Biblia Todo Logo
Online Bible

- Advertisements -




फिलिप्‍पी 3:5 - पुना गच्छरना NT (BSI)

5 एंग्हा कुन्द्रका ती आठ उल्ला नू एंग्है खतना मंजा, अरा ऎन इस्राऎल आलर ता हिकदन, अरा ऎन बेनियमिन गोतोर ता हिकदन, अरा एंग्है अयंग बंगर निमन इब्रानी आलर हिकनर ती ऎन हूँ निमन इब्रानी आलन हिकदन, अरा मूसासी नॆग उर्मिन पॆस्रना ही पत्त नू गा ऎन फरिसी हिकदन।

See the chapter Copy




फिलिप्‍पी 3:5
16 Cross References  

आर ही अरबर-परबर अरा पाहियर ख़द्दासी आठ उल्‍ला नू खतना नॆत गे बरचर। आर ख़द्दस गे तम्‍बासी नामे ती जकरिया पिंजा गे सोच्‍चर।


ख़द्दासी आठ उल्‍ला पूरचा ख़ने नैगर ती आसी खतना नन्‍ताचर अरा आसी नामे येसु पिंजियर। ई नामे दिम आस मरियम ही ऒदर नू मन्ना ही मुन्‍द मेर्ख़ा पैकस तिंकाचस।


औंगे पुना अंगुर रासी आबोन चपटा ही पुना कुड़वा नू निन्‍दना उइय्‍ना मनो।


“ऎन गा यहूदी आलन हिकदन। ऎन किलिकिया देस ता तरसोस नगरे नू कुन्‍द्रकन। अरा ई येरुसलॆम नगरे नू पर्दकन ती गमालिऎलसी ख़ेड्डमूली उक्‍कन ती नम्‍है पूरखर ही नॆग अरा चाल गुट्ठिन ठौका ठौका सिख्रकन। अरा धर्मेस गे एन्ने मूलख़का रहचकन, एकासे इन्ना नीम ओर्मर र'अदर।


फिन पौलुस अबड़र नू ओन्‍टा खोंड़हा सदुकीर ही अरा नन्ना खोंड़हा फरिसीर ही एन्ने अक्‍खस ती कोहाँ सभा नू चिच्चि‍यारस ती बाचस, “अना भ‍ईरो, ऎन फरिसी आलन अरा फरिसीर ही ख़द्द हिकदन, केचका आलर ही उज्‍जा चो'ओर एन्ने एंग्‍है असरा ही पत्त नू एंग्‍है नेंव‍ई मना लगी।”


अबड़ा उल्‍ला नू पत्त'ऊ आलर बग्‍गे मन्नुम कालालियर ख़ने, युनानी भखा कछनख्र'ऊ यहूदी पत्त'ऊ आलर इब्रानी भखा कछनख्र'ऊ यहूदी पत्त'ऊ आलारिन कुटमुटर'आ हेलरर, एन्‍देरगेका एम्‍है रड़ियाहीर गे उर्मी उल्‍ला ता मंडी बटा बॆस लगे मल ख़क्‍ख्र'ई।


तहाँ ऎन मेन्‍दन का धर्मेस तंग्‍है आलारिन अम्‍बियस चिच्चस का? कहियों मला! ऎन हूँ गा इस्राऎल आलन हिकदन, अब्राहमसी बनस तन अरा बेनियमिनसी गोतर तन।


आर लेका इब्रानी आलर का? ऎन हूँ इब्रानी आलन हिकदन। आर लेका इस्राऎल आलर का? ऎन हूँ इस्राऎल आलन हिकदन। आर लेका अब्राहमसी बनस ता आलर हिकनर का? ऎन हूँ अब्राहमसी बनस ता हिकदन।


Follow us:

Advertisements


Advertisements