फिलिप्‍पी 2:20 - पुना गच्छरना NT (BSI)

²⁰ एन्‍देरगेका आसी लेक्‍खा नॆ हूँ एंग्‍है गुसन मलकस का नॆ मानिम जिया ती निम्‍है दौ ही पत्त नू घोख ननोस।

फिलिप्‍पी 2:20 Cross References

यॊहनस 10:13

आस बनियहार आलस र'अना ती अरा भेंडो ही पत्त नू फिकिर मल र'अना ती बोंगदस कादस।

यॊहनस 12:6

आस गे कीड़र ही तिहा रहचा अदगे मल बाचस, लिकिन आस ख़लबस रहचस, अरा आसी गुसन आर ही थोलको र'आ लगिया। अरा अइय्या ती एन्‍द्रा उइय्या लगियर अदिन कभो कभो तंगा गे ओथ्र'आ हो'आ लगियस।

रोमी 15:5

कयास दरा रिझ्रनन चि'ऊ धर्मेस, मसी येसुस एकन्ने बेद्ददस अन्ने निमा अपन ती नन्नर नू मेसर'आ ती उज्‍जा गे सहाड़ा नन्‍दस नेकअन।

1 कोरिन्‍थ 16:10

तीमोथियुस निम्‍है गुसन बर'ओस होले, आस निम्‍है मझी नू र'ओ बारी बिगर एल्‍चका ती र'आ गे तिहा ननके। एन्‍देरगेका आस एंग्‍है लेक्‍खम उर्बासी नलख नन्‍दस।

फिलिप्‍पी 2:2

नीम ओन्टा सोच अरा ओन्टे लेक्खा चोन्हा र'अरकी मेस्रका जिया ती ओन्टम सोचना ती एंग्है रिझ आबोन पूरा ब'आ।

फिलिप्‍पी 2:22

लिकिन तीमोथियुस गा ओन्टा ख़द्दस तम्बस गने नलख नू र'अना बेसे, आस एंग्है गने दौ कत्था तेंगना ही नलख नू सुसराचकादस। इत्रु ती आस तंगन पुरुब नंजकादस, अदन नीम अक्कर।

कोलोस्से 4:11

अरा यूसतोस बारना येसुस हूँ निमा गे मोंजरा नन्दस। धर्मेसी राजी ही नलख नू एंग्‍है गने सुसर ननुर मझी नू ईर लेका यहूदीर हिकनर। ईर एंगा गे जिया सालना चि'अनर।

1 तीमोथियुस 1:2

पत्त'अना नू एंग्‍है मानिम ख़द्दस तीमोथियुस गे इदिन लिखदन। धर्मे बंगस, अरा नम्‍है उर्बा मसी येसुस तरती निंगा मया अरा सोग्‍गे अरा कोड़े ख़क्‍खर‍'अन नेक‍अन।

1 तीमोथियुस 4:6

नीन भइय्योरिन इबड़ा कत्‍थन सिखाब'ओय होले, नीन पॆस्रका पत्त'अना ही मानिम नू अरा दौ सिखाब'अना नू बड़ियर मंजका मसी येसुसी बॆस जॊंख़य मनोय।

2 तीमोथियुस 1:5

अरा ऎन निंग्‍है मानिम पत्त'अनन सोचदन, एकदा मुन्‍द निंग अज्‍जी लॊइस, अरा निंग्यो युनीके नू रहचा। आ पत्त'अना निंग्‍है नू हों र'ई।

2 तीमोथियुस 3:10

लिकिन ऎन आलारिन एन्‍देर सिखाब'अदन, अरा एकासे ऎन उज्‍जदन, अरा एंग्‍है उज्‍जना नू एंग्‍है चिताबुतन, अरा धर्मेस नू एंग्‍है पत्त'अनन, अरा आलर नू एंग्‍है कयास अरा चोन्‍हा नन्नन अरा दुक्‍खे सारनन नीन बॆस अख़दय।