फिलिप्‍पी 1:15 - पुना गच्छरना NT (BSI)

¹⁵ जोक्कोर इस्गहा अरा नग्‍गानख्रना ती मसीसी दौ कत्‍थन तेंगा कुद्दनर, ईद मानिम दिम हिके। लिकिन जोक्क अउर आलर दौ जिया ती हूँ मसीसी दौ कत्‍थन तेंगा कुद्दनर।

फिलिप्‍पी 1:15 Cross References

मत्तायोस 23:5

आर आलारिन ऎद'आ गे तम्‍है उर्मी नलखन नन्नर, आर तम्‍है ताबीजन चकड़ नन्‍नर अरा तम्‍है फुदनन जुर्त'अनर।

त‍इरकर 10:36

नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।

त‍इरकर 11:20

लिकिन अबड़र नू जोक्‍कोर कुप्रोस टापू अरा कुरॆनॆ नगरे ता आलर रहचर। अरा अबड़र अन्‍तियोख़ेया अंड़सियर ती नन-यहूदी आलारिन हूँ उर्बा येसुसी दौ कत्‍था तेंगा लगियर।

त‍इरकर 5:42

उर्मी उल्‍ला आर धर्मेसी मन्दिर चाली नू अरा एड़पा एड़पा नू काला लगियर ती सिखाब'आ लगियर अरा तेंगा लगियर का येसुस दिम मसीस हिकदस।

त‍इरकर 8:35

ख़ने फिलिप्‍पोस ब'आ हेलरस का नेम्हा पुथी ही ई कत्‍था ती ऒर नन्नुम येसुसी दौ कत्‍थन आस गे तिंगियस।

त‍इरकर 8:5

तहाँ फिलिप्‍पोस समारिया ता ओन्‍टा नगरे नू केरस ती अइय्या ता आलारिन मसीसी पत्त नू तेंगा लगियस।

त‍इरकर 9:20

आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।”

रोमी 2:8

एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।

1 कोरिन्‍थ 1:23

लिकिन ऎम गा क्रुस नू ठोकचका मसीसी पत्त नू तेंगा कुद्दम। ईद यहूदीर गे मूड़ना ही चड्डे र'ई, अरा नन-यहूदीर गे ख‍ईता र'ई।

1 कोरिन्‍थ 13:3

अरा ऎन एंग्‍है उर्मी खुर्जिन कीड़र गे चि'अदन, अरा एंग्‍है मॆदन बस्‍सा गे चि'अदन, लिकिन एंग्‍है नू चोन्‍हा मलकी होले, इत्रु एंगा एन्‍द्रा हूँ नफा मल्‍ला।

2 कोरिन्‍थ 1:19

सीलास अरा तीमोथियुस अरा ऎन निम्‍है मझी नू तिंका धर्मेसी ख़द्दस येसु मसीस, “हाँ” एन्ने बाचका ख़ॊख़ा “मला” एन्ने ब'ऊ मलदस। लिकिन “हाँ” एन्ने ब'अदस होले, आस नू आद सगरो “हाँ” र'ई।

2 कोरिन्‍थ 11:13

एन्‍देरगेका एन्ने आलर ठकवा तइरकर र'अनर, अरा मसीसी तइरकर लेक्खा भॆंस ऎदना ती फसवार नलख ओथ्र'ऊ आलर हिकनर।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

2 कोरिन्‍थ 4:5

एन्‍देरगेका ऎम एमानिम तेंगा मल कुद्दम, लिकिन येसु मसीसिन उर्बस अरा एमन गा येसुस चड्डे निम्‍है जॊंख़ एन्ने तेंगा कुद्दम।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।

फिलिप्‍पी 2:3

लोभिया ही चड्डे महले ठकवा फुलई मन्ना चड्डे एन्‍देर हूँ अमा नना। लिकिन लुदऊ जिया ती ओर्त ओर्तारिन तंग्है ती कोड़हे बॆस अख़ना र'ई।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।