फिलिप्‍पी 1:8 - पुना गच्छरना NT (BSI)

⁸ मसी येसुसी लेक्‍खा ऎन चोन्‍हा नन्‍दन ती नीम ओर्मारिन ऎरा गे कोड़हे चिबाख़ारदन, अदगे धर्मेस गोवाह र'अदस।

फिलिप्‍पी 1:8 Cross References

लू‍कस 1:78

नम्‍है धर्मेसी कोहाँ चोन्‍हा ती नमा गे मेर्ख़ा ती नाड़ुस बर'ओस।

रोमी 1:9

एका धर्मेसी ऎन आसी ख़द्दासी पत्त ता दौ कत्‍था तेंगना ती सौंसे जिया ती तेतर-सुसर नन्‍दन, आस अख़दस का ऎन सगरो एंग्‍है बिन्‍ती नू निमन सुरत'अदन।

रोमी 9:1

ऎन मसी नू मानिम ब'आलदन, ऎन ठकना कत्‍था मल ब'अदन, एंग्‍है लखना हूँ नेम्‍हा बॊलतस नू एंगा इदिन बड़ियर ननी,

2 कोरिन्‍थ 13:9

ऎम पयहा र'अना ती हूँ नीम सवंगिय र'अदर, इदगे ऎम रिझ्रदम। अरा ऎम गोहरारदम हूँ का नीम बड़ियर मनोर क'ओर।

2 कोरिन्‍थ 6:12

ऎम निम्‍है मइय्‍याँ गोट्टा जिया ती चोन्हा नन्दम, लिकिन नीम गा एम्है मइय्याँ गोट्टा जिया ती चोन्हा मल नन्दर।

2 कोरिन्‍थ 7:15

अरा नीम ओर्मर आसी कत्‍थन एकासे पॆस्रकर अरा इल्‍चुनुम अरा असरनुम आसिन परघाचकर, इदन आस सुरता नन्दस ख़ने, निम्‍है नू आसी चोन्‍हा कोड़हे मनी क'ई।

गलातिया 1:20

धर्मेस अख़दस ऎन निमा लिखचका र'अदन आद जम्मा मानिम रई।

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

गलातिया 4:19

अना एंग्‍है ख़द्दारो! एका गूटी नीम मसीस लेक्‍खा मल मनोर आ गूटी ऎन फेन ख़द्द नेब्‍बना बेसे नुंजना सहदन।

फिलिप्‍पी 2:1

औंगे नीम मसीसी र'अना ती जिया सालना, अरा चोन्‍हा ती डिढ, अरा नेम्हा बॊलतासी गने मेस्रका अरा दया अरा सोग्‍गे ऎरना र'अना ती,

फिलिप्‍पी 2:26

आस नीम ओर्मारिन ऎरा गे कोड़हे पत्तारदस। अरा आस बेमार खत्रकाचस एन्ने नीम अक्का ती आस अउरिम दुक्खे सारचस।

फिलिप्‍पी 4:1

औंगे अना एंग्‍है चोन्हा भईरो, एंग्है संगेरो, नीम उर्बस नू बन्चका र'आ। ऎन निमन चोन्हा नन्दन अरा ऎरा गे पत्तारदन। नीमिम एंग्है रिझ अरा एंग्है नलख गे ख़क्ख्रका इनाम हिकदर।

कोलोस्से 2:1

निमा गे अरा लवोदिकेया नगरे ता कलीसिया गे अरा एंगन मल ईरका अउर नन्ना ओर्मा पत्त'ऊ आलर गे ऎन एका कोड़हे चिहुट नन्दन एन्ने नीम अख़'आ गे ऎन बेद्ददन।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

1 थेस्‍सलोनिकॆयर 2:5

एन्‍देरगेका नीम अख़दर ऎम नॆक‍न हूँ मल फसकटचकम महले नॆकन हूँ चिबाख़ार'आ गे लहर'आ लिक्‍कम। धर्मेस गोवाह र'अदस।

1 थेस्‍सलोनिकॆयर 2:8

औंगे ऎम एन्ने निम्‍है म‍इय्याँ चोन्‍हा नन्नुम धर्मेसी दौ कत्‍था नू लेका मला, लिकिन अपन अपन उज्‍जनन हूँ चि'आ गे सपड़ारका रहचकम, एन्‍देरगेका नीम एम्‍है ती चोन्‍हा मंज ख़च्‍चिका रहचकर।

2 तीमोथियुस 1:4

अरा ऎन निंग्‍है गने भेंट मनरकी खुसमार'आ गे बेद्ददन। अरा इकला नाम छिन्‍डरकत ख़ने ता निंग्‍है ख़नजलख़ोन सोचदन।

फिलॆमॊन 1:12

एंग्है कोड़हे चोन्हा ही ओनॆसिमोसिन ऎन निंग्है गुसन किर्त'अर तइय्दन।

फिलॆमॊन 1:20

औंगे अना भई, नीन एंगा गे ई संगरा आबोन नाम उर्बा मसीस नू भईर र'अना चड्डे नना। नीन मसीस नू एंग्‍है जियन हरियर नना चि'आ।

1 यॊहन 3:17

एकअम आलस ई ख़ॆख़ेल ता धन खुर्जी र'ऊ र'अना ती तंग्है संगे मसी भईस चाड़ नू र'अनन ईरका ती हूँ, आस आसी मइय्याँ सोग्गे मल ऎरदस होले, ईद इदन सेब्बा ईद'ई का आस नू धर्मेसी चोन्हा मलकी।