फिलिप्पी 2:5 - केवट नया कारार

⁵ जेरं ख्रीष्ट येशूके विचार रहै, ओहिने विचार तोरासिमे भी हुवौ;

फिलिप्पी 2:5 Cross References

मत्ती 11:29

हमर चेला बन, आर हमरसंगे सिख। कहिनेकी हमे विनम्र आर कोमल हृदयके छियै, आर तुहेंसब आपन आत्मामे विश्राम पैभैं।

लूका 22:27

बडका के छै जेरं तोरासिके लागैछौ? भोजन खैले बैठेवाला कि सेवा करेवाला बडका छै? जरुर ही भोजन खैले बैठेवाला बडका छै। मगर हमे ते तोरसिके बीचमे एकटा सेवा करेवालाके जुगुर छियौ।

चुन्ल आर भेज्ल चेलासब 10:38

परमेश्वर कोन तरहसे नासरत गाँवके निवासी येशूके पवित्र आत्मा आर शक्तिसे अभिषेक कैल्कै। आर कोन तरहसे ऊ सभे जगहमे घुमि-घुमिके भलाइके काम कर्ते रहै आर शैतानसे सतैल आदमीसिके ठीक करि देते रहै, कहिनेकी परमेश्वर ओकर संगमे रहै।

चुन्ल आर भेज्ल चेलासब 20:35

हमे तोरासिके सभे कुछु करिके देखैलिहौं, कि तहुँसब अहिने करिके कडा मेहनत क्याके कमजोरसिके सहायता करे पड्तहौं। प्रभु येशूके वचन याद राख कि ऊ आपनहैं कहैल्कै छे, ‘लेनासे देना आरहौ आशिषमय छै।’ ”

रोमी 14:15

यदि तोर विश्वासी भ्या-बहिन तोर खानाके कारणसे उदास हैछौ ते, तुहें प्रेमके रितीसे नैचलैछैं। यदि तोर खानाके कारण तोर विश्वासी भ्या-बहिनके विश्वास नाश हैछै ते, तुहेंसब उटा खानाके नैखो। ख्रीष्ट ऊ विश्वासी भ्या-बहिनके लिए भी मर्लै रहे।

रोमी 15:3

कहिनेकी ख्रीष्ट भी खुदके खुशी नैबनैल्कै। मगर जेरं धरमशास्त्रमे लिख्ल छै, “तोर निन्दा करेवाला आदमीसब हमर निन्दा कैल्कै छे।”

रोमी 15:5

हमे प्रार्थना करैछियै कि परमेश्वर तोरासिके धीरज आर उत्साह दौ ताकी तुहेंसब येशू ख्रीष्टके अनुसरण कर्ते आपसमे एकतामे रहैं।

१ कोरन्थी 10:33

हमर देख-सिख्खा कर। हमे जे भी करैछियै, दोसर आदमीसिके खुश बनाबैके कोशिशमे करैछियै कहिनेकी हमे आपन भलाइ नैसोचैछियै मगर दोसर आदमीसिके भलाइके बारेमे सोचैछियै ताकी ऊसब आपन पापके सजायसे बचे सकै।

एफिसी 5:2

ख्रीष्टके उदाहरणके अनुसरण कर्ते हुए, दोसर आदमीसिके प्रति प्रेमसे भर्ल जीवन जी, ख्रीष्ट तोरासे प्रेम कैल्कौ आर तोरसिके पापसिके उठाबैके लिए खुदके बलिदान करिदेल्कै। आर परमेश्वर यी बातसे खुश रहै, कहिनेकी उटा बलिदान ओकर लिए गमकौव्वा धुपके जुगुर रहै।

फिलिप्पी 1:1

यी चिट्ठी हमे, पावल आर तिमोथीके तरफसे छै, जेसब येशू ख्रीष्टके दास छै। हमे यी चिट्ठी फिलिप्पी सहरके मण्डलीके देख-रेख करेवाला आर मण्डलीके सेवक सहित परमेश्वरके आदमीसिके लिखैछियै।

१ पत्रुस 2:21

परमेश्वर तोरासिके बोलाबैके एकटा कारण यी छै कि तुहेंसब ओकर खातिर दुःख सही लेभैं। ख्रीष्ट, जे तोरसिके खातिर कष्ट भोगल्कै, ऊ तोरसिके उदाहरण छौ। इहे ल्याके तोरासिके ओकर कैल कामसिके अनुकरण करना चाही।

१ पत्रुस 4:1

सेल्याके ख्रीष्ट यी संसार रहैके समयमे दुःख भोगल्कै आर तुहेंसब भी ओकर जुगुर विचार राखिके दुःख भोगैले तैय्यार हुए पडैछै। कहिनेकी यदि तुहेंसब ख्रीष्टके लिए दुःख भोगैके लिए इच्छा करैछैं ते, तुहेंसब पाप करैले छोडैके फैसला कैल्हैं छे।

१ यूहन्ना 2:6

यदि कोनो आदमी दावा करैछै कि हमे येशूमे एक भेल छियै, ते ऊ आदमीके, येशू जेरंको जीवन जिलै ओहिने जीवन जिना चाही।