Luke 5:13 - Kadu

¹³ အန်၌မှါခ့်ခါ ကိုယ်တော်ယေရှုကား အန်ဘင်းဆိတ်တေ သဟူးယောက်ထိတာန်ဘန်း "ငါအလိုငှါမှာ၊ ကယာရာန်" ညယ်မိန့်တော်မူသစီးမှါခ့်ခါ ချတ်ချန်း အန်ဘင်းဆိတ်ရောဂါကား ကယာလာန်ဘဲမှာ။

Luke 5:13 Cross References

Luke 4:39

အမှာတွာတ် ကိုယ်တော်ကား အီးရှီပိုက်ပါလာန်ဘန်း ကနာဟာနင်းဘင်းနာတေ ကယာစိန်းဒင် အမိန့်အီရာန်မယောက် ဟိန်ကား မဲဟာန်းရီဘန်း ချတ်ချန်းရဲဘန်းနာ အန်တာတ်တေ ဧည့်ခံသမှာ။

Luke 5:12

စီးမှါခ့်ခါကိုယ်တော်ယေရှုကား မြို့တစ်မြို့ဘေငှါနင်းမှါခ့်ခါ ကမာတုံန်းရောဂါထှာနင်းဘင်း ဟလောဝါဟော်ဝါငှါမှာ။ ဟိန်ကား ကိုယ်တော်ယေရှုတေ ကတုံန်မှါခ့်ခါ မန်းဘေသထူထာက်သဘန်း "ကိုယ်တော်၊ ကိုယ်တော် အလိုတော်ငှါဘန်းကား အမာရောဂါတေ ကယာစိန်းရာန်ဘင်းအတွာတ် ငါရောဂါတေ ကယာစိန်းယုတ်" ညယ်တောင်းပါန်သမှာ။

Luke 5:14

စီးမှါခ့်ခါ ကိုယ်တော်ကား ဟိန်တေ အဘင်းရောဂါ ကယာရာန်ဘင်းအကြောင်းတေ ဟာဟမဲတေစဲ အငှေါကွန်း မိန့်သစီးမှါခ့်ခါ "ပုရောဟိတ်ပါလာန်ဘန်း နာန်ကိုယ်တိုင်ကာရာန်၊ မောရှေဥပဒေအတိုင်း နာန်ရောဂါကယာရာန်ဘင်းအတွာတ် ပူဇော်သဘင်းအမှုတေလာန်ဘန်းအွန်" ညယ်မိန့်တော်မူသမှာ။