फिलिप्‍पी 4:8 - पुना गच्छरना NT (BSI)

⁸ छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

फिलिप्‍पी 4:8 Cross References

मत्तायोस 22:16

आर जोक्को तम्‍है चेलारिन अरा हॆरॊदॆरिन येसुस गुसन ब'आ गे तइय्यर, “अना गुरु! ऎम अख़दम का नीन उजगो आलय अरा नीन धर्मेसी डहरेन मानी गने तेंगदय, नीन आलर एन्‍देर सोच'ओर अदही पत्त नू गुनन मल नन्‍दय, अरा नीन तीना मल ख़ाँड़दय।

मरकुस 6:20

हॆरॊदॆस इदिन नंजस एन्‍देरगेका आस यॊहनसिन इल्चियस अरा आस अक्‍खस का यॊहनस ओन्‍टा उजगो अरा नेम्‍हा आलस रहचस। बॆलस बल्‍लालियस का ऎन एन्‍देर ननोन, लिकिन आसी कत्‍थन मेना बिद्दियस।

लू‍कस 16:15

ख़ने आस आरिन बाचस, “नीम आलर ही ऎरना नू गा दौ ऎथ्रदर, लिकिन धर्मेस निम्‍है जिया ता कत्‍थन अख़दस। एकाद आलर ही ऎरना नू कोहाँ र'ई आद धर्मेसी ऎरना नू ख़ाँड़ना र'ई।

लू‍कस 2:25

आ बेड़ा येरुसलॆम नू सुमेयॊन नामे ओन्‍टा पचगी रहचस। आस उजगो अरा भगती आलस रहचस। आस इस्राऎल ही नाड़रनन ओन्‍द्र'उसी पाब ऎरालियस। अरा नेम्‍हा बॊलतस आसी म‍इय्याँ रहचस।

लू‍कस 23:50

असन यॊसॆफस नामे यहूदीर ही सभा ता आलस रहचस। आस दौ अरा उजगो आलस रहचस।

यॊहनस 7:18

नॆ तंग्‍है तरती ब'अदस आस तंगा गे मईन बेद्ददस। लिकिन नॆ तंग्‍है त‍इय्युस गे मईन बेद्ददस, आस मानिम जॊगे आलस र'अस, अरा आस नू फंगटिया कत्‍था मलकी।

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 22:12

तहाँ हनानिया नामे आलस एंगन ऎरा बरचस। आस मूसासी नॆगन भगती गने पॆस्र'ऊ आलस रहचस। आस असन र'ऊ उर्मी यहूदी आलर नू बॆस नामे आलस रहचस।

त‍इरकर 6:3

औंगे अना भ‍ईरो, निम्‍है ती सात गोटंग आलारिन चाजा, नॆ नेम्‍हा बॊलतस अरा लूर ती निन्‍द्रका ती बॆस नामे ख़क्‍खका र'अनर, आरिन ई नलख नू ओक्‍त'ओत।

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

रोमी 13:3

एका ओर्तर दौ नन्नर आर गे अक्‍स'ऊ आलर ती एल्‍चना मलकी, लिकिन मलदौ ननू आलर गे लेका आरिन एल्‍चना र'ई। नीम अक्‍स'ऊ आलर ती मल एल्‍चा बेद्ददर होले, नीम दौ नलख नना, होले आस निंगन सहरार'ओस।

रोमी 14:18

एका ओर्तस ई लेक्‍खा मसीसी तेतर-सुसर नन्‍दस, आस धर्मेसिन रिझाब'अदस अरा आलर आसिन सहरारनर।

रोमी 2:29

लिकिन एकास धर्मेसी पॆसकन पॆस्रदस आस मानिम यहूदी हिकदस। लिख्रका नॆग ती मला लिकिन नेम्‍हा बॊलतस जियन बदलदस आद दिम मानिम खतना हिके। एन्ने आलासी आलर तर‍ती मला धर्मेस तरती म‍ईन मनी।

1 कोरिन्‍थ 4:5

औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।

2 कोरिन्‍थ 13:7

अक्कु ऎम धर्मेसिन गोहरारदम का नीम एकअम मलदौ मल ननोर। इदगे मला का ऎम जंचना नू जितचका ऎथ्र'ओम, लिकिन इदगे गोहरारदम का ऎम जंचना नू हार मंजकम एन्ने ऎथ्रना ती हूँ, नीम दौ ननोर।

2 कोरिन्‍थ 6:8

मईन ख़क्‍ख्रकी अरा लज्‍जे मॊख़रकी, ओहमा ख़क्‍ख्रकी अरा हींड़रकी, बहक'ऊ एन्ने सोचना ती हूँ ऎम मानिम जॊगे जॊंख़म र'अदम।

2 कोरिन्‍थ 8:18

ऎम आसी गने ओर्त भईसिन हूँ तइय्यालदम, नॆ दौ कत्‍था तेंगा कुद्दना चड्डे उर्मी कलीसिया नू कोड़हे नामे ख़क्खका र'अस।

2 कोरिन्‍थ 8:21

एन्देरगेका धर्मेसी ऎरना नू लेका मला आलर ही ऎरना नू हूँ उजगो आबोन नना गेम कोड़हे चिहुट नन्दम।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 4:25

ई चड्डे नीम ठकनन अम्‍बा चि'आ, अरा तंग्‍है तंग्‍है अरबर-परबर गने मानी कत्‍थन कछनख्र'आ, एन्‍देरगेका नाम ओर्मत ओन्टे मॆद ही अंग गुट्ठी हिकदत।

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

इफेसुस 6:14

औंगे मानी ही कमरपटी ती कड़मन भिड़'आ ती, अरा उजगो ही झिलम आबोन अत्ता ती बड़ियर इज्जका र'आ।

फिलिप्‍पी 3:1

छेद्दे नू, अना एंग्‍है भईरो, उर्बस नू रिझ्र'आ। ऎन मुन्द बाचका कत्था गुट्ठिन अउर हूँ लिखना ती एंगा एन्‍द्रा हूँ ओत्‍था मल लग्‍गी, अरा ईद निमा दौ गेम र'ई।

कोलोस्से 4:5

नॆ पत्त'ऊ मलनर आर गने लुरगर गने ओक्‍का इज'आ, अरा उर्मी मोका आबोन दौ गने बउर'आ।

1 थेस्‍सलोनिकॆयर 4:12

तहाँ निम्‍है उज्‍जना ती सौंसार ता आलर ती मईन ख़क्‍ख्र'ओ, लिकिन निमा निम्‍है चाड़ गे आरिन असरा नन्‍ना ती उज्‍जना मल्‍ला।

1 तीमोथियुस 2:2

बॆलर अरा आकुस नू र'उर गे बिन्‍ती नना, इदगेका नाम महबा अरा म‍ईन ती ख़न्न ऎख़ना अरा सल्‍ल गने उज्‍जोत।

1 तीमोथियुस 3:11

एन्नेम आर ही मुक्‍कर हूँ म‍ईन ही जॊगे र'अना र'ई। अरा आर दुस‍'ऊ अम्‍बोर र'आ। अरा आर चिहुंक अरा उर्मी कत्‍था नू पत्त‍'ऊ मन्नर नेक‍अन।

1 तीमोथियुस 3:4

आस गे तंग्‍है एड़पा पलीन बॆस गने कड़हाब'उस र'अना र'ई। अरा आसी ख़द्द-ख़र्रा आसिन म‍ईन ननू अरा पॆस्र'ऊ र'अना र'ई।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

1 तीमोथियुस 5:2

अरा पच्‍चो मुक्‍कारिन निंग्‍है अयंग बेसे नना, अरा पेल्‍लो मुक्‍कारिन सौंसे निमन गने निंग्‍है बहिन बेसे नना।

तीतुस 1:8

आस गे पाही ईरू, दौ नलख बिद्दू, खतीर ननू, नियाँव ननू, नेम्‍हा अरा जियन जतन‍'ऊ र'अना र'ई।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

तीतुस 2:2

पचगी आलारिन सिखाब'आ का आर गे चिहुंक अरा म‍ईन जॊगे अरा नॆत नॆग ती उज्‍जू मन्ना र'ई। अरा आर गे बॆस पत्त'अना अरा चोन्‍हा ती अरा सहेलहे ती निन्‍द्रका आलर र'अना र'ई।

तीतुस 2:7

नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

इब्रानी 11:2

एन्ने लेक्‍खा पत्त'अना ती नम्‍है पूरखर बॆस गोवाह ख़क्‍खियर।

इब्रानी 13:18

एमा गे गोहरार'आ। एन्‍देरगेका एमा थितगर र'ई का एम्‍है लखना सफा र'ई, अरा ऎम नन्‍दम आ उर्मी कत्‍था नू म‍ईन जॊगे ती उज्‍जा गे बेद्ददम।

याकॊब 1:27

टुरर अरा रड़ियाहीर ही दुक्‍खे नू आरिन ऎरना ख़ॊजना, अरा तान तंगन ख़ॆख़ेल ता सोतबोड़'आ ती तरकूटी उइय्ना दिम नम्‍है धर्मे बंगासी ऎरना नू निमन अरा बिगर दगहा भगती हवे।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 4:8

उर्मी ती कोहाँ गा ओर्त ओर्त गने कोड़हे चोन्हा नना, एन्देरगेका चोन्हा कोड़हे पाप गुट्ठिन भुलाब'अती चि'ई।

2 पतरस 3:1

अना चोन्हा आलारो, ईद ऎन निमा गे लिखना दोसर चिठी हवे। ऎन इबड़ा दुयो चिठिन निम्है सुध सोच गुट्ठिन रिझ्रत'अना गे सुरत'अना लेक्खम लिखचका र'अदन।

1 यॊहन 3:18

अना ख़द्दारो, नाम चोन्हा आबोन कत्था ती महले कछनख्रना ती ईद'ऊ मला, लिकिन नलख ती अरा मानी जिया ती चोन्हा आबोन ईद'ऊ र'अना र'ई।

1 यॊहन 3:3

एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।