फिलिप्पी 2:29 - केवट नया कारार

²⁹ सेल्याके बहुते आनन्दके साथ प्रभुमे ओकरा स्वागत करिहैं, आर तुहेंसब ओकरा आर ओकर जुगुर दोसर आदमीसिके भी आदर करिहैं।

फिलिप्पी 2:29 Cross References

लूका 9:5

कोनो जगहमे आदमीसब तोरासिके स्वीकार नैकर्तौ ते, ऊ आदमीसिके परमेश्वरसे मिलेवाला सजायके चेतावनी दियैके लिए उटा जगहसे निक्लैबेरियाँ तोरसिके पैरीमे लाग्ल धुर झाडी दिहैं।”

यूहन्ना 13:20

हमे तोरासिके सच कहैछियौ, जकरा हमे पठाबैछियै, ओकरा स्वागत करेवाला हमरा स्वागत करैछै, आर हमरा स्वागत करेवाला हमरा भेजेवालाके स्वागत करैछै।”

चुन्ल आर भेज्ल चेलासब 2:46

ऊसब एक मनके भ्याके परमेश्वरके मन्दिरमे एक साथ उपस्थित है, आर एक दोसरके घरमे जैके आनन्द आर शुद्ध हृदयसे मिलिजुलिके भोजन खै।

चुन्ल आर भेज्ल चेलासब 28:10

ऊसब हमरासिके बहुते आदर कैल्कै। जब हमेसब तीन महिनाके बाद ओत्तेसे पानी जहाजमे चढिके बिदा हुए लाग्लियै ते हमरासिके जे कुछु चीजके जरुरत रहै, ऊसब पानी जहाजमे लादी देल्कै।

चुन्ल आर भेज्ल चेलासब 8:8

यी सभे बातसे उटा सहरके बहुते आदमीसब आनन्दित भेलै।

रोमी 10:15

आर कोय आदमी जैके ओकरासिके बताबैसे पहेला, ऊ आदमीके भेज्ल जाना चाही। सेल्याके धरमशास्त्रमे लिख्ल छै, “खुश-खबरी सुनाबेवाला आदमीसिके पैर कतनें सुन्दर छै!”

रोमी 16:2

हमे तोरासिके कहैछियौ प्रभुमे ओकरा स्वागत कर, जेरं परमेश्वरके आदमीसिके एक-दोसरके स्वागत करना चाही। ओकरा चाहेवाला कोनो भी सहायता ओकरा दहैं, कहिनेकी ऊ बहुते आदमीके आर हमर भी सहायता कैल्कै छे।

१ कोरन्थी 16:10

यदि तिमोथी तोरसिकेलगत कोरन्थी सहरमे ऐतौ ते, तोरसिके बीचमे ओकर स्वागत करिहैं, कहिनेकी ऊ हमरे जुगुर प्रभुके काम करैछै।

१ कोरन्थी 16:18

आर ऊसब हमरा उत्साहित बनैल्कै छे, आर ऊ तोरासिके भी उत्साहित बनैतौ जब ऊ तोरसिकेलगत वापस ऐतौ। सेल्याके तोरासिके एरंको आदमीसिके आदर करना चाही।

२ कोरन्थी 10:18

कहिनेकी जे आदमी आपन बडै आपनहैं करैछै, ऊ नै, मगर जकर बडै प्रभु करैछै उहे परमेश्वरद्वारा सच्चा करिके स्वीकार कैल जैछै।

२ कोरन्थी 7:2

आपन पुरा दिलसे हमरासिके प्रेम कर। हमेसब ककरो संगे अन्याय नैकैलियै छे, हमेसब कक्रहौ नै बिगाडलियै छे, हमेसब कोनो आदमीसे फैदा नैउठैलियै छे।

फिलिप्पी 2:28

सेल्याके हमे ओकरा भेजैले आरहौ बेसी कोशिश कैलियै ताकी तुहेंसब फेर ओकर भेट करिके आनन्दित भ्याजहैं आर हमर चिन्ता भी कम भ्याजै।

कलस्सी 4:10

अरिस्तार्खस, जे हमरसंगे कैदी छै, तोरासिके नमस्कार भेजल्कौ छे। मर्कूस, जे बरनाबासके दियादि भ्या छै, ऊ भी नमस्कार भेजल्कौ छे। हमरा मालुम छै कि मर्कूसके विषयमे तोरासिके पहलहै बतैल गेलौ छे। यदि ऊ तोरसिकेलगत ऐतौ ते ओकरा बढियाँसे व्यवहार करिहैं।

१ थेसलोनिकी 5:12

मगर हे विश्वासी भ्या-बहिनसब, हमेसब तोरासिके बिन्ती करैछियौ, कि तोरसिके अगुवासिके आदर कर, जे कडा मेहनत करैछै, जे प्रभुमे तोरसिके अगुवासब छै आर जे तोरासिके निर्देशन दैछौ, ओकरसिके आदर कर।

१ तिमोथी 5:17

कोनो भी मण्डलीके बढियाँसे देखरेख करेवाला मण्डलीके अगुवासब उचित सम्मान आर प्रशस्त तलब पाना चाही, विशेष करिके ओकरासिके जे परमेश्वरके सन्देश सिखाबैके लिए आर प्रचार करैके लिए कडा मेहनत करैछै।

हिब्रू 13:17

आपन अगुवासिके आज्ञापालन कर, ओकरसिके अधिनमे र। तोरसिके आत्मासिके रखवाली करना ओकरसिके काम छै। ओकरासिके तोरसिके विषयमे परमेश्वरके लेखा दिए पड्तै। यी काम ऊसब आनन्दके साथ करक आर उदासीके साथ नै, नैते एकरासे तोरासिके कोनो भी फैदा नैहैतौ।

३ यूहन्ना 1:10

सेल्याके जब हमे ऐबौ ते, तोरसिके समनामे ओकरद्वारा कैल सभे कामके स्पष्ट करिदेबौ, यानिकी सभे खराब-खराब बात बोलीके हमरापर लगैल आरोपके हमे स्पष्ट करिदेबौ। ओतनें ही नै, ऊ यात्रा करेवाला विश्वासी भ्यासिके भी स्वीकार नैकरैछै आर ओकरासिके स्वीकार करे चाहेवालासिके भी रोकैछै, आर ओकरासिके मण्डलीसे निकाली दैछै।