फिलिप्‍पी 1:20 - पुना गच्छरना NT (BSI)

²⁰ एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

फिलिप्‍पी 1:20 Cross References

यॊहनस 21:19

पतरस एका लेक्‍खा खे'अनन ख़क्‍खोस ती धर्मेसिन महबा ननोस, एन्ने ऎद'आ गे दिम इदन येसुस तिंगियस। फेन येसुस आसिन बाचस, “नीन एंग्‍हा ख़ॊख़ा गुड़ियार'आ।”

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

त‍इरकर 21:13

लिकिन पौलुस बाचस, “नीम एन्‍देर नन्‍दर, चींख़ा चींख़ा एंग्‍है जियन ख़ोदख़दर? ऎन गा येरुसलॆम नू हॆंर'आ गे लेका मला, लिकिन उर्बा येसुसी चड्डे खे'आ गे हूँ सपड़ारका र'अदन।”

त‍इरकर 4:31

इकला आर गोहरारका रहचर अन्नेम आर ख़ॊंड़रका रहचर आ अड्डा नुक्रा केरा, अरा अबड़र जम्मर नेम्‍हा बॊलतस ती निन्‍दियर ती धर्मेसी कत्‍थन डिढ गने तेंगा हेलरर।

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

रोमी 6:13

नीम निम्‍है मॆद ही अंग गुट्ठिन मलदौ ही कमहड़ मना गे पाप गे अमा थोप'आ। ऊजी नू निमन धर्मेस गे थोप'आ। एन्‍देरगेका नीम केच्चकर केरकर, लिकिन अक्‍कु निमा पुना उज्‍जना र'ई। औंगे निमा मॆद ही अंग गुट्ठिन दौ नन्ना कमहड़ बेसे धर्मेस गे बउर'आ।

रोमी 6:19

ऎन निम्‍है मॆद सुबहा पयहा चड्डे निमन सेब्‍बा ती बुझ्र'आ गे ई कत्‍थन ब'अदन। नीम मुन्‍द निम्‍है मॆद ही अंग गुट्ठिन पाप अरा मलदौ गे जॊंख़ मना चिच्‍चकर, अरा नीम मलदौ गे लेका उज्‍जकर। अन्नेम नीम निमन उजगो उज्‍जना ही जॊंख़ मना गे चि'अना मनो। एकत्रु नीम नेम्‍हा मनोर क'ओर।

रोमी 8:19

एन्‍देरगेका गोट्टा ख़ॆख़ेल ता गढ़र्रका आलॊ कोहाँ असरा ती धर्मेस नॆ नॆ तंग्‍है ख़द्दस एन्ने दहदर ननोस अदिन ऎरा गे पाब ऎरा लगी।

रोमी 9:33

एकासे नेम्‍हा पुथी नू लिख्रकी र'ई, “ऎरा, ऎन येरुसलॆम नू ओन्‍टा पखना उइय्‍कन आद आलारिन मूड़त'ओ, ईद आरिन टिड़ना ही चचड़ी हवे। लिकिन नॆ आसी म‍इय्याँ पत्त'ओर आर लज्‍जे मल मॊख़र'ओर।”

1 कोरिन्‍थ 15:31

अना भईरो! नम्‍है उर्बा मसी येसुस नू निम्‍है पत्त नू र'ई आ एंग्‍है फुलई ती ऎन किरया मॊख़दन ती ब'अदन का ऎन उर्मी उल्‍ला खे'अदन।

1 कोरिन्‍थ 6:20

एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।

1 कोरिन्‍थ 7:34

अरा आसी मने ऎंड़ भाग मनी। अन्नेम मल बेंज्रका आली महले डिंडा कुक्‍के तंग्‍है मॆद‍ अरा बॊलता दुयो नू नेम्‍हा मना गे उर्बासी पत्त ता कत्था नू लेका फिकिर ननी। लिकिन बेंज्रका आली तंग्‍है मॆतासिन एकासे रिझाब'ओन ब'अरकी आद ई ख़ॆख़ेल ता कत्‍था नू फिकिर ननी।

2 कोरिन्‍थ 10:8

उर्बस एमा गे चिच्का अदिया ही पत्त नू ऎन कोड़हे फुलई मन्दन होले हूँ, आ फुलई मन्ना ही पत्त नू ऎन मल लज्रदन, एन्देरगेका निमन नठार'आ गे मला, निमन परद'आ गेम आस आ अदियन चिच्का र'अस।

2 कोरिन्‍थ 3:12

औंगे एन्ने लेक्खा असरा एमा गे र'अना चड्डे ऎम कोड़हे डिढ गने र'अदम।

2 कोरिन्‍थ 4:10

ऎम उर्मी बेड़ा दुक्‍खे सारना ती येसुसी खे'अनन एम्‍है मॆद नू चॊददम, ईगेका येसुसी उज्‍जना एम्‍है मॆद नू दहदर मंज ख़च्‍ची नेक'आ।

2 कोरिन्‍थ 5:15

मसीस नाम ओर्मर ही बदली नू केच्चस, ई चड्डे अक्‍कु उज्‍जालनर आर तमा गे मल उज्जना र'ई। नॆ तमा बदली नू केच्चस ती फिन उज्जा चॊचस आस गे दिम आर उज्जना र'ई।

2 कोरिन्‍थ 7:14

ऎन आसी मुन्दहारे निम्‍है पत्त नू फुलई मंजका ती बाचकन। इबड़ा कत्था नू ऎन लज्‍जे मॊख़ा गे नीम हूँ मल चिच्कर। ऎम उर्मी बेड़ा निम्है गने मानिमन दिम बाचकम। अन्नेम तीतुस गने ऎम निम्है पत्त नू फुलई मंजका ती बाचका कत्था मानिम मंजा।

2 कोरिन्‍थ 7:4

ऎन निम्है पत्त नू कोड़हे डिढ गने र'अदन। ऎन निम्‍है पत्त नू कोड़हे फुलई मन्दन। ऎन जिया सालना ती नीन्द्रका र'अदन। ऎन एंग्‍है उर्मी खिलपत ही मझी नू हूँ रिझ ती नीन्द्रका र'अदन।

फिलिप्‍पी 1:14

अरा बग्गे पत्त'ऊ आलर एंग्है हॆंरका ती उर्बस संगरा ननोस ब'अरकी आस नू असरा नंजर ती मुन्द ती कोड़हे डिढ गने बिगर इल्चिक'आ धर्मेसी कत्‍थन मेन्त'आ लगनर।

फिलिप्‍पी 2:17

लिकिन निम्‍है पत्त'अना धर्मेस गे अरगतारना दाँड़े बेसे र'ई। ई लेक्खम ऎन एंग्है ख़ॆंसन बाहतारना बेसे धर्मेस गे एंगन दाँड़े अरग'ओन होले हूँ, ऎन निम्‍है ओर्मर गने रिझ्र'ओन अरा रिरयार'ओन।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

1 पतरस 4:16

लिकिन नीम मसी आलर र'अना चड्डे सस्ती सारदर होले, अदही पत्त नू अम्बोस लजर'आ, लिकिन मसी आलर एन्ने नामे निमा गे र'अना चड्डे धर्मेसी महबा नना।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।