फिलिप्पी 1:8 - केवट नया कारार

⁸ परमेश्वर हमर गवाह छै, कि हमर ह्रदय तोरसिके प्रति ख्रीष्ट येशूके प्रेमसे भरि गेलै छे आर हमे तोरासिके सभैके देखैके लिए तर्सैछियै।

फिलिप्पी 1:8 Cross References

लूका 1:78

यी सभे इहे ल्याके हैतै कहिनेकी हमरसिके परमेश्वर बहुते दयालु छै। जेरंके सुरुज अपनासिके रोशनी दियैके लिए चम्कैछै, ओहिने करिके ख्रीष्ट भी आपनसिके लगत स्वर्गसे ऐतै।

रोमी 1:9

हमे पुरा मनसे ओकर बेटाके बारेमे आदमीसिके खुश-खबरी प्रचार करैछियै, आर परमेश्वर हमर गवाही छै कि हमे हमर प्रार्थनासिमे तोरासिके लगातार याद करैछियौ।

रोमी 9:1

आब अगर कुछु भी अपनासिके परमेश्वरके प्रेमसे अलग नैकरे सकैछै ते, इस्राएल देशके हमर यहूदी आदमीसब, परमेश्वरसे कहिने अलग छै? हमरा ओकरसिके लिए बहुते दुःख छै, आर सभे दिन हमर मनमे ओकरसिके लिए दरद महसुस हैछै। वास्तवमे, भला ही हमे खुदपर आरोप लगाबे सकैछियै आर आपने ही यहूदी भ्या-बहिनसिके उद्धारके लिए खुद ख्रीष्टसे अलग हुए सकैछियै, हमे ओकर लिए तैय्यार छियै। हमे ख्रीष्टके गवाह मानिके सच कहैछियौ। पवित्र आत्मा आर हमर विवेक भी गवाही दैछै कि यी सभे बातसब झुठ नैछै।

२ कोरन्थी 13:9

कहिनेकी हमेसब कमजोर छियै आर तुहेंसब विश्वासमे मजगुत छैं ते, हमेसब आनन्दित हैछियै आर हमेसब प्रार्थना करैछियै कि तुहेंसब विश्वासमे सिद्ध भ्याजहैं।

२ कोरन्थी 6:12

हमेसब तोरसिके प्रति आपन प्रेमके सिमित नैकरैछियै, मगर तुहेंसब हमरसिके प्रति आपन प्रेमके सिमित करैछैं।

२ कोरन्थी 7:15

आर जब-जब ऊ फेरसे सोचैछै कि केरंके तुहेंसब ओकर आज्ञापालन कैल्हैं, जब तुहेंसब अधिनता आर बडका सम्मानके साथ ओकर स्वागत कैल्हैं ते, ऊ तोरासिके आरहौ भी बेसी प्रेम करैछौ।

गलाती 1:20

परमेश्वर हमर गवाह छै कि हमे तोरासिके जे लिख्लियौ छे ओकरामे कुछु भी झुठ नैछै।

गलाती 3:26

तुहेंसब सभेको येशू ख्रीष्टमे बप्तिस्मा लेल्हैं छे आर ख्रीष्टके चरित्रके मुताबिक चलैछैं। सेल्याके तुहेंसब येशू ख्रीष्टमे विश्वास राखैके द्वारा परमेश्वरके सन्तान बनी गेल्हैं छे।

गलाती 4:19

हमर बच्चासब, जेरंके एकटा जनानी बच्चा जनमाबैके समयमे दरद महसुस करैछै, ओहिने करिके ही हमे एकबेर फेर तोरसिके लिए दरद महसुस करैछियै। हमे यी दरदमे तबतक रहैछियै जबतक तुहेंसब ख्रीष्टमे परिपक्क नैभ्याजैछैं।

फिलिप्पी 2:1

तुहेंसब ख्रीष्टके संगे एक हुऐके कारणसे तोरासिके उत्साह मिल्लौ छे। ख्रीष्ट तोरासिके प्रेम करैके कारणसे तुहेंसब सान्त्वना पैल्हैं छे। तुहेंसब पवित्र आत्मामे संगति करैके कारणसे तुहेंसब ख्रीष्टके कोमलता आर दया पैल्हैं छे।

फिलिप्पी 2:26

कहिनेकी तोरसिके सभैके भेट करैके लिए ऊ बहुते इच्छा कैल्कौ छे, आर यी बातसे चिन्तित छौ कि तुहेंसब ऊ बेमार भेल बात सुनी लेल्हैं छे।

फिलिप्पी 4:1

सेल्याके, हे हमर प्रिय विश्वासी भ्या-बहिनसब, हमे तोरासिके बहुते प्रेम करैछियौ आर तोरसिके भेट करैके लिए इन्तजार करैछियौ। तुहेंसब हमर आनन्द आर मकुट छैं। हमर प्रिय भ्या-बहिनसब, जेरंके हमे कहैलियौ छे ओरंके आपन विश्वासमे मजगुत भ्याके र।

कलस्सी 2:1

तुहेंसब यी जान कहिके हमे चाहैछियै कि केरंके तुहेंसब आर लाउडिकिया सहरमे भेलसब आर ऊ सभैके खातिर, जकरा हमे नैदेख्लियै छे, हमे कठिन मेहनत करैछियै।

कलस्सी 3:12

सेल्याके परमेश्वर तोरासिके आपन आदमी हुऐके लिए चुन्लकौ छे आर तोरासिके प्रेम करैछौ, इहे ल्याके तुहेंसब करुणा, दया, दीनता, नम्रता आर धीरज धारण कर।

१ थेसलोनिकी 2:5

तुहेंसब जानैछैं कि हमेसब कहियो चापलूसीके बात नैकैलियै। हमेसब लालची हुऐके कारणसे यी बात नैकैलियै छे आर हमरसिके लालच तोरसिसे आर कक्रहौसे नुकाबैके कोशिश भी नैकैलियै छे। परमेश्वर ही यी बातके गवाही दैछै कि हमेसब ओरंको नैरहियै।

१ थेसलोनिकी 2:8

हमेसब तोरासिके बहुते प्रेम कैलियौ। हमेसब तोरासिके एतनें प्रेम कैलियौ कि हमेसब खाली परमेश्वरके खुश-खबरी नै, मगर आपन-आपन जान भी तोरासिके दियैके लिए तैय्यार रहियै।

२ तिमोथी 1:4

हमरा याद छै कि हमे तोरा छोडिके जैके समयमे तुहें बहुते कान्लहैं रहे। हमे तोर भेट करैले चाहैछियै ताकी हमे आनन्दित हुए सकियै।

फिलेमोन 1:12

हमे ओनेसिमसके, जकरा हमे आपन पुरा हृदयसे प्रेम करैछियै, तोरलगत वापस भेजैछियौ।

फिलेमोन 1:20

हे प्रिय विश्वासी-भ्या, तोरसे प्रभुमे कुछु लाभ पाबियै कहिके हमे चाहैछियौ। संगी विश्वासीके नातासे ओकरा स्वीकार करिके ख्रीष्टमे हमरा उत्साह दे।

१ यूहन्ना 3:17

मगर यदि ककरो लगत संसारके धन-दौलत छै तैय्योपर भी आपन विश्वासी भ्या-बहिनसिके जरुरतमे पड्ल देखिके ओकरासिके सहायता करैले इन्कार करैछै ते, परमेश्वरके प्रेम ओकरामे केरंके बास करे सकैछै?