फिलिप्पी 2:9 - केवट नया कारार

⁹ सेल्याके परमेश्वर ओकरा अति उच्च आदरके पदमे राखल्कै, आर ओकरा ऊ नाम प्रदान कैल्कै जे हरेक नामसे उचा छै।

फिलिप्पी 2:9 Cross References

मत्ती 11:27

हमर पिता सभे चीज हमर हातमे देल्कै छे। खाली पिता छै जे बेटाके चिन्हैछै, आर खाली बेटा छै जे वास्तवमे पिताके चिन्हैछै, आर उहोसब चिन्हैछै, जकरा बेटा पिताके प्रकट करि दियैके इच्छा करैछै।

मत्ती 28:18

तब येशू ओकरसिके लगत आबिके कहैल्कै, “स्वर्ग आर धर्तीके सभे अधिकार हमरा देल छै।

लूका 10:22

हमर पिता सभे चीज हमर हातमे देल्कै छे, बेटा के छै कहिके पिताके सिवाय आर कोय नैचिन्हैछै। पिता के छै कहिके बेटाके सिवाय आर कोय नैचिन्हैछै। आर ऊसब चिन्हैछै जकर लगत बेटा पिताके प्रकट करैके इच्छा करैछै।”

यूहन्ना 13:3

येशू यी जान्ते रहै कि परमेश्वर पिता सभे कुछु ओकर हातमे द्या देल्कै छे, आर यी कि ऊ परमेश्वरके लगतसे ऐलै छे, आर परमेश्वरे कते जैछै।

यूहन्ना 17:11

आब हमे संसारमे नैरहबै, मगर हमे तोरलगत आबैछिहौं। मगर हमर चेलासब एखनी भी संसारमे छै। हे पवित्र पिता, तोर नामके शक्तिके द्वारा ओकरासिके सुरक्षित राख, जे नाम तुहें हमरा देल्ह छे, ताकी जेरंके अपनासब एक मनके छियै ओहिने ही यीसब भी एक मनके हुए सकै।

यूहन्ना 17:12

जखनी तक हमे ओकरसिके संगे रहियै, तोर देल नामके शक्तिके द्वारा ओकरासिके हमे रक्षा कैलियै। आर ओकरासिमे ऊ आदमी जे भटकिके जैले चुनल्कै ओकर सिवाय हमे कक्रहौ नाश हुऐले नैदेलियै, ताकी धरमशास्त्रमे जे लिख्ल गेलै रहे उटा पुरा है।

यूहन्ना 17:5

आब हे पिता, आब तोर उपस्थितिमे हमर महिमा कर, उहे महिमा जे संसारके सृष्टिसे पहेला हमरलगत तोरसंगे रहैके समयमे रहै।”

चुन्ल आर भेज्ल चेलासब 5:31

इस्राएलीसब पाप करैले छोडिके परमेश्वरके तरफ मन लग्याके पापसे माफी पाबै कहिके परमेश्वर येशूके उद्धारकर्ता बन्याके आपन दहिना हातके बगल सम्मानके जगहमे बैठैल्कै।

एफिसी 1:10

परमेश्वरके तय कैल समयमे, ऊ स्वर्ग आर धर्तीमे भेल सभे चीजसिके एक बनैतै आर ख्रीष्टके ओकरासिपर शासन करैके अधिकार देतै।

कलस्सी 1:18

उहे ही छै जे मण्डलीके उप्परमे सर्वोच्च छै, जे ओकर शरीर छै। उहे शुरुआत छै, आर उहे पहेला छै जे मर्लमेसे जिन्दा भेलै ताकी सभे बातमे ख्रीष्ट ही सर्वोच्च हुए सकै।

२ थेसलोनिकी 1:12

एरंके आपनसिके प्रभु येशूके नाम तोरसिकेद्वारा महिमा पैतै। आर तुहेंसब ओकरद्वारा आदर पैभैं। यी सभे कुछु आपनसिके परमेश्वरके आर प्रभु येशू ख्रीष्टके अनुग्रहसे सम्भव भेल छै।

हिब्रू 1:4

सेल्याके परमेश्वर बेटाके एकटा एरंको नाम देल्कै जे स्वर्गदूतसिसे बहुते बेसी महान छै, जकरद्वारा अपनासब देखे सकैछियै कि बेटा ओकरसिसे बहुते महान छै।

हिब्रू 1:9

ठीक बात तुहें पसन्द करैछह आर अधार्मिकता तुहें घृणा करैछह। इहे ल्याके हमे तोर परमेश्वर तोरा चुन्लियौ छे, आर तोर सभे साथीसिसे बेसी तोरा आदर आर आनन्द देलियौ छे।”

हिब्रू 12:2

या अपनासब आदमीसिके विश्वासके शुरु करेवाला आर सिद्ध करेवाला येशूके विषयमे निरन्तर सोच्ते रहियै। ऊ आनन्दके लिए जे ओकर समनामे भविष्यमे राख्ल रहै, ऊ अपमानके कोनो चिन्ता नैकरिके क्रूसके दुःख सहैल्कै आर एरंके ऊ मरि गेलै आर आब ऊ परमेश्वरके दहिना हातके बगलमे सम्मानके जगहमे बैठ्लै।

हिब्रू 2:9

मगर अपनासब येशूके देखैछियै! ओकरा कुछु समयके लिए स्वर्गदूतसिसे कम महत्वपूर्ण बनैल गेलै रहे, ताकी परमेश्वरके अनुग्रहसे ऊ सभैके लिए मरि जै। आर कहिनेकी ऊ तकलीफ उठैल्कै आर मरि गेलै, परमेश्वर ओकरा महिमा आर आदर देल्कै।

१ पत्रुस 3:22

आर ऊ स्वर्गमे चल गेलै। आब ऊ ओत्ते परमेश्वरके दहिना हातके बगलमे सम्मानके जगहमे बैठ्ल छै। आर ऊ सभे स्वर्गदूत आर सभे अधिकारी आर शक्तिसिपर राज्य करैछै।

२ पत्रुस 1:17

हमेसब ओकरसंगे उटा पवित्र पहाडमे रहियै जब ओकरा परमेश्वर पिताके द्वारा सम्मान आर महिमा देल गेलै। उटा समयमे ओकरलगत सर्वोच्च महिमा यानिकी परमधन्य परमेश्वरके तरफसे एरं कहते आवाज ऐलै, “यी हमर आपन प्यारा बेटा छै, जकरासे हमे खुश छियै!” हमेसब खुद स्वर्गसे ऐल उटा आवाजके सुन्लियै।

३ यूहन्ना 1:7

कहिनेकी यी आदमीसब ख्रीष्टके नाम चिन्हाबैके लिए सभे जगहमे यात्रा करैछै आर परमेश्वरके नैचिन्हेवाला आदमीसिसे कोनो सहायता नैलैछै।

प्रकाश 1:5

आर येशू ख्रीष्टके तरफसे जकर वचनपर भरोसा कैल ज्या सकैछै। उहे ही छै जे मुर्दासे फेरसे जिन्दा भेलै आर ऊ यी संसारके सभे राजासिके शासक छै। ऊ आपनसिसे प्रेम करैछै आर ऊ आपन खून बहयाके अपनासिके आपनसिके पापसिसे बचाबैछै। ऊ अपनासिके एरंको समूहके आदमी बन्या देल्कै छे, जकर परमेश्वर ओकरसिके राजा छै आर ऊ अपनासिके परमेश्वर ओकर पिताके लिए पुजारी बन्या देल्कै छे। ओकरा आदर आर अधिकार सभे दिन आर हर समय मिल्ते रहै। आमेन।

प्रकाश 11:15

जब सतमा स्वर्गदूत आपन धुतहुक फुकल्कै तब हमे स्वर्गमे बडका आवाजसिके जोर-जोरसे पुकारा कर्ते सुन्लियै, “आपनसिके परमेश्वर आर ओकर चुन्ल ख्रीष्टके पुरा संसारपर शासन करैके अधिकार छै आर परमेश्वर सभे दिनके लिए राज्य कर्तै।”

प्रकाश 19:16

ओकर कपडा आर दहिना जाँघमे “राजासिके राजा आर प्रभुसिके प्रभु” कहिके नाम लिख्ल रहै।

प्रकाश 3:21

जे आदमीसब जित हासिल करैछै, ओकरा हमे आपन सिंहासनके बगलमे सिंहासनपर बैठैके अधिकार देबै। यी बिल्कुल हमर जुगुर ही हैतै, जे जित हासिल कैल्कै आर आपन पिताके बगलमे आसन प्राप्त कैल्कै छे।

प्रकाश 5:12

ऊसब जोर-जोरसे गैते रहै, “ऊ बलि-भेंडा जकर जान मारि देल गेलै रहे, ऊ महिमाके योग्य छै। ओकर अधिकार महान छै। ओकर बुद्धि गहरा छै। ऊ बहुते शक्तिशाली छै आर ऊ बहुते मातबर छै। या अपनासब ओकर आदर करैछियै। या अपनासब ओकर प्रशंसा करैछियै।”