Luke 5:5 - Kadu

⁵ ရှိမုန် ကား "ကိုယ်တော်၊ အလေကား နာတ်ကြယ်ကျယ်ရာလုံး ပါန်ပါန်ပန်းပန်းအွန်ကြီးဒီဒါး တာန်းငှါနူဝါစဲ အလူရီရား။ အန်နိမ်စါန်းငှေါဒီဒါး ကိုယ်တော်စိန်းယုတ်ပင်းအတွာတ် ပိုက်တေပန်းနူချတာန်ကူ" ညယ် လျှောက်တာန်သမှာ။

Luke 5:5 Cross References

Luke 17:13

ဆကလားဝါပ်ဆလာပ်တုံန်းယောက် "ကိုယ်တော်ယေရှု၊ အလေတေ စံယုတ်" ညယ်တောင်းပန်သကြီးမှာ။

Luke 8:24

အန်၌မှါခ့်ခါ တပယ့်တော်တာတ်ကား ကိုယ်တော်တေဆော်ပန်း "ကိုယ်တော်၊ ကိုယ်တော် အလေကားရှီးထှာကဘန်း" ညယ်လျှောက်တာန်သဘင်းအတွာတ် ကိုယ်တော်ကား အေ့ပ်နင်းလားဟက်ရဲရီဘန်း မုန်တိုင်းယောက် ဝဲလှိုင်းတုံန်းတေဒေ ရပ်သကွန်း အမိန့်အီရာန်မှါခ့်ခါ အန်ဘင်းမုန်တိုင်းယောက် ဝဲလှိုင်းတုံန်းတေကား ငြိမ်သအက်လာန်ဘဲမှာ။

Luke 8:45

အန်၌မှါခ့်ခါ ကိုယ်တော်ကား "ငါတေ ဟာဟမဲထိဒီတေ" ညယ်စိန်ယူရာန်မှါခ့်ခါ သမီဆတာတ်ရီးဒါး အန်တာတ်အထိသဝါးညယ် ငြာမ်းသကြီးဘန်း ပေတရုကား "ကိုယ်တော်ပိုက်ပေ သမီဆာကလောင်းတုံန်းကား ပတ်ပတ်လည်ဘေ တိုးကျိတ်သပန်းနင်းကြီးမှာ" ညယ်လျှောက်တာန်သကြီးမှာ။

Luke 9:33

စီးမှါခ့်ခါ မောရှေ့ယောက် ဧလိယတာတ် ပူလာန်ဘဲကြီးမှါခ့်ခါ ပေတရုကား ကိုယ်တော်တေ "ကိုယ်တော်၊ အဘင်းအရပ်ကား နင်းကာတ်ထာတ်ဆာမဲမှာ။ အမှာတွာတ် ကိုယ်တော်အတွာတ် တဲဟုတ်အာ၊ ဧလိယအတွာတ် တဲဟုတ်အာ၊ မောရှေအတွာတ် တဲဟုတ်အာ အလေစာပန်း စာအီကူ" ညယ်လျှောက်တာန်သမှာ။ အာနိမ်စါန်းငှေါဒီ ဟိန်ကား ဟိန်ကာတ်ဟိန် ဟာနိမ်ငှေါရာန်မှာငှေါဘင်းနာတေ အမိန်းရှာတ်ခါး။

Luke 9:49

စီးမှါခ့်ခါ ယောဟန်ကား "ကိုယ်တော်၊ ကိုယ်တော်နာမယ်တေ နပ်ပန်း သမီဆာတာတ်ဟက် အမဲဘင်းနနူတေ ငါတ်နင်းဘင်းသမီဆာ ဟော်ဝါတေ ငါကတုံန်ရီမှာ။ ဟိန်ကားအလေယောက် အတူတူ အဒီယာတ်ပင်းဆိတ် ထှာဘင်းအတွာတ် အန်နိမ်အအွန်သင့်သဝါးညယ် တားမြစ်သည်မှာ" ညယ်လျှောက်တာန်သမှါခ့်ခါ