछियै।

फिलिप्पी 3:19

विनाश ओकरसिके अन्त छै, ऊसब खाली आपन शारीरिक इच्छा पुरा करैले जियैछै। लाज लागेवाला बातमे ऊसब गर्व करैछै, आर ऊसब सभे दिन खाली संसारके बातके बारेमे सोचैछै।

फिलिप्पी 3:3

कहिनेकी परमेश्वरके आत्मामे आराधना करेवाला, ख्रीष्ट येशूमे गर्व करेवाला आर आपने मानव प्रयासमे भरोसा नैराखेवाला अपनासब ही छियै, जेसब वास्तवमे ही परमेश्वरके आदमीसब छियै।

१ तिमोथी 1:19

तुहें निरन्तर ख्रीष्टमे विश्वास कर आर साफ विवेक राख। कुछु आदमीसब साफ विवेकके इन्कार कैल्कै छे। नतिजा स्वरुप ऊसब आब ख्रीष्टमे विश्वास नैकरैछै।

तीतस 1:16

यी झुट्ठा शिक्षकसब परमेश्वरके चिन्हैछियै कहिके कहैछै, मगर ऊसब व्यवहारमे साफसे देखाबैछै कि ऊसब परमेश्वरके नैचिन्हैछै। कहिनेकी परमेश्वर ओरंको आदमीसिके घृणा करैछै आर ऊसब कोनो भी बढियाँ काम करैमे असमर्थ हैछै।

२ पत्रुस 2:22

ओकरसिके संगे जे हैछै ऊ देखाबैछै कि यी कहावत सच छै: ऊसब कुत्तासिके जुगुर छै जे आपन उल्टी चाटैके लिए वापस घुमिके आबैछै आर ऊसब सुग्गरसिके जुगुर छै जकरा धोयल जैछै आर फेरसे कादमे लोटैछै।

यहूदा 1:4

हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।

प्रकाश 2:9

हमे जानैछियै कि तोरा सतैल गेलौ छे आर तुहें गरिब छैं। मगर आत्मिक बातमे तुहें बहुते मातबर छैं। हमे ऊ आदमीसिके विषयमे जानैछियै जेसब दावा करैछै कि ऊसब परमेश्वरके चुन्ल आदमीसब यानिकी यहूदी आदमीसब छै, मगर नैछै। ऊसब तोर विषयमे अपमानवाला बात बोलैछै, मगर वास्तवमे ऊसब उटा दलके सदस्य छै जे शैतानके छै।

प्रकाश 21:8

मगर जे हमरापर विश्वास नैराखैछै, ओकरासिके जबरजस्ती गन्धकसे जरेवाला उटा तालाबमे फेक्ल जैतै, जे कि दोसर मौत छै। आर यी नतिजा ओकरसिके भी हैतै, जेसब आदमीसिके समनामे हमरा स्वीकार करैसे डराबैछै, खराब कामसब करैछै, जेसब हत्यारासब छै, जेसब व्यबिचार करैछै, जादु-टोना करैछै आर मूर्तिसिके पूजा करैछै या झुठ बोलैछै।”

प्रकाश 22:15

मगर ऊ आदमीसब जे दुष्ट काम करैछै, जादु-टोना करैछै, जेसब व्यबिचार करैछै, आर मूर्तिसिके पूजा करैछै या ऊसब जे झुठ बोलैछै, ऊसब कहियो भी सहरमे प्रवेश नैकरे सक्तै।

प्रकाश 3:9

हमे ऊ आदमीसिके विषयमे जानैछियै जेसब दावा करैछै कि ऊसब परमेश्वरके चुन्ल आदमीसब यानिकी यहूदी आदमीसब छै, मगर नैछै। ऊसब झुठ बोलैछै, वास्तवमे ऊसब उटा दलके सदस्य छै जे शैतानके छै। हमे ओकरासिके तोरलगत आबिके तोर पैरीमे गोड लागैले लगैबै आर हमे तोरा प्रेम करैछियौ कहिके ओकरासिके बुझ्या देबै।