फिलिप्पी 1:23 - केवट नया कारार

²³ हमे नैजानैछियै कि यी दीटामे ककरा चुने पड्तै। मगर मरिके ख्रीष्टके संगमे हुऐके इच्छा छै, कहिनेकी यी बहुते बढियाँ छै,

फिलिप्पी 1:23 Cross References

लूका 12:50

हमर समनामे भयानक पिडाके बप्तिस्मा छै, जे हमरा लियैले पड्तै, ऊ पिडा नैहुऐतक हमे बहुते व्याकुल छियै।

लूका 23:43

येशू ओकरा कहैल्कै, “हमे तोरा सच कहैछियौ, ऐजे तुहें हमरसंगे स्वर्गलोकमे हैभैं।”

लूका 8:38

मगर जे आदमीसे भूतसब निकल्लै रहे, ऊ आदमी येशूके, “हम्रहौ तोर संगमे जैले द्या।” कहिके बिन्ती करे लाग्लै। मगर येशू ओकरा एरं कहिके बिदा देल्कै।

यूहन्ना 12:26

कोय अगर हमर सेवा कर्तै ते ऊ हमर चेला बनक आर तब जते हमे छियै हमर सेवक भी ओथै रहतै। जे कोय हमर सेवा करैछै, हमर पिता ओकर कदर कर्तै।”

यूहन्ना 13:1

निस्तार पावन शुरु हुऐसे पहेला येशूके यी पता रहै कि यी संसारसे छोडिके आब ओकर आपन पिता-परमेश्वर लगत वापस लौटिके जैके समय आबी गेलै छे। ओकर आपन चेलासब जे यी संसारमे रहै, ओकरासिके ऊ एखनतक जेरं प्रेम कर्ते रहै, ओहिने करिके अन्तिमतक ऊ ओकरासिके पुरा तरहसे प्रेम कर्ते रहै।

यूहन्ना 14:3

आर जैके तोरसिके लिए जगह तैय्यार कैलके बाद, हमे फेर ऐबौ, आर तोरासिके हमरसंगे रहैके लिए ल्याजैबौ आर हमे जते छियै, ओत्ते तहुँसब हैभैं।”

यूहन्ना 17:24

हे पिता, हमे चाहैछियै, कि तुहें जकरासिके हमरा देल्ह छे, हमे जते छियै उहोसब हमरसंगे रहै, आर हमर महिमाके देखे सकै, जे महिमा संसारके सृष्टि हुऐसे पहलहैसे तुहें हमरा प्रेम करैके कारणसे देल्ह रहे।

चुन्ल आर भेज्ल चेलासब 7:59

जखनी ऊसब स्तिफनसके पत्थल मार्ते रहै, स्तिफनस प्रार्थना कैल्कै, “हे प्रभु येशू, हमर आत्माके ग्रहण कर।”

२ कोरन्थी 5:8

सेल्याके हमेसब निश्चिन्त रहैछियै आर जब हमेसब मर्बै ते, यी शरीरके छोडिके प्रभुके संगे आपनसिके घरमे रहना आरहौ भी उत्तम मानैछियै।

२ कोरन्थी 6:12

हमेसब तोरसिके प्रति आपन प्रेमके सिमित नैकरैछियै, मगर तुहेंसब हमरसिके प्रति आपन प्रेमके सिमित करैछैं।

फिलिप्पी 1:24

मगर हमर जिन्दा रहना तोरसिके सहायताके लिए आरहौ जरुरी छै।

१ थेसलोनिकी 2:1

हे विश्वासी भ्या-बहिनसब, तोरसिकेलगत हमरसिके आना उपयोगी भेलै कहिके तोरासिके आपनहैं मालुम छौ।

१ थेसलोनिकी 2:13

सेल्याके हमेसब भी परमेश्वरके धन्यवाद निरन्तर करैछियै, कि जब तुहेंसब परमेश्वरके खुश-खबरीके सन्देश सुन्लहैं, जे हमेसब तोरासिके प्रचार कैलियौ ते, तुहेंसब ओकरा आदमीसिके नै, मगर परमेश्वरके वचन सम्झलहैं आर यी सन्देश परमेश्वरके तरफसे छै कहिके स्वीकार कैल्हैं। आर यी सन्देश जे परमेश्वरके तरफसे छै आब तोरासिमे काम करैछौ, जेसब ख्रीष्टमे विश्वास करैछैं।

१ थेसलोनिकी 4:17

तब अपनासब जे जिन्दा छियै आर धर्तीमे जेसब बाँकी रहबै, ओकरसिके संगे बादलमे उठ्याके लजैल जैबै, आर येशूसंगे बादलमे भेट कर्बै, उटा समयसे अपनासब सभे दिन प्रभु येशूके संगे रहबै।

२ तिमोथी 4:6

हमे तोरा यी आदेशसब दैछियौ कहिनेकी ऊसब हमर जान मार्बो कर्तै ते भी हमे अंगुरके मद्दके जुगुर हैबै जे बलिदान पुरा कराबैके लिए पुजारी बलिदानके अर्घ-बलिके रुपमे चढाबैछै। यानिकी हमर यी संसार छोडिके जैके समय ऐलै छे।

प्रकाश 14:13

फेर हमे स्वर्गसे कक्रहौ बोल्ते सुन्लियै आर ऊ हमरा कहैल्कै, “यी बातसिके एत्ते लिख। आबसे ऊ आदमीसब धन्य छै जेसब प्रभुमे भरोसा कर्ते हुए मरि जैछै।” तब पवित्र आत्मा यी बात पर सहमत भेलै आर ऊ कहैल्कै, “यी सच छै। ऊसब धन्य छै कहिनेकी ऊसब आपन कडा मेहनतसे आराम पैतै आर जे काम ऊसब कैल्कै छे ओकर खातिर ओकरासिके इनाम देल जैतै।”