फिलिप्पी 2:21 - केवट नया कारार

²¹ कहिनेकी सभेको आपन स्वार्थके खोजमे रहैछै, ऊसब जे बात येशू ख्रीष्टके लिए महत्वपूर्ण छै से बातमे चिन्तित नैहैछै।

फिलिप्पी 2:21 Cross References

मत्ती 16:24

तब येशू आपन चेलासिके कहैल्कै, “अगर कोय हमर चेला बनैले चाहैछैं ते तोरासिके आपन योजना आर हितके छोडे पड्तौ। ओकरा हमर लिए मरैके लिए भी तैय्यार रहे पड्तै। अन्तमे, ओकरा हमर चेलाके रुपमे हमर अनुसरण करे पड्तै।

लूका 14:26

“अगर कोय हमरलगत आबैछै आर ऊसब तबतक हमर चेला नैबने सक्तै, जबतक ऊ आपन मयाँ-बाबु, पतनी, बेटा-बेटीसब, भ्या बहिनसिके आर आपन जानसे बेसी हमरा प्रेम नैकर्तै।

चुन्ल आर भेज्ल चेलासब 13:13

पावल आर ओकर साथीसब पाफोस सहरसे समुन्दरके यात्रा शुरु कैल्कै आर ऊसब पानी जहाजमे चढिके पामफिलिया प्रदेशके पर्गा सहरमे पहुँचलै आर यूहन्ना मर्कूस ओकरासिके छोडिके यरूशलेम सहर वापस भ्यागेलै।

चुन्ल आर भेज्ल चेलासब 15:38

मगर पावल मर्कूसके आपनसंगे लजाबैले ठीक नैसम्झल्कै, कहिनेकी ऊ पामफिलिया प्रदेशसे ओकरासिके छोडिके चल गेलै रहे, आर ओकरसिके संगे काममे नैगेलै रहे।

१ कोरन्थी 10:24

कोय भी आदमी खाली आपने भलाइके बारेमे नैसोच, मगर दोसर आदमीसिके भलाइके बारेमे भी सोच।

१ कोरन्थी 10:33

हमर देख-सिख्खा कर। हमे जे भी करैछियै, दोसर आदमीसिके खुश बनाबैके कोशिशमे करैछियै कहिनेकी हमे आपन भलाइ नैसोचैछियै मगर दोसर आदमीसिके भलाइके बारेमे सोचैछियै ताकी ऊसब आपन पापके सजायसे बचे सकै।

१ कोरन्थी 13:5

प्रेम करेवाला आदमी दोसर आदमीसिके संगे खराब व्यवहार नैकरैछै, ऊसब स्वार्थी नैहैछै, ओकरासिके तुरन्ते गोस्सा नैउठैछै आर ओकरसिके विरुद्धमे कैल गेल खराब बातसिके याद नैराखैछै।

२ कोरन्थी 1:5

ख्रीष्टके जुगुर अपनासब बडका कष्ट सहेलपर भी परमेश्वर अपनासिके ख्रीष्टद्वारा सान्त्वना दैछै कहिनेकी अपनासब ख्रीष्टके छियै।

फिलिप्पी 2:4

तुहेंसब सभेकोय खाली आपने भलाइ नैखोज् मगर दोसरके भलाइके भी चिन्ता कर।

२ तिमोथी 1:15

तोरासिके मालुम छौ कि एशिया प्रदेशमे रहेवाला विश्वासीसब हमरा अस्वीकार कैल्कै छे, जकरामे फुगेलस आर हर्मोगेनस भी छै।

२ तिमोथी 3:2

कहिनेकी आदमीसब खाली अपने आपके प्रेम कर्तै, रुपिया पैसाके मोह कर्तै, घमण्डी हैतै, ऊसब दोसर आदमीसिके निन्दा कर्तै, मयाँ-बाबुके आज्ञापालन नैकर्तै, धन्यवादी नैहैतै आर परमेश्वरके सम्मान नैकरिके दुष्ट बन्तै।

२ तिमोथी 4:10

कहिनेकी डेमास यी संसारमे भेल बातसिके प्रेम करिके हमरा त्यागी देल्कै, आर ऊ थेसलोनिके सहरमे गेलै छे, आर भ्या क्रेसेन्स गलातिया प्रदेशमे गेलै छे, आर तीतस दलमातिया प्रदेशमे गेलै।

२ तिमोथी 4:16

जब पहेला बेर हमरा आरोप लगाबेवालासिके जबाब दियैके लिए हमे रोम सहरमे न्यायधीशके समनामे खडा भेलियै, कोय भी हमर पक्षमे गवाही दियैले नैऐलै। मगर ऊ सभेको हमरा छोडी देल्कै। हमे प्रार्थना करैछियै कि हमरा छोडिके गेल पर भी परमेश्वर ओकरासिके माफ करिदै।