फिलिप्पी 1:11 - केवट नया कारार

¹¹ जेरंके गाछ फल फराबैछै ओहिने करिके तुहेंसब परमेश्वरके महिमा आर स्तुतिके खातिर येशू ख्रीष्टसे आबेवाला धार्मिक काम कर।

फिलिप्पी 1:11 Cross References

मत्ती 5:16

ओहिने करिके तोरसिके उजेत आदमीसिके बिच्चेमे चम्कौ ताकी ऊसब तोरसिके बढियाँ कामसब देखौ आर स्वर्गमे भेल तोरसिके परमेश्वर पिताके महिमा करौ।”

यूहन्ना 15:16

हमरा तुहेंसब नैचुन्लहैं छे, मगर हमे तोरासिके चुन्लियौ, आर तोरासिके नियुक्त कैलियौ छे, कि तुहेंसब जो आर बढियाँ काम कर आर तोरसिके बढियाँ काम सभे दिन रहौ। कहिनेकी तुहें हमर चेला छैं सेल्याके तुहेंसब जे कुछु भी हमर चेला हुऐके नातासे माँग्भैं, पिता तोरासिके देतौ।

यूहन्ना 15:2

हरेक ठ्यार जे हमरासे जुड्ल छै आर फल नैफराबैछै ऊ ओकरा काटी दैछै, आर फल फराबेवाला सभेटा ठ्यारीके आरहौ बेसी फल फरै कहिके ऊ ओकरा साफ करैछै।

यूहन्ना 15:8

यदि तुहेंसब बहुते बढियाँ काम करैछैं ते, एकरद्वारा हमर पिताके महिमा प्रकट हैतै, आर एरंके तुहेंसब स्पष्ट करैछैं कि तुहेंसब हमर चेला छैं।

रोमी 15:28

सेल्याके, हमे सभैसे पहेला यरूशलेम सहर जैछियै ताकी ओकरासिके यी जमा कैल सहायताके पैसा लज्याके दियै। तकरबाद, फेर हमे रोम सहरमे आबिके तोरसिसे मुलाकात करिके स्पेन देशमे जैबै।

रोमी 6:22

मगर आब तुहेंसब पापसे मुक्त भ्याके आर परमेश्वरके दास बनिके उटा कामसिके करैछैं, जे पवित्रताके तरफ ल्याजैछै, आर ओकर अन्त कहियो खतम नैहुएवाला जीवन छै।

१ कोरन्थी 10:31

अन्तमे, हमे तोरा यी कहैले चाहैछियौ कि तुहेंसब चाहे खो, चाहे पी या तुहेंसब कुछु भी कर, सभे चीज परमेश्वरके महिमाके लिए कर।

२ कोरन्थी 9:10

परमेश्वर सभे दिन किसानसिके बुनैके लिए बिहन दैछै, आर ओकरासिके खैके लिए भोजन भी दैछै। सेल्याके अहिने करिके परमेश्वर यी सम्भव कर्तै कि तोरसिकेलगत सभे दिन बहुते धन हौ, ताकी तुहेंसब आरहौ बेसी उदारतासे जरुरत पडल आदमीसिके सहायता करे सक्हैं।

एफिसी 1:12

अपना यहूदी आदमीसब पहेला आदमीसब छियै जेसब ख्रीष्टमे आशा राख्लियै आर अपनासिके इहे ल्याके चुन्ल गेलै रहे ताकी अपनासब परमेश्वरके महिमाके प्रशंसा करे सकियै।

एफिसी 1:14

कहिनेकी परमेश्वर अपनासिके पवित्र आत्मा देल्कै छे, अपनासब यी बातमे निश्चित हुए सकैछियै कि परमेश्वर अपनासिके प्रतिज्ञा कैल दोसर बढियाँ चीजसब भी देतै। यी तब हैतै जब परमेश्वर अपनासब जे ओकर छियै, अपनासिके पुरा रुपसे उद्धार देतै ताकी ओकर अपनासब परमेश्वरके महिमाके प्रशंसा करे सकियै।

एफिसी 2:10

कहिनेकी अपनासब परमेश्वरके सृष्टि छियै, ख्रीष्ट येशूमे बढियाँ काम करैके लिए अपनासिके नया आदमीके रुपमे सृष्टि कैल गेलै जकरा परमेश्वर पहलहैसे अपनासब करियै कहिके तैय्यार कैल्कै रहे।

एफिसी 5:9

कहिनेकी यदि कोनो आदमी उजेतमे छै ते ओकर आचरण बढियाँ आर धार्मिक हैछै आर ओकरापर भरोसा कैल ज्या सकैछै।

फिलिप्पी 4:17

हमे यी नैकहैछियौ कि तुहेंसब हमरा सभे दिन उपहारसब दे मगर तुहेंसब पहलहैसे कैल बढियाँ कामसिके सूचीमे एकरा जोड्ल हमे देखे चाहैछियौ, जकर खातिर परमेश्वर तोरासिके इनाम देतौ।

कलस्सी 1:10

हमेसब यी भी प्रार्थना करैछियै कि तुहेंसब एरंके व्यवहार करे सक्हैं जेरंके प्रभुके आदमीसिके व्यवहार करे पडैछै आर तुहेंसब प्रभुके सभे बातमे खुश बनैभैं आर तुहेंसब निरन्तर सभे किसिमके उपयोगी कामसब कर्भैं। आर परमेश्वरके चिन्हैमे तुहेंसब बढ्ते जैभैं।

कलस्सी 1:6

इहे खुश-खबरी जे तोरसिकेलगत ऐलौ पुरा संसारभर फैलैछै। आदमीसिके जीवन परिवर्तन करिके हरेक जगहमे फल फराबैछै, जेरंके तुहेंसब पहेला बेर सुन्ल आर परमेश्वरके अदभुद अनुग्रहके बारेमे सचके बुझैके समयसे तोरसिके जीवनमे परिवर्तन ऐल छौ।

२ थेसलोनिकी 1:12

एरंके आपनसिके प्रभु येशूके नाम तोरसिकेद्वारा महिमा पैतै। आर तुहेंसब ओकरद्वारा आदर पैभैं। यी सभे कुछु आपनसिके परमेश्वरके आर प्रभु येशू ख्रीष्टके अनुग्रहसे सम्भव भेल छै।

तीतस 3:14

खाली ओतनें ही नै, तुहेंसब विश्वासीसिके बढियाँ कामसब करैमे निरन्तर कडा मेहनत करैके लिए सिखाबे पडैछै ताकी ऊसब आदमीसिके जे जरुरी छै से दिए सक्हैं। एकरासे विश्वासीसिके सहायता हैतै कि ऊसब बेकार जीवन नैजियै आर एकटा मकसदके साथ जीवन जिये सकै।

हिब्रू 12:11

जे समय अपनासिके अनुशासन कैल जैछै, उटा समयमे अनुशासन बढियाँ नैलागैछै, बल्की उटा दुःखद लागैछै। मगर पाछु, जब अपनासब एकरासे पाठ सिखैछियै तब अपनासिके शान्ति मिलैछै कहिनेकी अपनासब सही तरिकासे जियैले शुरु करि दैछियै।

१ पत्रुस 2:12

कतनें बेर एरं आदमीसब हैछै जेसब प्रभुके नैजानैछै आर ऊसब तोरासिपर यी कहिके गलत आरोप लगाबे सकैछौ कि तोरसिके काम खराब छौ। इहे ल्याके तोरासिके आपन व्यवहारके विषयमे होशियार रहना चाही, ताकी ऊसब तोरसिके बढियाँ व्यवहार देखे सकौ। अन्तमे ऊसब स्वीकार कर्तै कि तोरसिके व्यवहार बढियाँ छै आर जे दिन परमेश्वर संसारके न्याय करैके लिए फेर यी संसारमे वापस ऐतै उटा दिन ऊसब परमेश्वरके महिमा कर्तै।

१ पत्रुस 2:9

मगर तुहेंसब ओरं नैछैं, कहिनेकी तुहेंसब परमेश्वरके चुन्ल आदमीसब छैं, तुहेंसब परमेश्वरके पुजारीसब छैं, जे राजा छै। तुहेंसब परमेश्वरके सेवा करैले समर्पित भेल आदमीसब आर परमेश्वरके निजी प्रजा छैं। ऊ तोरासिके अनहारसे आपन अदभुद उजेतमे आन्लकौ छे, ताकी तुहेंसब परमेश्वरके आश्चर्यपूर्ण कामसिके घोषणा करे सक्हैं।

१ पत्रुस 4:14

यदि ख्रीष्टके नाममे तुहेंसब निन्दित हैभैं ते तुहेंसब धन्यके छैं। कहिनेकी महिमित परमेश्वरके आत्मा तोरासिमे बास करैछौ।