फिलिप्‍पी 1:11 - पुना गच्छरना NT (BSI)

¹¹ अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

फिलिप्‍पी 1:11 Cross References

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 15:2

एका लड़ंग एंग्‍है नू र'ई अरा मल ख़ंज'ई अदिन आस तारदस, अरा एकाबड़ा ख़ंज'ई अबड़न छटदस का बग्‍गे ख़ंज'ओ।

यॊहनस 15:8

नीम कोड़हे ख़ंजपा चि'अदर ती एंग्‍है चेलर एन्ने ऎद'आ। इत्रुतिम एंग्‍है बंगस महबा ख़क्खोस।

रोमी 15:28

औंगे ऎन ई नलखन नंज ख़च्‍चोन ती आर गे इबड़ा बरार आबोन सोंप'ओन ती निम्‍है गुसन कुरनुम स्‍पानिया क'ओन।

रोमी 6:22

लिकिन अक्‍कु नीम पाप ही सवंग ती अम्‍बरकर ती धर्मेसी बिट्ठी ननू जॊंख़र मंजका र'अदर। ईद निमन नेम्‍हा उज्‍जा गे कड़हाब'ई। एकदा ही ख़ंजपा र'ई जनमजुग ही उज्‍जना।

1 कोरिन्‍थ 10:31

औंगे नीम ओनोर महले मॊख़ोर महले इन्द्रिइम ननोर, उर्मिन धर्मेसी महबा गे नना।

2 कोरिन्‍थ 9:10

धर्मेस दिम चाँख़'उर गे बिहनी अरा ओना-मॊख़ा गे ओन्ना-मॊख़नन चि'अदस। अन्नेम आस निमा चाड़ ही बिहनी चि'ओस ती अदिन पर्द'आ गे ननोस, अरा निम्है नू हरग जिया ती दान चि'अना ही कोड़हे ख़ंजपन कुन्द्रत'ओस।

इफेसुस 1:12

होले नाम नॆ मसीस नू मुन्द तिम असरा उइय्का रहचकत आसी महबा ही ओहमा ही चड्डे मना गे आस इदन नंजस।

इफेसुस 1:14

नाम नॆ धर्मेसी अर्ज'अना हिकदत, नाड़रनन ख़क्खना गूटी धर्मेस तंग्है आलर तंग्है गच्छरकन ख़क्ख्रना गे नेम्हा बॊलतस दिम बयाना र'अस, का आसी महबा गे ओहमा मनन।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

फिलिप्‍पी 4:17

ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

2 थेस्‍सलोनिकॆयर 1:12

ऎम इदन गोहरारदम औंगे नम्‍है उर्बा येसुसी नामे निम्‍है नू महबा मनन नेक‍अन अरा नीम आसी नू महबा मन्‍दर नेक‍अन। ई महबा नम्‍है धर्मेस अरा उर्बस येसु मसीसी मया ती बर'ई।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

इब्रानी 12:11

एकअम कोड़ना हूँ कोड़र'ऊ बारी रिझ मल मनी, लिकिन सस्‍ती ही कत्‍था दिम मनी। अन्नु हूँ अदही ती सिख्रका आलारिन आद ख़ॊख़ा उजगो कम'ओ अरा आर कोड़े ख़क्‍खोर।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 2:5

नीम हूँ उज्‍जना पखना गुट्ठी लेक्‍खा र'अदर का धर्मेसी बॊलता कमना धर्मेसी एड़पा कम्रनुम कादर। अरा नीम आसी नेम्‍हा नैग खोंड़हा हूँ हिकदर। अरा येसु मसीस एन्देर नंजकादस अदही चड्डे नीम बॊलता दाँड़े गुट्ठिन अरगदर, एकदा धर्मेसिन पत्तार'ई।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

1 पतरस 4:14

नीम मसीसिन पत्त'ऊ र'अना चड्डे निम्है निंदा मनी होले, नीम धर्मेस ती आसिस ख़क्खुर दिम हिकदर। एन्देरगेका महबा ती निंद्रका धर्मेसी बॊलतस निम्है नू मड़दस।