फिलिप्‍पी 2:21 - पुना गच्छरना NT (BSI)

²¹ अउर नन्ना ओर्मर तम्है तम्है पत्त ता कत्था गुट्ठी गे लेका घोख नन्नर, येसु मसीसी कत्था गुट्ठी गे घोख मल नन्नर।

फिलिप्‍पी 2:21 Cross References

मत्तायोस 16:24

फिन येसुस तंग्‍है चेलारिन बाचस, “नीक‍ईम एंग्‍है चेला मना बेद्ददर होले, आर गे ताम तम्‍है नना बेद्दना लेका अम्‍बोर नना, ऊजी नू तम्‍है क्रुस आबोन चेड़'अरकी एंग्‍है गने चॊंख़्रना र'ई।

लू‍कस 14:26

“एकअम ओर्तस एंग्‍है गुसन बरदस, आस तंग्योन अरा तम्‍बासिन, मुक्‍कन अरा ख़द्द-ख़र्रा, भईरिन अरा बहिनरिन तंग्‍है जियन हूँ एंग्‍है ती कोड़हे चोन्‍हा नन्‍दस होले, आस एंग्‍है चेला मना पोलदस।

त‍इरकर 13:13

अक्‍कु पौलुस अरा आसी संगेर कोहाँ डोंगा ती पाफोस ती पम्‍फुलिया ता पेरगॆ नगरे बरचर। असन यॊहन मरकुस आरिन अम्‍बियस ती येरुसलॆम किर्रियस।

त‍इरकर 15:38

लिकिन पौलुसी सोच एन्ने रहचा का एकास पम्‍फुलिया नू आरिन अम्‍बियस चिच्‍चस अरा आर ही नलख नू संगे मल चिच्‍चस, आसिन हो'अना दौ मलकी।

1 कोरिन्‍थ 10:24

ओर्तोस तंग्‍है दौ आबोन लेका अमा ऎरा, नन्‍नर ही दौ आबोन हूँ ऎरा।

1 कोरिन्‍थ 10:33

अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।

1 कोरिन्‍थ 13:5

चोन्‍हा मल सोभना कत्‍था मल ननी, अरा आद तंगा दौ गे मल बिद्दी, अरा आद मल बरमार'ई, अरा आद नन्नर तंगा गे नंजका मलदौ ही लेखा मल उइय्यी।

2 कोरिन्‍थ 1:5

एन्‍देरगेका एकासे ऎम मसीस गे बग्‍गे सस्‍ती गुट्ठिन सारदम, अन्नेम धर्मेस मसीस तरती आसी जिया सालनन बग्‍गेम एमा गे ऎद्ददस।

फिलिप्‍पी 2:4

नीम ओर्मर तम्है तम्है दौ गे लेका मला, लिकिन नन्नर ही दौ गे हूँ घोख नन्ना र'ई।

2 तीमोथियुस 1:15

नीन अख़दय का आसिया राजी ता पत्त'ऊ आलर ओर्मर एंगन ती किर्रका केरका र'अनर। कोड़हे गा फुगेलोस अरा हेरमोगेनेस हों आर नू र'अनर।

2 तीमोथियुस 3:2

एन्‍देरगेका आलर तमानिम चोन्‍हा ननू, ढिबा ही चिबाख़ार‍'ऊ, बग्‍गे तरगर‍'ऊ, इतरार'ऊ, हींड़‍'ऊ, अयंग बंगर ही पॆसकन मल पत्त‍'ऊ, संगरा ननुर गे धन्‍यवाद मल ब'ऊ, सोतबोड़'आ ननू मनोर।

2 तीमोथियुस 4:10

एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।

2 तीमोथियुस 4:16

एंगन बदी टिड्‍डर ती पहिल खेप कछारी नू नेंवई ननुसी मुन्‍दहारे इजताचका बेड़ा नू नॆ हों एंग्‍है संगे मल चिच्‍चर। ओर्मर एंगन अम्‍बका चिच्काचर। आर गे छमा ख़क्ख्र'ई नेक‍अन।