फिलिप्पी 2:2 - केवट नया कारार

² सेल्याके तुहेंसब एक-दोसरसे सहमत हु, एक-दोसरसे प्रेम कर, एक चित्तके भ्याके एक्केटा मकसद राख आर अहिने करिके हमर आनन्द पुरा कर।

फिलिप्पी 2:2 Cross References

यूहन्ना 3:29

दुलहा कनियाँसे बिहा करि लैछै, मगर दुलहाके दोस्त जे ओकर बगलमे खडा हैछै, दुलहाके आवाज सुनिके ऊ खुब आनन्दित हैछै। ओहिने करिके हमर दिल भी आनन्दसे भरि गेलै।

चुन्ल आर भेज्ल चेलासब 1:14

ऊसब अक्सर जमा है आर एक मनके भ्याके प्रार्थना करै। ओत्ते ओकरसिके संगे येशूके सहायता करेवाला दोसर जनानीसब, येशूके मयाँ मरियम आर येशूके भ्यासब भी रहै।

चुन्ल आर भेज्ल चेलासब 2:1

यहूदी आदमीसिके पेन्तिकोसके पावनके दिन, ऊसब एक्केटा जगहमे जमा भेलै रहे।

चुन्ल आर भेज्ल चेलासब 2:46

ऊसब एक मनके भ्याके परमेश्वरके मन्दिरमे एक साथ उपस्थित है, आर एक दोसरके घरमे जैके आनन्द आर शुद्ध हृदयसे मिलिजुलिके भोजन खै।

चुन्ल आर भेज्ल चेलासब 5:12

आब चुन्ल आर भेज्ल चेलासिके हातसे बहुते चिन्हसब आर चमत्कारसब आदमीसिके बीचमे हुए लाग्लै, आर सभे विश्वासीसब सुलेमानके ओसरामे एक मनके भ्याके जमा भेलै रहे।

रोमी 12:16

एक दोसरके ओतनें ही ध्यान राख जतनें तुहें आपन ध्यान राखैछैं। घमण्ड नैकर, मगर नम्र आदमीसिके संगे संगत कर। खुदके बेसी ज्ञानवान नैसमझ।

१ कोरन्थी 1:10

हे विश्वासी भ्या-बहिनसब, आपनसिके प्रभु येशू ख्रीष्टके देल अधिकारसे हमे तोरासिके अनुरोध करैछियौ कि तुहेंसब एक-दोसरसे सहमत हु ताकी तोरसिके बीचमे कोनो फुट नैहौ, बरु एक दोसरसे समान विचार राखिके आर समान मकसद राखिके मेल-मिलापमे र।

२ कोरन्थी 13:11

हे विश्वासी भ्या-बहिनसब, आब अन्तमे तोरासिके आनन्द मिलौ, सिद्ध बन्ते जो, हमर सल्लाह सुन, आपसमे एक मनके भ्याके शान्तिपूर्वक र। आर प्रेम आर शान्ति दिएवाला परमेश्वर तोरसिके संगे रहतौ।

२ कोरन्थी 2:3

हमे उटा चिट्ठी इहे ल्याके लिख्लियौ रहे, हमर ऐलके बाद कहुँ एरं नै भ्याजै कि जे आदमीसिसे हमरा आनन्द मिलना चाही से आदमीसब हमरा दुःखित बनाबै। कहिनेकी हमर आनन्द तोरसिके सभैके आनन्द हैछै कहिके हमरा तोरसिके सभैके बारेमे भरोसा रहै।

२ कोरन्थी 7:7

ओकर आगमनसे खाली नै, मगर उटा सान्त्वनासे भी जे सान्त्वना ऊ तोरासिसे पैल्कै रहे। हमरसे भेट करैके तोरसिके बडका इच्छाके बारेमे ऊ हमरासिके कहैल्कै। हमर खातिर तोरसिके शोकके विषयमे आर हमरप्रति तोरसिके गहरा चिन्ताके विषयमे भी ऊ बतैल्कै आर एरंके हमे आरहौ बेसी आनन्दित भेलियै।

फिलिप्पी 2:16

ताकी जब ख्रीष्ट वापस ऐतै तब हमरा गर्व करैके कारण है कि हमर प्रयास आर कठिन मेहनत करना बेकार नैभेलै।

फिलिप्पी 2:20

कहिनेकी हमरलगत तिमोथीके जुगुर स्वभावके दोसर कोय नैछै, जे शुद्ध मनसे तोरसिके चिन्ता करै।

फिलिप्पी 4:2

हमे इयोदिया आर सुन्तुखेके विश्वासी बहिनसिके प्रभुमे मेल-मिलापमे र कहिके बिन्ती करैछियौ।

कलस्सी 2:5

कहिनेकी हमे तोरसिसे दूर भेलपर भी तोरसिके बारेमे सोच्ते रहैछियौ आर तोरसिके ख्रीष्टमे विश्वास, एकता आर जेरंके जिना चाही ओरंके जिल देखिके हमे खुश छियै।

२ थेसलोनिकी 2:13

हे विश्वासी भ्या-बहिनसब, एत्ते तोरसिके लिए परमेश्वरके समनामे हमरसिके सभे दिन धन्यवाद देना सही छै। तुहेंसब प्रभुके प्यारा छैं, कहिनेकी परमेश्वर संसारके सृष्टिके शुरुसे ही पवित्र आत्माद्वारा तोरासिके पापसे अलग करिके आर येशू ख्रीष्टके बारेमे सच्चा सन्देशमे विश्वास करैके कारण उद्धारके लिए चुनी लेल्कौ छे।

२ तिमोथी 1:4

हमरा याद छै कि हमे तोरा छोडिके जैके समयमे तुहें बहुते कान्लहैं रहे। हमे तोर भेट करैले चाहैछियै ताकी हमे आनन्दित हुए सकियै।

फिलेमोन 1:20

हे प्रिय विश्वासी-भ्या, तोरसे प्रभुमे कुछु लाभ पाबियै कहिके हमे चाहैछियौ। संगी विश्वासीके नातासे ओकरा स्वीकार करिके ख्रीष्टमे हमरा उत्साह दे।

२ यूहन्ना 1:4

तोर बेटा-बेटीसिमेसे कक्रहौ-कक्रहौ जे आज्ञा अपनासिके परमेश्वर पिताके तरफसे मिल्लै रहे उटा सच्चाईमे चल्ल देखिके हमरा बहुते खुशी लाग्ल छै।

३ यूहन्ना 1:4

जब हमे सुनैछियै कि जेसब हमर बेटाबेटीसिके जुगुर छै ऊसब परमेश्वरके सच्चाईके मुताबिक जियैछै, तब उटा बात हमरा आरहौ बेसी खुशी बनाबैछै।