फिलिप्पी 2:17 - केवट नया कारार

¹⁷ जब हमे तोरासिके खुश-खबरी सुनैलियौ ते तुहेंसब प्रभु येशूमे विश्वास कैल्हैं आर ओकर सेवाके लिए आपन जीवनके बलिदान करि देल्हैं। सेल्याके यदि खुश-खबरी सुनाबैके कारण हमरा मारि भी देल जै, ते हमे भी तोरसिके संगे आनन्दित आर खुश रहबै।

फिलिप्पी 2:17 Cross References

चुन्ल आर भेज्ल चेलासब 20:24

मगर हमे आपन जीवनके कोनो मोलके आर आपन लिए प्रिय नैसोचैछियै। हमे खाली एतनें चाहैछियै, कि परमेश्वरके अनुग्रहके खुश-खबरीके गवाही दियैले हमर दौड आर प्रभु येशूसे हमरा मिल्ल हमर सेवकाई हमे पुरा करे सकियै।

चुन्ल आर भेज्ल चेलासब 21:13

मगर पावल जबाब देल्कै, “तुहेंसब एरंके कानीके कथिले हमर मन दुःखी बनाबैछैं? हमे ते प्रभु येशूके कारण यरूशलेम सहरमे खाली बान्हल जैके लिए ही नै, मगर मरैके लिए भी तैय्यार छियै।”

रोमी 12:1

सेल्याके हे विश्वासी भ्या-बहिनसब, अपनासिपर भेल परमेश्वरके दया याद दिल्याके हमे तोरासिके बिन्ती करैछियौ, आपन-आपन जीवनके जिन्दा बलिदानके रुपमे परमेश्वरमे अर्पण कर। तोरसिके बलिदान पवित्र आर परमेश्वरके खुश करेवाला होना चाही। परमेश्वरके आराधना करैके सही तरिका इहे छै।

२ कोरन्थी 12:15

हमे तोरसिके लिए हमर आपन सभे कुछु तोरासिके द्या देबौ आर आपन जीवन सहित द्या देबौ। हमे तोरसिसे बहुते प्रेम करैछियौ, मगर एरं लागैछै कि तुहेंसब हमरासे बहुते कम प्रेम करैछैं।

२ कोरन्थी 4:12

ते एकर मतलब यी छै कि हमेसब निरन्तर मौतके सामना करैछियै मगर एकर परिणाम यी छै कि तोरासिके कहियो खतम नैहुएवाला जीवन मिल्लौ छे।

२ कोरन्थी 6:10

हमरसिके लगत दुःखके समय रहै, मगर सभे दिन आनन्दित रहैछियै। हमेसब खुद ते कंगाल छियै, मगर बहुते आदमीसिके आत्मिक रुपसे मातबर बन्या दैछियै। हमरसिके लगत आपन कुछु नैहैते पर भी सभे कुछु छै।

२ कोरन्थी 7:4

तोरासिपर हमरा पुरा भरोसा छै आर हमे तोरासिपर बहुते गर्व करैछियै। हमे खुब उत्साहित छियै आर हमर सभे कष्टसिमे हमे आनन्दसे भरपुर रहैछियै।

फिलिप्पी 1:20

हमर उत्कट इच्छा आर आशा यी छै कि हमे कहियो लज्जित नैहैबै, मगर पहेला कैल जुगुर ख्रीष्टके बारेमे बोलैके हमरा साहास हैतै। चाहे हमे जियै या मरियै हमे हमर सारा जीवनसे ख्रीष्टके लगातार आदर देबै।

फिलिप्पी 2:18

ओहिने करिके तहुँसब आनन्दित हु, आर हमरसंगे आनन्द कर।

फिलिप्पी 2:30

कहिनेकी ऊ ख्रीष्टके कामके लिए आपन जानके जोखिम उठ्याके मरै पर भेलै रहे, ताकी ऊ उटा कामसे हमरा सहायता करे सकै जे काम तुहेंसब करैले नैसक्लहैं छे, कहिनेकी तुहेंसब बहुते दूर छैं।

फिलिप्पी 4:18

हमे सभे कुछु पाबि लेलियै छे आर बहुते भी छै, जे चीज तुहेंसब इपाफ्रोडिटसके द्वारा भेज्लहैं रहे उटा पाबिके हमे सन्तुष्ट भेलियै छे। तोरसिके उपहारसब हमर लिए पुजारीद्वारा परमेश्वरके चढैल मिठा सुगन्धवाला दान आर बलिदानके जुगुर छै। उटा परमेश्वरके लिए स्वीकार योग्य आर मनमोहक छै।

कलस्सी 1:24

आर आब हमे तोरसिके खातिर ख्रीष्टके तकलीफमे सामिल भेल छियै, कहिनेकी हमर शारीरिक तकलीफके कारण ख्रीष्टके शरीर, यानिकी मण्डलीके लिए आरहौ बाँकी रहेल ख्रीष्टके तकलीफ पुरा करैले हमे सहायता करैछियै।

१ थेसलोनिकी 2:8

हमेसब तोरासिके बहुते प्रेम कैलियौ। हमेसब तोरासिके एतनें प्रेम कैलियौ कि हमेसब खाली परमेश्वरके खुश-खबरी नै, मगर आपन-आपन जान भी तोरासिके दियैके लिए तैय्यार रहियै।

२ तिमोथी 4:6

हमे तोरा यी आदेशसब दैछियौ कहिनेकी ऊसब हमर जान मार्बो कर्तै ते भी हमे अंगुरके मद्दके जुगुर हैबै जे बलिदान पुरा कराबैके लिए पुजारी बलिदानके अर्घ-बलिके रुपमे चढाबैछै। यानिकी हमर यी संसार छोडिके जैके समय ऐलै छे।

१ यूहन्ना 3:16

एक्रहैसे प्रेम कि छै कहिके अपनासिके मालुम हैछै, कि येशू ख्रीष्ट आपनसिके लिए आपन जान देल्कै। सेल्याके अपनासिके भी आपन विश्वासी भ्या-बहिनसिके लिए आपन जान दियैके लिए तैय्यार रहे पडैछै।