Luke 18:9 - Kadu

⁹ အန်နိမ်အွန်ဘန်း ကိုယ်ကာတ်ကိုယ်ကာ မြင့်မြတ်သမှာညယ် ထာန်သနင်းဟာဘန်း သမီတေဒေ အထာန်သေးသဟာဘင်း ဆိတ်တာတ်တေဒေ ကိုယ်တော်ကား ဥပမာစားနူယောက် မိန့်တော်မူသဘင်းနာကား

Luke 18:9 Cross References

Luke 10:29

အန်နိမ်စါန်းငှေါဒီ ကျမ်းပေါ့ပင်းအိုးဆကြီးကား ကိုယ်ကာတ်ကိုယ် မဲမှာငှေါဘင်းတေ ကာကာတ်ခွန် ကိုယ်တော်ယေရှုတေ "အန်နိမ်ငှေါဘန်းကား အလေကျေမ်းထာန်ကစက် ငှေါဘင်းကား ဟာဟမဲတေကား" ညယ်စိန်ယူမှါခ့်ခါ

Luke 15:2

အန်၌မှါခ့်ခါ ဖာရိရှဲတာတ်ယောက် ကျမ်းပေါ့ပင်း အိုးဆကြီးတာတ်ကား "အဘင်းသမီဆကား အမဲဘင်း အပြစ်ဆားတေယောက် ပဟာန်းအွန်နင်းလားဆာအချီ အန်တာတ်ယောက်အတူတူ ယုတ်မောက်ပန်းနင်းမှာ" ညယ်ဝေဖန် အပြစ်တာန်သကြီးမှာ။

Luke 16:15

အာနိမ်စါန်းငှေါဒီ ကိုယ်တော်ယေရှုကား အန်တာတ်တေ "ဟနိမ်ကား သမီဆာတာတ်မန်းဘေ ကိုယ်ကောက်ကိုယ်တေ သမီဆာမလဲနိမ် ဟန်ဆောင်သကြီးဟာမှာ။ အန်နိမ်စါန်းငှေါဒီ ဘုရားရှာန်ကား ဟနိမ်အဆေင်တေ မိန်းရှာတ်ခါမှာ။ သမီဆတာတ် တန်ဖိုးပဲဘင်းလောကီစည်းစိမ်တေကား ဘုရားရှာန်အတွာတ်ကား တန်ဖိုးအဘိုဘင်းနာတေ ထှာမှာ။

Luke 18:11

ဖာရိရှဲကား ဟော်ဝါဆာ စပ်ပန်း 'အို ဘုရားရှာန်၊ ငါကား သမီတေနိမ် လောဖားအတုံန်းငြား၊ အချီဘင်းရီးဒါး အအွန်နား၊ အိမ်ထောင်ရေးရီးဒါး အဖောက်ပြန်သဘန်းနာ အန်းဘင်း အခွန်ကွန်ဘင်းဆိတ်နိမ်ရီးဒါး အချီဘင်းအတွာတ် ဘုရားရှာန်တေ ကျေးဇူးတာန်သမှာ။

Luke 19:7

အန်ဘင်းတေ ကတုံန်ကြီးဘင်းဆိတ်တာတ်ကား "ကိုယ်တော်ကား အမဲဘင်းအပြစ်အွန်ပဲဘင်းဆိတ်ကျေမ်းဘေ လာန်ဘန်း ဟိန်ယောက်အတူတူ ယုတ်မောက်ကြီးယုတ်ကူ" ညယ်ဝေဖန်အပြစ်တာန်သကြီးမှာ။

Luke 7:39

အန်၌မှါခ့်ခါကိုယ်တော်ဒေ ပါမ်းဒီဘင်းဖာရိရှဲကား ကတုံန်ငါန်မှါခ့်ခါ "အဘင်းဆိတ်ကား ပရောဖက်ချီဘန်းကား ဟိန်တေထိသဘန်းနင်းဘင်း အီးရှီကား ဟာနိမ်အီရှီ ထှာဘင်းနာတေ မိန်းရှာတ်ခါထှာကူ။ အမဲဘင်းအီးရှီထှာမှာ ငှေါဘင်းနာ‌တေရီးဒါး မိန်းရှာတ်ခါထှာကူ" ညယ်အဆေင်နောင်းဘေတွေးဒနင်းမှာ။