फिलिप्पी 2:8 - केवट नया कारार

⁸ ऊ आदमीके स्वरुपमे प्रकट भ्याके अपने आपके निच्चा गिरैल्कै, आर परमेश्वरके आज्ञाकारी भ्याके मरैले तैय्यार भेलै, आर एत्तेतक कि एकटा अपराधीके जुगुर भ्याके क्रूसके मौत सहैल्कै।

फिलिप्पी 2:8 Cross References

मत्ती 17:2

जब ऊसब देखल्कै अचानक परमेश्वर येशूके रुप बदली देल्कै। ओकर चेहरा सुरुजके जुगुर चम्के लाग्लै,

मत्ती 26:39

तब येशू कने दूर जैके भुइयाँमे गिरिके परमेश्वरसे एरं कहिके प्रार्थना कैल्कै, “हे हमर पिता, अगर तोर योजनामे यी सम्भव छै ते, यी पिडा जे हमरापर आबेवाला छै हट्या द्या, यी पिडाके हमरापर नैआबैले दह, तैयोपर हमर इच्छा कैल जुगुर नै, तोर इच्छा कैल जुगुर कर।”

मत्ती 26:42

फेर दोसर बेर जैके येशू एरं कहिके प्रार्थना कैल्कै, “हे हमर पिता, यी पिडा जे हमरापर आबेवाला छै यी हमरा सहै पड्तै ते तैयोपर हमर इच्छा कैल जुगुर नै, तोर इच्छा कैल जुगुर हौं”

लूका 9:29

जब ऊ प्रार्थना कर्ते रहै, अचानक परमेश्वर येशूके रुप बदली देल्कै। तब ओकर पिन्हल कपडा बिजली चमक्ल जेरं उजरा भेलै।

यूहन्ना 10:18

कोय भी हमर जान हमरासे नै लिए सकैछै, मगर हमे आपन इच्छासे आपन जान दैछियै। हमर आपन जान दियैके अधिकार हमरलगत छै, आर फेर वापस लियैके अधिकार भी हमरलगत छै। कहिनेकी यी उहे आज्ञा छै जे हमरा हमर परमेश्वर पितासे मिल्लै छे।”

यूहन्ना 14:31

हमे ओहिने करैछियै जेरं परमेश्वर पिता हमरा आज्ञा देल्कै ताकी संसारके आदमीसिके पता चलै कि हमे परमेश्वर पितासे प्रेम करैछियै। आब उठ, अपनासब एत्तेसे चल।”

यूहन्ना 15:10

अगर हमर आज्ञासिके पालन कर्भैं ते तुहेंसब हमर प्रेममे रहभैं, जेरंके हमे आपन पिताके आज्ञासब पालन कैलियै छे आर ओकर प्रेममे रहैछियै।

यूहन्ना 4:34

येशू ओकरासिके कहैल्कै, “हमर भोजन ऊ परमेश्वरके इच्छा पालन करना छै जे हमरा भेजल्कै छे, आर उटा कामके पुरा करना छै जे ऊ हमरा सौंपल्कै छे।

चुन्ल आर भेज्ल चेलासब 8:33

ओकरा अपमानित कैल गेलै आर ओकरा न्याय नैमिल्लै, शायद कोय भी ओकर सन्तानके विषयमे नैबताबे सक्तै, कहिनेकी एकरासे पहेला कि धर्तीपर ओकर कोनो सन्तान हैतियै, आदमीसब ओकर जान मारि देल्कै।”

रोमी 5:19

कहिनेकी जेरंके एकटा आदमीके अनाज्ञाकारितासे बहुते आदमी पापी बनैल गेलै, ओहिने करिके एक्केझनके आज्ञाकारिताद्वारा बहुते झन धर्मी बनैल जैतै।

२ कोरन्थी 8:9

तुहेंसब आपनसिके प्रभु येशू ख्रीष्टके अनुग्रहके जानैछैं, कि ऊ मातबर भ्याके भी तोरसिके खातिर गरिब बन्लै ताकी ओकर गरिबीसे तुहेंसब मातबर हुए सक्हैं।

गलाती 3:13

मगर विधि-विधानके देल सरापसे ख्रीष्ट अपनासिके छुटकारा देल्कै छे। जब ख्रीष्ट क्रूसमे मर्लै, ऊ आपनसिके पापके सराप खुदपर लेल्कै। कहिनेकी धरमशास्त्रमे लिख्ल छै, “क्रूसमे मरेवाला सभेको श्रापित है।”

तीतस 2:14

उहे येशू ख्रीष्ट अपनासिके सभे पापसे छुटकारा दिलाबैके लिए आर नैतिक रुपसे शुद्ध बनाबैके लिए खुदके बलिदान कैल्कै ताकी अपनासब ओकर आपन विशेष आदमीसब बने सकियै जेसब बढियाँ काम करैके बडका इच्छा राखैछै।

हिब्रू 12:2

या अपनासब आदमीसिके विश्वासके शुरु करेवाला आर सिद्ध करेवाला येशूके विषयमे निरन्तर सोच्ते रहियै। ऊ आनन्दके लिए जे ओकर समनामे भविष्यमे राख्ल रहै, ऊ अपमानके कोनो चिन्ता नैकरिके क्रूसके दुःख सहैल्कै आर एरंके ऊ मरि गेलै आर आब ऊ परमेश्वरके दहिना हातके बगलमे सम्मानके जगहमे बैठ्लै।

हिब्रू 12:4

पापके विरुद्ध आपन संघर्षमे एखनतक तोरासिके उटा स्तरतक संघर्ष नै सहे पड्लौ छे जते आदमीसब तोरसिके हत्या करिदौ।

१ पत्रुस 2:24

जब ख्रीष्ट मर्लै ते आपनसिके पापके कारण क्रूसपर ओकर शरीरके सजाय देल गेलै। ऊ एरंको इहे ल्याके कैल्कै, ताकी अपनासब पाप करैले बन्द करि दियै आर धार्मिकतासे जियैले शुरु करि दियै। आर उटा घासिके कारण जे ऊ सहन कैल्कै, अपनासब ठीक भ्या गेलियै छे।

१ पत्रुस 3:18

हमे यी कहैछियौ कहिनेकी ख्रीष्ट आपनसिके पापसिके कारण दुःख सहैल्कै आर मरि गेलै। ऊ खाली एकबेर मर्लै आर एकरा दोहराबैके जरुरत नैछै। ऊ एकटा धर्मी आदमी रहै जे पापी आदमीसिके लिए मरि गेलै ताकी परमेश्वरके संगे आपनसिके सम्बन्ध घनिष्ठ हुए सकै। ऊसब ओकर शरीरके मारि देल्कै मगर ओकरा पवित्र आत्माके सामर्थ्यसे फेरसे जिन्दा करि देल गेलै।