फिलिप्‍पी 2:29 - पुना गच्छरना NT (BSI)

²⁹ औंगे उर्बस नू कोड़हे रि‍झ ती आसिन परिघ'आ, अरा ईसी लेक्खा आलारिन मईन नना।

फिलिप्‍पी 2:29 Cross References

लू‍कस 9:5

अरा आलर निमन मल परघ'अनर होले नीम आ नगरे ती उरखो बारिम निम्‍है ख़ेड्डे ता रीड़ोन ख़ेत्तके चि'अके। ईद आर गे निम्‍है चेताब'अना मनो।”

यॊहनस 13:20

ऎन निमन मानिम ब'अदन, ऎन तइय्‍का नॆक'अनिम नॆ इंझ्रदस, आस एंगन हूँ इंझ्रदस। अरा नॆ एंगन इंझ्रदस, आस एंगन नॆ तइय्कादस आसिन हूँ इंझ्रदस।”

त‍इरकर 2:46

आर उर्मी उल्‍ला ओन जिया मनरकी धर्मेसी मन्दिर ही चाली नू ख़ॊंड़र'आलियर। अरा तम्‍‍है एड़पा एड़पा गुट्ठी नू उर्बासी दाँड़े आबोन सुरता नन्ना ती रिझ अरा उजगो जिया ती मंडी ओनालियर।

त‍इरकर 28:10

अबड़र एमन नगदे म‍ईन नंजर। अरा ऎम काला उरखकम ख़ने, एम्‍है डहरे ऎकना ही उर्मी चाड़ ही आलॊन एमा गे चिच्‍चर।

त‍इरकर 8:8

औंगे आ नगरे ता आलर रिझ्र'आ लगियर।

रोमी 10:15

अरा आस मल त‍इर'ओस होले आस एकासे तेंगा कुद्दू मनोस? नेम्‍हा पुथी नू लिख्रकी र'ई, “दौ कत्‍था तिंगू आलर ही ख़ेड्डे ऎ कोड़हे सुभ'ई।”

रोमी 16:2

नीन अदिन उर्बस नू इंझ्र'आ एकासे नेम्‍हा आलर गे म‍ईन नन्ना मनी। अरा एकअम कत्‍था नू अदगे निम्‍है चाड़ मनो, अदही सहाड़ा नना। एन्‍देरगेका आद कुदहा आलर ही अन्नेम एंग्‍है हूँ सहाड़ा नंजकी र'ई।

1 कोरिन्‍थ 16:10

तीमोथियुस निम्‍है गुसन बर'ओस होले, आस निम्‍है मझी नू र'ओ बारी बिगर एल्‍चका ती र'आ गे तिहा ननके। एन्‍देरगेका आस एंग्‍है लेक्‍खम उर्बासी नलख नन्‍दस।

1 कोरिन्‍थ 16:18

अरा आर निम्‍है बॊलतन एकासे रिझाबाचर अन्नेम एंग्‍है बॊलतन रिझाबाचर। ई बेसे आलारिन मान चि'आ।

2 कोरिन्‍थ 10:18

एन्देरगेका नॆ तान तंगन ओहमा नन्दस आस मला, उर्बस ती ओहमा ख़क्खोस आस दिम इंझ्रतारदस।

2 कोरिन्‍थ 7:2

ऎम मुन्द तिंका लेक्खा नीम निम्है जिया नू एमा गे अड्डा चि'आ। ऎम नॆख'अन हूँ मलदौ मल नंजकम। ऎम नॆख'अन हूँ मल बगड़ाचकम। ऎम नॆख'अन हूँ मल ठकचकम।

फिलिप्‍पी 2:28

कोड़हे गा ऎन आसिन इदगे तइय्या गे पत्तारदन का, नीम आसिन ऎरोर ती रिझ्रर'ओर अरा एंग्है घोख हूँ जुक्‍की मनो।

कोलोस्से 4:10

अरिस्‍तरख़ोस नॆ एंग्‍है गने जेहेल नू हॆंरकादस, आस निमा गे मोंजरा नन्दस। अरा मरकुस नॆ बरनबासी अंड़सका भई मन्दस, आस निमा गे मोंजरा नन्दस। मरकुसी पत्त नू नीम मुन्द दिम पॆसका ख़क्‍खका रहचकर, आस निम्है गुसन बर'ओस होले, नीम आसिन परघ'अके।

1 थेस्‍सलोनिकॆयर 5:12

अना भईरो, अक्‍कुन ऎम निमन गोहरारदम, निम्‍है नू खिलपत चॊदनर ती नलख नन्‍नर अरा निमन उर्बस नू कड़हाब'अनर ती सिखाब'अनर, आरिन नीम मईन नन्‍नुम कला।

1 तीमोथियुस 5:17

कलीसियन दौ गने ऎरनर ख़ॊजनर आ सेयान आलर गे दुई गुना म‍ईन नन्ना र'ई। कोड़हे गा कत्थन मेन्‍त'ऊ अरा सिखाब'ऊ सेयान आलारिन अन्ने नन्‍ना र'ई।

इब्रानी 13:17

निम्‍है कड़हाब'उरिन पॆस्र'आ अरा आर ही अदिया ही तबे नू र'आ। आर निम्‍है बॊलता ही लेखा धर्मेस गे चि'अना र'ई, अदगे आर निम्‍है म‍इय्याँ आकुस नन्नर। नीम आर गे पॆस्र'ओर होले, आद आर गे रिझ चि'ओ, ओत्‍था मल मनो। आद आर गे ओत्‍था मनो होले निमा गे एन्‍द्रा हूँ फयदा मल मनो।

3 यॊहन 1:10

औंगे ऎन असन बर'ओन होले, आस एन्देर नंजस अदही पत्त नू ऎन ओर्मर गे तेंगोन। आस मलदौ सोच ती एम्है पत्त नू मलदौ ब'अदस। इत्रु हूँ आसी जिया मल बोधर'ई। अइय्या बरना भईरिन हूँ मल परघ'अदस, अरा आरिन परघ'आ बेद्दुरिन हूँ छेंकदस, अरा एन्ने ननुरिन कलीसिया ती हूँ हिगड़'अदस।