फिलिप्‍पी 2:19 - पुना गच्छरना NT (BSI)

¹⁹ चाँड़हेम ऎन निम्‍है गुसन तीमोथियुसिन तइय्योन एन्ने उर्बा येसुस नू असरा नन्दन। होले ऎन आस ती निम्‍है हलन मेनोन ती रिझ्र'ओन।

फिलिप्‍पी 2:19 Cross References

मत्तायोस 12:21

अरा उर्मी जातियर आसी नामे नू असरा उइय्‍योर।”

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

रोमी 15:12

अरा फिन धर्मेसी कत्‍था तिंगू यसायास ब'अदस, “येसैसी बनस ती ओन्‍टा पुना बॆलस बर'ओस। आस नन-यहूदीर नू राजी ननोस, अरा नन-यहूदीर आसी चड्डे असरा ननोर।”

रोमी 16:21

एंग्‍है गने तेतर-सुसर ननू तीमोथियुस अरा एंग्‍है जातियर लूकियोस अरा यासॊन अरा सॊसीपत्रोस निमन मोंजरा नन्नर। (

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

इफेसुस 1:13

अन्नेम नीम हूँ गा मानिम कत्‍थन एन्ने हवे का निमा गे नाड़रनन चि'ऊ दौ कत्‍थन मेंजकर ख़ने, मसीस नू मंजकर केरकर। अरा नीम मसीसिन पत्ताचकर ख़ने, धर्मेस चि'आ गे गच्छरका नेम्‍हा बॊलतस ती आस निम्‍है मइय्याँ मरका नंजस।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

फिलिप्‍पी 2:18

अन्नेम नीम हूँ एंग्‍है संगे रिझ्रना अरा रिरयारना र'ई।

फिलिप्‍पी 2:28

कोड़हे गा ऎन आसिन इदगे तइय्या गे पत्तारदन का, नीम आसिन ऎरोर ती रिझ्रर'ओर अरा एंग्है घोख हूँ जुक्‍की मनो।

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।

1 थेस्‍सलोनिकॆयर 3:5

औंगे एंग्‍है नू कयास मल मंजा ख़ने, निम्‍है पत्त'अना ही पत्त नू अख़'आ गे तीमोथियुसिन तइय्कन। इदगेका बिढ़'उस इन्द्रिइम कत्‍था नू बिढ़'ओस अइय्या खत्र'ओर होले, एम्‍है अर्ज'अना अनभनियाँ मनो ई चड्डे ऎन इल्‍चिकन।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

याकॊब 4:15

निमा एन्ने ब'अना र'ई का, “उर्बासी मने र'ई होले, ऎम उज्‍जोम अरा इदन महले अदन ननोम।”

1 पतरस 1:21

आस ती दिम नीम अक्‍कु धर्मेसिन पत्त'अदर। धर्मेस दिम आसिन केचका ती उज्जताचस ती आस गे महबा चिच्चस। औंगे निम्‍है पत्त'अना अरा असरा धर्मेस मइय्याँ र'ई।