फिलिप्पी 2:19 - केवट नया कारार

¹⁹ हमरा प्रभु येशूमे आशा छै कि हमे तिमोथीके तोरसिकेलगत जल्दी भेज्बौ, ताकी जब ऊ वापस ऐतै ते तोरसिके खबर पाबिके हमे उत्साहित हैबै।

फिलिप्पी 2:19 Cross References

मत्ती 12:21

ओकरापर जात-जातके आदमीसब आशा राख्तै।”

चुन्ल आर भेज्ल चेलासब 16:1

फेर पावल डर्बी सहर आर लुस्त्रा सहरमे भी ऐलै आर ओत्ते तिमोथी नामके एकटा चेला रहै। ओकर मयाँ यहूदी विश्वासी रहै, मगर ओकर बाबु यूनानी रहै।

रोमी 15:12

फेर, परमेश्वरके वक्ता यशैया धरमशास्त्रमे लिखल्कै छे, “यिशैके वंशसे एकझन ऐतै, ऊ गैर-यहूदी आदमीसिके उप्परमे शासन कर्तै, ओकरापर गैर-यहूदीसब आशा राख्तै कि ऊ ओकरासिके बचैतै।”

रोमी 16:21

तिमोथी, हमर सहकर्मीके, आर हमर आपन संगी यहूदीसब लुकियस, यासोन आर सोसीपात्रोस तोरासिके नमस्कार भेजल्कौ छे।

१ कोरन्थी 4:17

सेल्याके हमे तोरसिकेलगत तिमोथीके भेजैछियौ। ऊ प्रभुमे हमर प्यारा आर विश्वासयोग्य बेटा छै। आर ऊ तोरासिके यी बात फेर याद दिलैतौ कि हमे येशू ख्रीष्टके अनुयायीके रुपमे केरं व्यवहार करैछियै, जेरंके हमे जते भी जैछियै ओत्करो मण्डलीमे सिखाबैछियै।

एफिसी 1:13

आर तोरसिके संगे भी इहे भेलौ छे। तुहेंसब सच्चा खुश-खबरी सुन्लहैं छे, जे यी विषयमे बताबैछै कि परमेश्वर तोरासिके केरंके बचाबैछै। आर ख्रीष्टमे तुहेंसब विश्वास करैके कारण, परमेश्वर आपन आदमीसिके दियैके प्रतिज्ञा कैल पवित्र आत्मा तोरासिके देल्कौ छे। तुहेंसब परमेश्वरके छैं कहिके देखाबैके लिए पवित्र आत्मा तोरसिकेलगत एकटा चिन्हके रुपमे छौ।

फिलिप्पी 1:1

यी चिट्ठी हमे, पावल आर तिमोथीके तरफसे छै, जेसब येशू ख्रीष्टके दास छै। हमे यी चिट्ठी फिलिप्पी सहरके मण्डलीके देख-रेख करेवाला आर मण्डलीके सेवक सहित परमेश्वरके आदमीसिके लिखैछियै।

फिलिप्पी 2:18

ओहिने करिके तहुँसब आनन्दित हु, आर हमरसंगे आनन्द कर।

फिलिप्पी 2:28

सेल्याके हमे ओकरा भेजैले आरहौ बेसी कोशिश कैलियै ताकी तुहेंसब फेर ओकर भेट करिके आनन्दित भ्याजहैं आर हमर चिन्ता भी कम भ्याजै।

१ थेसलोनिकी 3:2

आर हमेसब तिमोथीके, जे ख्रीष्टके खुश-खबरी प्रचार करैमे हमरसिके विश्वासी भ्या आर परमेश्वरके सेवक छै, ओकरा तोरसिकेलगत भेज्लियौ ताकी ऊ तोरासिके विश्वासमे स्थिर कराबौ आर तोरसिके विश्वासके विषयमे तोरासिके उत्साह दौ।

१ थेसलोनिकी 3:5

सेल्याके तुहेंसब केरं हालतमे छैं कहिके मालुम नैभेल बात जब हमे आरहौ बरदास करैले नैसक्लियै ते, तोरसिके विश्वासके हाल-खबर जानैके लिए हमे तिमोथीके भेज्लियै। कहिनेकी परीक्षा करेवाला शैतान तोरासिके परीक्षामे फस्याके हमरसिके मेहनत बेकार करिदेल्कै कि कहिके हमरा डर लाग्ल रहै।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

२ तिमोथी 1:12

यी इहे कारण छै, कि हमे जेलमे भी दुःख भोगैछियै, मगर हमे लाज नैमानैछियै। कहिनेकी हमे ख्रीष्टके चिन्हैछियै, जकरापर हमे भरोसा कैलियै छे, आर हमरा निश्चय छै कि ख्रीष्ट फेर वापस नै आबैतक जे हमे ओकरा सौंप्लियै छे उटा बातके रक्षा ऊ करे सकैछै।

याकूब 4:15

सेल्याके, एकर बदलामे तोरासिके एरं कहना रहौ, “यदि परमेश्वरके इच्छा हैतै ते अपनासब जिन्दा रहबै आर एरं आर ओरं काम भी कर्बै।”

१ पत्रुस 1:21

ख्रीष्टके कैल कामद्वारा परमेश्वरपर तोरसिके भरोसा छौ, जे ख्रीष्टके मुर्दासे जिन्दा बन्याके महिमा देल्कै, ताकी तोरसिके आशा आर विश्वास परमेश्वरमे रहौ।