फिलिप्‍पी 2:15 - पुना गच्छरना NT (BSI)

¹⁵ होले नीम ई कुचुरहा अरा करतअंग आलर ही मझी नू गुन्‍हा मलका बिगर बदी ही अरा निमन ही धर्मेसी ख़द्द-ख़र्रा मना ओंगोर। अरा आर ही मझी नू नीम मेर्ख़ा ता बीन्को गुट्ठी लेक्खा बिल्‍चना र'ई।

फिलिप्‍पी 2:15 Cross References

मत्तायोस 10:16

ऎरा! कला, ऎन निमन भेंडो लेक्‍खा भुसुड़ गुट्ठी ही मझी नू त‍इय्‍दन। औंगे नेर्रे गुट्ठी लेक्‍खा लूरगर अरा पेरवाँ गुट्ठी लेक्‍खा लुद‍ऊ मना।

मत्तायोस 17:17

येसुस आरिन आनाकिर्ताचस, “अना मल पत्त'ऊ अरा जिधा आलरो, ऎन एका गूटी निम्‍है गने र'ओन, एका गूटी निम्‍हैन सह'ओन, आसिन एंग्‍है गुसन ओन्‍द्र'आ”

मत्तायोस 5:45

एन्ने नन्ना ती नीम निम्‍है मेर्ख़ा बंगासी ख़द्दर मनोर। एन्‍देरगेका आस दौ अरा मलदौ इरबर मइय्याँ हूँ बीड़ी अरग'अदस अरा उजगो आलर अरा पपहर इरबर गे हूँ चॆंप पुंइत'अदस।

मत्तायोस 5:48

औंगेम नीम बड़ियर मना, एकासे निम्‍है मेर्ख़ा ता बंगस उर्मी गुन्न नू बड़ियर र'अस।’

लू‍कस 1:6

आर इरबर धर्मेसी ऎरना नू उजगो रहचर, अरा उर्बासी उर्मी पॆस‍का अरा नॆग गुट्ठी नू बने ईकुर रहचर।

लू‍कस 6:35

औंगे अपन बैरीरिन चोन्‍हा नना अरा आर गे दौ नना। अरा ख़क्‍खना ही असरा मल ननरकी नहड़ा चि'आ। होले निमा गे बग्‍गे इनाम ख़क्‍ख्र'ओ, अरा नीम उर्मी ती मेच्‍छा नू र'ऊ धर्मेसी ख़द्दर लेक्‍खा मनोर। सुरता ननके का धर्मेस गा धन्‍यबाद मल नन्नुर अरा मलदौ आलर मइय्याँ हूँ सोग्‍गे ऎरदस।

त‍इरकर 2:40

तहाँ पतरस अउरिम कोड़हे कत्‍थन मेन्‍ताचस अरा चेता बाचस, “नीम निमन ई कुचुरहा परिया ती बछाब'आ।”

त‍इरकर 20:30

निम्‍है मझी तिम एन्ने आलर चो'ओर ती पत्त'ऊ आलारिन तम्‍है तरा नतगा गे टेंको बोंको कत्‍थन सिखाब'ओर।

रोमी 16:19

निम्‍है मनना ही पत्त ओर्मा आलर नू बीड़रकी किरकी र'ई, औंगे ऎम निम्‍है पत्त नू रिझ्रदन। लिकिन ऎन बेद्ददन का नीम दौ गे लूरगर अरा मलदौ गे भ‍कुवा मना।

1 कोरिन्‍थ 1:8

धर्मेस निमन मुंजा गूटी पत्त'अना नू बड़ियर उइय्योस। औंगे नीम नम्‍है उर्बस येसु मसीसी किर्रना उल्‍ला नू बिगर बदी ही र'ओर।

2 कोरिन्‍थ 6:17

औंगे उर्बस एन्ने ब'अदस, “मलदौ आलर ही मझी ती उरखा ती तरकूटी र'आ, अरा सोतबोड़'आ आलॊन अमा एवंसड़'आ, ख़ने ऎन निमन इंझ्र'ओन।

इफेसुस 5:27

अरा कलीसियन एकअम कस्सा महले दगहा महले ई लेक्खा अउर इन्द्रिइम जिनिस मल र'अरकी अदिन नेम्हा अरा बिगर बदी ती महबा गने तंग्है मुन्दहारे इजत'ओस।

फिलिप्‍पी 1:10

होले कोड़हे बॆस एन्देर एन्ने नीम अख़'आ ओंगोर। अरा मसीसी अउरिम बरना उल्ला गूटी नेम्‍हा अरा बिगर बदी ती उज्जा ओंगोर।

फिलिप्‍पी 3:6

अरा धर्मेस मइय्याँ ता एंग्है सकत ओत्था ती ऎन कलीसिया गुट्ठिन सताबाचका आलन रहचकन। अरा यहूदी नॆगन पॆस्रना ही पत्त नू ऎन उर्मी नॆगन पॆस्रका ती बिगर बदी ही रहचकन।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

1 तीमोथियुस 3:10

आरिन ईरू-ख़ूजू उइय्ना ती मुन्‍द बिढ़ना मनो। आर ओक्‍कना इजना नू बिगर बदी ही मनोर होले, आर ईरू-ख़ूजू मन्‍नर नेक‍अन।

1 तीमोथियुस 3:2

औंगे कलीसिया ही ईरु-ख़ूजू मुद्धासी उज्‍जना बिज्‍जना उजगो मन्‍ना र'ई। अरा आस ओन्‍टे लेका मुक्‍का उइय्युस अरा चिहुंक, अरा म‍ईन जॊगे आल, अरा पाही ईरू अरा सिखाब‍'आ ऊंगू र'अना र'ई।

1 तीमोथियुस 5:14

औंगे ऎन बेद्ददन का इबड़ा पेल्‍लो रड़ियाहिर बेंज्र'ओर अरा ख़द्द पाकोर, अरा तम्‍है एड़पा-पलीन सम्‍हड़'ओर। होले बैरिर नम्‍है बिड़दो नू एन्‍देर हूँ ब'आ पोल्‍लोर।

1 तीमोथियुस 5:20

लिकिन एकअम सेयान आलर पाप ननतेम र'ओर होले, ओर्मर ही मुन्‍दहारे आरिन बुझाब'अके। होले इत्रु नन्नर हूँ एल्‍चोर।

1 तीमोथियुस 5:7

कलीसिया गे इबड़ा कत्‍था गुट्ठिन हों पॆस'आ का आर बदी मल खत्र'ओर।

तीतुस 1:6

सेयान आलस गे ओक्‍कना इजना नू बिगर बदी ही अरा ओन्‍टा लेका मुक्‍का ही मॆत र'अना र'ई। आसी ख़द्द-ख़र्रा पत्त'ऊ र'अना र'ई, अरा आर भड़ुवा नलख ननू अरा मल गदन‍'ऊ मल र'अना र'ई।

तीतुस 2:10

आर अम्‍बोर ख़ड़'आ नुड़'आ, लिकिन उर्मी कत्‍था नू असरा जॊगे अरा दौ ऎथ्रत'अना मनोर। होले आर नम्‍है बछाब'ऊ धर्मेसी पत्त ता सिखाब'अना बॆस कोड़े र'ई इदिन ऎद'ओर।

तीतुस 2:15

नीन इबड़ा कत्‍था गुट्ठिन पत्त'ऊ आलर गे सिखाब'अत र'आ। अरा इबड़न नना गे रिझाब'आ। अरा उर्मी आकुस गने तेंगा का आर ही उज्‍जना नू एन्‍देर मलदौ र'ई। निंग्‍है एन्‍ने ब'अना ती नॆ हूँ निंगन अम्‍बोर ख़ाँड़'आ नेक‍अन।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

2 पतरस 3:14

औंगे अना चोन्हा आलारो, नीम इबड़ा कत्था गुट्ठी मन्ना ही पाब ऎरना ही चड्डे, नीम बिगर बदी अरा बिगर दगहा ही उज्जनन उज्जना ती धर्मेस गने कोड़े गने र'आ गे उर्मी तिहन नना।

दहदर मंजका कत्‍था 2:5

औंगे नीन सुरता नना का नीन एका मेच्छा ती खत्रकय। अरा जियन किर्त'आ अरा मुन्द ता लेक्‍खा नलख नना। लिकिन नीन जियन मल किर्त'ओय होले, ऎन निंग्‍है गुसन बर'ओन ती निंग्है बिल्ली पटनी आबोन अदही अड्डा ती गुछाब'ओन चि'ओन।

दहदर मंजका कत्‍था 3:9

ऎरा, यहूदी मलनर ती तमन यहूदी एन्ने ठक'ऊ सैतान ही गोड़हा एड़पा ता जोक्क आलारिन निंगा गे ऎन चि'ओन। अरा आर बर'ओर ती निंग्है मुन्दहारे ख़ेडमूली खत्र'आ गे नन्त'ओन। अरा आर अख़'ओर चि'ओर का ऎन निंगन चोन्‍हा नंजकादन।