फिलिप्पी 1:18 - केवट नया कारार

¹⁸ एकरासे कि फरक पड्लै ते? खाली यी, कि हर किसिमसे चाहे खराब विचारसे, चाहे बढियाँ विचारसे, ख्रीष्टके खुश-खबरी प्रचार कैल जैछै आर हमे एक्रहैमे आनन्दित छियै, आर सभे दिन आनन्दित रहबै।

फिलिप्पी 1:18 Cross References

मत्ती 23:13

“हे यहूदी धरमशास्त्रके पण्डितसब आर फरिसी समूहके आदमीसब, तोरसिके लिए यी बहुते भयानक हैतौ! हे ढोंगीसब! कहिनेकी तुहेंसब आदमीसिके लिए परमेश्वरके राज्यके केबाड बन्द करैछैं। तुहेंसब आपनहौं भी भितर नैढुकैछैं, आर ढुके चाहेवालाके भी भितर ढुकैले नैदैछैं।

मर्कूस 12:40

ऊसब धोखा करिके मोसामातसिके सम्पति हडपी लैछै, मगर ऊसब सामूहिक रुपसे लम्बा समयतक प्रार्थना करैछै ताकी आदमीसब यी सोचै कि ऊसब बढियाँ छै। एरंको आदमीसिके परमेश्वर निश्चित रुपसे आरहौ बेसी कडा सजाय देतै।”

लूका 9:45

मगर चेलासब यी बात नैबुझल्कै। यी बात बुझे सकैके ज्ञान चेलासिके नैहुऐके कारणसे येशू कि कहैले खोजल्कै से बात चेलासब विचार करैले नैसकल्कै। चेलासिके यी बातके विषयमे येशूसे पुछैले डर लाग्लै।

लूका 9:50

मगर येशू ओकरा कहैल्कै, “ओकरा नैरोक, जे हमर दुश्मन नैछै ऊ हमर दोस्त छै।”

रोमी 3:9

ते कि अपना यहूदी आदमीसब दोसर गैर-यहूदी आदमीसिसे आरहौ बेसी बढियाँ छियै ते? हर्गिस नै! हमेसब पहेला ही यी साफसे कहि देलियै छे कि यहूदी आदमीसब आर गैर-यहूदी आदमीसब सभेको पापके शक्तिके अधिनमे छै।

रोमी 6:15

कहिनेकी अपनासब मूसाके विधि-विधानके अधिनमे नैछियै, मगर परमेश्वरके अनुग्रहके अधिनमे छियै, सेल्याके अपनासिके पाप नैकरना चाही।

१ कोरन्थी 10:19

हमे यी नैकहैछियै कि मूर्तिसिके चढैल गेल बलिदानके कोनो मोल छै आर यी कि मूर्तिसिके कोनो मोल छै।

१ कोरन्थी 14:15

इहे कारणसे, हमे पवित्र आत्माके अगुवाईमे प्रार्थना करैले चाहैछियै, मगर हमे यी भी चाहैछियै कि दोसर आदमीसब यी बुझे सकै कि हमे कि कहैछियै। आर जब हमे गीत गाबैछियै ते हमे चाहैछियै कि हमर गीत पवित्र आत्मासे प्रेरित है, मगर यी भी जरुरी छै कि जे हमे गाबैछियै, ओकरा दोसर आदमीसब बुझे सकै।

१ कोरन्थी 15:11

सेल्याके चाहे हमे हैयै चाहे दोसर चुन्ल आर भेज्ल चेलासब है, हमेसब सभेको ख्रीष्टके विषयमे एक्केटा सन्देशके प्रचार कैलियै, आर इहे सन्देशपर तुहेंसब विश्वास भी कैल्हैं।

फिलिप्पी 1:19

कहिनेकी हमे जानैछियै कि तोरसिके प्रार्थना आर येशू ख्रीष्टके आत्माके सहायताद्वारा हमे बचैल जैबै।