फिलिप्‍पी 4:20 - पुना गच्छरना NT (BSI)

²⁰ अक्कु नम्‍है धर्मे बंगस गे हुल्‍लो ती हुल्‍लो गूटी महबा मनन नेकअन। आमेन।

फिलिप्‍पी 4:20 Cross References

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

मत्तायोस 6:9

औंगे नीम एन्ने गोहरारके: ‘अना एम्‍है मेर्ख़ा नू र'ऊ बबा, निंग्‍है नामे नेम्‍हा मनन नेकअन।

रोमी 11:36

एन्‍देरगेका उर्मी दिम धर्मेस तरती दिम बरचा। अरा उर्मी आसी तिम अरा आस गेम र'ई। आस गे महबा जनमजुग मनत र'अन नेकअन। आमेन।

रोमी 16:27

ओर्त लेका लूरगर धर्मेस गे येसु मसीस ती जनमजुग गूटी ओहमा मनन नेकअन। आमेन।

इफेसुस 3:21

कलीसिया नू अरा मसी येसुस नू पिड़ही ती पिड़ही अरा हुल्‍लो ती हुल्‍लो गूटी महबा मनन नेकअन। आमेन।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

फिलिप्‍पी 4:23

उर्बस येसु मसीसी मया निम्‍है गने र'अन नेकअन।

1 तीमोथियुस 1:17

सदौ राजी ननू बॆलस, मल बुड़र‍'ऊ, मल ईथ्र‍'ऊ, ओन्‍टे लेका धर्मेसी म‍ईन अरा महबा सदौ सदौ मनन नेक‍अन। आमेन।

यहूदा 1:25

नम्है नाड़ू ओन्टे लेका धर्मेस गे, नम्है उर्बस येसु मसीस ती महबा अरा कोड़हे मईन अरा सवंग अरा अदिया हुल्लो ती मुन्द अरा अक्कु अरा हुल्लो गूटी र'अन नेकअन। आमेन।

दहदर मंजका कत्‍था 1:6

अरा आस तंग्‍है बंगस धर्मेसिन सुसर नना गे नमन ओन्टा राजी अरा नैगर कमचस। आसी महबा अरा सवंग आस गे हुल्‍लो ती हुल्‍लो गूटी मनन नेकअन! आमेन!

दहदर मंजका कत्‍था 11:13

अरा आ बारिम ओन्टा कोहाँ ख़ॆख़ेल नुकुरना मंजा, अरा नगरे ही दस ती ओन भाग बिड़्रिया केरा। अरा आ ख़ॆख़ेल नुकुरना ती सात हजार आलर केच्‍चर केरर। अरा बछ्रका आलर इल्‍चियर केरर, अरा मेर्खा ता धर्मेसी महबा नंजर।

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 5:12

अरा आर जॊर सड़ा ती चिच्चि‍यार'अरकी ब'आ लगियर, “नॆ पिटतारका भेंडो ख़द्द मसीस र'अस, आस सवंग अरा खुर्जी अरा लूर अरा पया अरा मईन अरा महबा अरा ओहमा ख़क्खा गे जॊगे र'अस।”

दहदर मंजका कत्‍था 7:12

अरा अबड़र बाचर, “आमेन! नम्‍है धर्मेस गे ओहमा, अरा महबा, अरा लूर, अरा धन्यवाद, अरा मईन, अरा सवंग, अरा पया हुल्‍लो ती हुल्‍लो गूटी मनन नेकअन, आमेन।”