फिलिप्पी 2:30 - केवट नया कारार

³⁰ कहिनेकी ऊ ख्रीष्टके कामके लिए आपन जानके जोखिम उठ्याके मरै पर भेलै रहे, ताकी ऊ उटा कामसे हमरा सहायता करे सकै जे काम तुहेंसब करैले नैसक्लहैं छे, कहिनेकी तुहेंसब बहुते दूर छैं।

फिलिप्पी 2:30 Cross References

चुन्ल आर भेज्ल चेलासब 20:24

मगर हमे आपन जीवनके कोनो मोलके आर आपन लिए प्रिय नैसोचैछियै। हमे खाली एतनें चाहैछियै, कि परमेश्वरके अनुग्रहके खुश-खबरीके गवाही दियैले हमर दौड आर प्रभु येशूसे हमरा मिल्ल हमर सेवकाई हमे पुरा करे सकियै।

रोमी 16:4

ऊसब हमर लिए एकबेर आपन जान संकटमे डाल्लकै रहे। ओकरासिके खाली हमे नै, मगर गैर-यहूदी आदमीसिके मण्डलीसब भी धन्यवाद दैछै।

१ कोरन्थी 15:53

कहिनेकी आपनसिके यी शरीर जे आसानीसे मरि जैछै आर सडी जैछै, एकरा एकटा एरंको शरीरमे बदली देल जैतै, जे शरीर नैते कहियो मर्तै आर नैते कहियो सड्तै।

१ कोरन्थी 16:10

यदि तिमोथी तोरसिकेलगत कोरन्थी सहरमे ऐतौ ते, तोरसिके बीचमे ओकर स्वागत करिहैं, कहिनेकी ऊ हमरे जुगुर प्रभुके काम करैछै।

१ कोरन्थी 16:17

आर स्तिफनस, फोर्टूनाटस, आर अखाइकसके आबैसे हमे आनन्दित छियै, कहिनेकी यी आदमीसब एरंको सहायता कैल्कै छे, जे सहायता दियैके लिए तुहेंसब एत्ते नैरहैं।

२ कोरन्थी 12:15

हमे तोरसिके लिए हमर आपन सभे कुछु तोरासिके द्या देबौ आर आपन जीवन सहित द्या देबौ। हमे तोरसिसे बहुते प्रेम करैछियौ, मगर एरं लागैछै कि तुहेंसब हमरासे बहुते कम प्रेम करैछैं।

२ कोरन्थी 4:12

ते एकर मतलब यी छै कि हमेसब निरन्तर मौतके सामना करैछियै मगर एकर परिणाम यी छै कि तोरासिके कहियो खतम नैहुएवाला जीवन मिल्लौ छे।

फिलिप्पी 2:17

जब हमे तोरासिके खुश-खबरी सुनैलियौ ते तुहेंसब प्रभु येशूमे विश्वास कैल्हैं आर ओकर सेवाके लिए आपन जीवनके बलिदान करि देल्हैं। सेल्याके यदि खुश-खबरी सुनाबैके कारण हमरा मारि भी देल जै, ते हमे भी तोरसिके संगे आनन्दित आर खुश रहबै।

फिलिप्पी 2:27

ऊ एतनें बेमार भेलै रहे कि ऊ सच्चे मरै पर रहै, मगर परमेश्वर ओकरापर दया कैल्कै आर ओकरा ठीक कैल्कै। परमेश्वर खाली ओक्रहै नै मगर हमरापर भी दया कैल्कै आर परमेश्वर हमरा आरहौ भी बडका दुःख हुऐले नैदेल्कै।

फिलिप्पी 4:10

हमे प्रभुमे बहुते आनन्दित छियै कि आब बहुते दिनके बाद हमर लिए उपहार भेजिके हमर लिए तोरसिके वास्ता फेर बढ्ल छौ। तुहेंसब सच्चे हमर लिए चिन्तित रहैं, मगर तोरासिके हमरा सहायता करैके मौका नैमिल्लौ।

फिलिप्पी 4:18

हमे सभे कुछु पाबि लेलियै छे आर बहुते भी छै, जे चीज तुहेंसब इपाफ्रोडिटसके द्वारा भेज्लहैं रहे उटा पाबिके हमे सन्तुष्ट भेलियै छे। तोरसिके उपहारसब हमर लिए पुजारीद्वारा परमेश्वरके चढैल मिठा सुगन्धवाला दान आर बलिदानके जुगुर छै। उटा परमेश्वरके लिए स्वीकार योग्य आर मनमोहक छै।

फिलेमोन 1:13

हमे जेलमे हुऐके बखत येशू ख्रीष्टके बारेमे खुश-खबरी प्रचार करैके लिए सहायताके लिए ओकरा आपनसंगे राखे चहते रहियै। ऊ तोर बदलामे हमरा सहायता करे सक्तियै, कहिनेकी हमरा मालुम छै कि तुहें हमरा सहायता करैले चाहैछैं।

प्रकाश 12:11

ऊसब शैतानपर जित हासिल कैल्कै छे। ऊसब ओकरा बलि-भेंडाके खूनके शक्तिसे हरैल्कै छे, जे ओकरासिके ओकरसिके पापसिसे छुटकारा दिलाबैके लिए मरि गेलै रहे। ऊसब ओकरा हरया देल्कै कहिनेकी ऊसब यी स्वीकार कर्ते रहलै कि बलि-भेंडा ओकरसिके परमेश्वर रहै। जब कि ओकरासिके सतैल गेलै एत्तेतक कि जान मारि देल गेलै, मगर ऊसब आपन स्वीकारसे पाछु नैहट्लै।