फिलिप्पी 3:16 - केवट नया कारार

¹⁶ सेल्याके परमेश्वर जे सच्चाई पहलहैसे प्रकट कैल्कै छे अपनासब ओकर मुताबिक जिये पडैछै।

फिलिप्पी 3:16 Cross References

रोमी 12:16

एक दोसरके ओतनें ही ध्यान राख जतनें तुहें आपन ध्यान राखैछैं। घमण्ड नैकर, मगर नम्र आदमीसिके संगे संगत कर। खुदके बेसी ज्ञानवान नैसमझ।

रोमी 15:5

हमे प्रार्थना करैछियै कि परमेश्वर तोरासिके धीरज आर उत्साह दौ ताकी तुहेंसब येशू ख्रीष्टके अनुसरण कर्ते आपसमे एकतामे रहैं।

गलाती 5:7

तुहेंसब ख्रीष्टके संगे आपन सम्बन्धमे एतनें बढियाँसे उन्नति कर्ते रहैं। तोरासिके खुदके कक्रहौ भी प्रभावित नैकरैले देना रहौ कि आब तुहेंसब ख्रीष्टके विषयके सच्चा सन्देशपर विश्वास नैकरैछैं।

गलाती 6:16

जे आदमीसब यी नियमके पालन करैछै, परमेश्वर ओकरासिके सभैके आपन शान्ति देतै आर ओकरासिपर दया कर्तै, आर ओकरासिके आशिष देतै। आर ऊसब परमेश्वरके आदमीसब छै।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

फिलिप्पी 2:2

सेल्याके तुहेंसब एक-दोसरसे सहमत हु, एक-दोसरसे प्रेम कर, एक चित्तके भ्याके एक्केटा मकसद राख आर अहिने करिके हमर आनन्द पुरा कर।

फिलिप्पी 4:2

हमे इयोदिया आर सुन्तुखेके विश्वासी बहिनसिके प्रभुमे मेल-मिलापमे र कहिके बिन्ती करैछियौ।

कलस्सी 2:6

सेल्याके जेरंके येशू ख्रीष्टके प्रभु कहिके तुहेंसब विश्वास कैल्हैं, ओहिने करिके ओकरामे एक भ्याके जिल आदमीके जुगुर जीवन बिता।

कलस्सी 4:2

निरन्तर प्रार्थना कर, जब तुहेंसब प्रार्थना करैछैं, निरन्तर सचेत र, आर परमेश्वरके सभे दिन धन्यवाद दहैं।

प्रकाश 3:3

उटा शिक्षाके याद कर जे तुहें बहुते पहेला सुन्लहैं रहे आर विश्वास कैल्हैं रहे। जे तोरा सिखैल गेलौ रहे ओकर अनुसरण कर, पाप करैले छोड आर परमेश्वरके तरफ मन लगा। यदि तुहें गलत काम कर्ते रहैछैं ते हमे अचानक ऐबौ, जेरंके रातके समयमे चोर आबैछै आर तुहें उटा समयके भी नैजाने सक्भैं जब हमे तोरा सजाय दियैके लिए आबी जैबौ।