ဖံလံးပံၤ 4:19 - Sgaw Karen Common Bible

¹⁹ လၢအတၢ်ထူးတၢ်တီၤအါအါကလဲာ်ခီဖျိယ့ၣ်ၡူးခရံာ်န့ၣ်, ယကစၢ်ယွၤကဟ့ၣ်သုတၢ်အလိၣ်ခဲလၢာ်လီၤ.

ဖံလံးပံၤ 4:19 Cross References

လံာ်တၢ်ကဲထီၣ်အခီၣ်ထံး 48:15

ဝံၤဒီး, အဝဲဆိၣ်ဂ့ၤစီၤယိၤသးဒီးစံးဝဲ, “မ်ကစၢ်ယွၤလၢယပၢ် စီၤအၤဘြၤဟၣ်ဒီးစီၤအံၤစဲးမၤအတၢ်, ဆိၣ်ဂ့ၤပိာ်ခွါဖိသၣ် တဖၣ်အံၤတက့ၢ်. မ်ကစၢ်ယွၤလၢအဆှၢတ့ၢ်ယၤတုၤမုၢ်တနံၤအံၤန့ၣ်, ဆိၣ်ဂ့ၤအဝဲသ့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 22:7

လၢယတၢ်ကိၢ်တၢ်ဂီၤအပူၤန့ၣ်ယကိးထီၣ်ယွၤ, ယကိးထီၣ်ဆူယကစၢ်ယွၤလၢတၢ်မၤစၢၤအဂီၢ်လီၤ. အဝဲနၢ်ဟူယကလုၢ်လၢအတၢ်လုၢ်ဟံၣ်အပူၤ, အဝဲဒိကနၣ်ယတၢ်ကိးထီၣ်လၢတၢ်မၤစၢၤအဂီၢ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:13

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်, ယကစံးတၢ်လၢယကစၢ်ယွၤမၢယတဲန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 31:8

တုၤစီၤပၤယဃံးစကံယၤဒီးအဝဲအပဒိၣ်ပပှၢ်တဖၣ်, ထံၣ်ဘၣ်တၢ်ဟ့ၣ်တဖၣ်ဘၣ်တၢ်ဟ့ၣ်လီၤအီၤအါထဲလဲၣ်န့ၣ်, အဝဲသ့ၣ်စံးထီၣ်ပတြၢၤယွၤဒီးစံးထီၣ်ပတြၢၤအဝဲအပှၤဂီၢ် မုၢ်အံၣ်စရ့လးန့ၣ်လီၤ.

လံာ်စီၤနဃ့မယၤ 5:19

ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

လံာ်စီၤနဃ့မယၤ 9:15

တုၤတၢ်သၣ်ဝံၤအဝဲသ့ၣ်အသးဒီးနဟ့ၣ်အီၤကိၣ်လၢမူခိၣ်ဒီးတုၤ တၢ်သူအဝဲသ့ၣ်အသးလၢထံ ဒီးနဒုးဟဲထီၣ်ထံလၢလၢၢ်တဖျၢၣ်အပူၤန့ၣ်လီၤ. နတဲဘၣ်တ့ၢ်အဝဲသ့ၣ်လၢကပၢထံဧိၤကီၢ်ဧိၤ လၢနအၢၣ်လီၤတ့ၢ်လၢနကဟ့ၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 130:7

အံၣ်စရ့လးဖိသ့ၣ်ဧၢ, မုၢ်လၢ်တၢ်လၢယွၤတက့ၢ်. အဂ့ၢ်ဒ်အံၤ, တၢ်အဲၣ်ဂၢၢ်ကျၢၤအိၣ်ဒီးယွၤ ဒီးတၢ်အုၣ်က့ၤခီၣ်က့ၤအလၢအပှဲၤအိၣ်ဒီးအီၤလီၤ.

စံးထီၣ်ပတြၢၤ 36:8

ပှၤကိးဂၤဒဲးအီၣ်ဘျဲးအီၣ်ဘျဲးအီတၢ်အီၣ်လၢ နကတဲာ်ကတီၤဒီး နပျဲဒုးအီပှၤလၢနတၢ်ဂ့ၤတၢ်ဝါအထံကျိန့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်မးသဲ 6:32

(ပှၤလၢအတသ့ၣ်ညါယွၤတဖၣ်ဘၣ်ယိၣ်ဝဲလၢတၢ်တဖၣ်အံၤအဂ့ၢ်ထီဘိ လီၤ.) ဒီးလၢသုန့ၢ်ဘၣ်တၢ်တဖၣ်အံၤခဲလၢာ်အလီၢ်အိၣ်ဝဲန့ၣ်, သုပၢ်လၢမူခိၣ်သ့ၣ်ညါဝဲလီၤ.

လံာ်ယိၤဟၣ် 20:17

ယ့ၣ်ၡူးစံးဘၣ်အီၤ, “တဘၣ်ဖိးဃာ်ယၤတဂ့ၤ. အဂ့ၢ်ဒ်လဲၣ်န့ၣ်, ယတက့ၤထီၣ်ဘၣ်ဆူပၢ်အအိၣ်ဒံးဘၣ်. မ့မ့ၢ်လဲၤဆူယဒီပုၢ်ဝဲၢ် တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်လၢယက့ၤထီၣ်ကဒါ က့ၤဆူပှၤလၢအမ့ၢ်ယပၢ်ဒီးမ့ၢ်အဝဲသ့ၣ်အပၢ်, ယကစၢ်ယွၤဒီးအဝဲသ့ၣ်အကစၢ်ယွၤအအိၣ်န့ၣ်တက့ၢ်.”

လံာ်ယိၤဟၣ် 20:27

ဝံၤဒီးယ့ၣ်ၡူးစံးဘၣ်စီၤသိၤမါ, “ပာ်နစုနၢဖဲအံၤဒီးကွၢ်ယစု တဖၣ်အံၤတက့ၢ်. ဝံၤဒီးယူာ်ဃီၤနစုဒီးကလၢၢ်ကွၢ်ယကပၤ တက့ၢ်. ဆိကတီၢ်လၢနတၢ်သးဒ့ဒီဒီးနာ်တၢ်တက့ၢ်.”

ရိမ့ၤ 1:8

အဆိကတၢၢ်န့ၣ်, ယစံးဘျုးယကစၢ်ယွၤခီဖျိယ့ၣ်ၡူးခရံာ်လၢ သုဝဲခဲလၢာ်အဃိ, မ့ၢ်လၢသုတၢ်စူၢ်တၢ်နာ်အဂ့ၢ်ဟူထီၣ်သါလီၤလၢဟီၣ်ခိၣ်ဒီဘ့ၣ် အဃိန့ၣ်လီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

ရိမ့ၤ 8:18

ယပာ်ယသးလၢတၢ်နးတၢ်ဖှီၣ်လၢပတူၢ်ဘၣ်အီၤလၢ ဆၢကတီၢ်ခဲအံၤန့ၣ်, ပထိၣ်သတြီၤအီၤဒီးတၢ်လၤကပီၤလၢ အကဘၣ်တၢ်လီၣ်ဖျါထီၣ်န့ၢ်ပှၤန့ၣ်တသ့လ့ၤတက့ၤဘၣ်န့ၣ်လီၤ.

ရိမ့ၤ 9:23

အါန့ၢ်အန့ၣ်, အဝဲသးအိၣ်လီၣ်ဖျါထီၣ်စ့ၢ်ကီး အလၤကပီၤ ထူးတီၤလၢအဘၣ်တၢ်ဂၢ်လီၤအီၤလၢပဝဲလၢအသးကညီၤ ဘၣ်ဝဲ, ဒီးကတဲာ်ကတီၤပာ်စၢၤဝဲလၢအကဒိးန့ၢ်ဘၣ်အလၤ ကပီၤအဂီၢ်တဖၣ်အလိၤန့ၣ်လီၤ.

၂ ကရံၣ်သူး 12:21

ယဘၣ်ယိၣ်လၢ, ခဲကိာ်တဘျီ, ဖဲယဟဲန့ၣ်ယကစၢ်ယွၤ ကဒုးမဲာ်ဆှးယၤလၢသုမဲာ်ညါ, ဒီးယကဟီၣ်ကယၢၤလၢပှၤအါဒံအါဂၤလၢအမၤတ့ၢ်တၢ်ဒဲးဘးလၢ အပူၤကွံာ်တဖၣ်အဃိ, ပှၤလၢအတပီၢ်ယၢ်လီၤဒံးအသးလၢတၢ်မၤတဂ့ၤတဝါလၢ အမၤတ့ၢ်ဝဲ, တၢ်ဒဲးဘးဘၣ်ဃးမုၣ်ခွါ, တၢ်မုာ်ဖံးမုာ်ညၣ်, တၢ်သးကွံအတၢ်ဖံးတၢ်မၤတဖၣ်အဃိန့ၣ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

အ့းဖ့းစူး 2:7

ယွၤမၤတၢ်အံၤမ့ၢ်ဒ်သိးအကလီၣ်ဖျါထီၣ်န့ၢ်စိၤလၢ အကဟဲခဲလၢာ်လၢအဝဲအတၢ်အဲၣ်ပှၤလၢအလီၣ်ဖျါထီၣ်ဝဲလၢ ယ့ၣ်ၡူးခရံာ်အပူၤန့ၣ်, အဘျုးအဖှိၣ်ဒိၣ်ဝဲအါဝဲလီၤတိၢ်လီၤဆီ အဂ့ၢ်လီၤ.

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

ဖံလံးပံၤ 4:7

ဒီးကစၢ်ယွၤအတၢ်ဃူတၢ်ဖိး, လၢပှၤဟီၣ်ခိၣ်ဖိနၢ်ပၢၢ်လၢအဂ့ၢ်တသ့ဘၣ်အံၤန့ၣ်, ကပၢၤဃာ်သုသူၣ်သုသးဒီးသုတၢ်ဆိကမိၣ်တဖၣ်လၢယ့ၣ်ၡူးခရံာ် အပူၤန့ၣ်လီၤ.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

၁ သ့းစၤလနံ 2:12

ပဟ့ၣ်ဆူၣ်ဒီးမၤမုာ်ထီၣ်သုသး, ဒီးပသဆၣ်ထီၣ်သုခံတဘိ ယူၢ်ဃီ, ဒ်သိးသုကအိၣ်မူတၢ်အိၣ်မူလၢအဘၣ်ကစၢ်ယွၤအသး, ယွၤလၢအကိးဃီၤသုဒ်သိးသုကဒိးန့ၢ်ဃုာ်သကိးအဝဲအဘီ အမုၢ်ဒီးအလၤကပီၤဒၣ်ဝဲန့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

ဖံၤလ့မိၣ် 1:4

ဒီပုၢ်ဝဲၢ်စီၤဖံၤလ့မိၣ်ဧၢ, တဘျီလၢ်လၢ်ဖဲယဃ့ဘါထုကဖၣ် ယွၤန့ၣ်, ယသ့ၣ်နီၣ်ဘၣ်နၤဒီးစံးထီၣ်ပတြၢၤကစၢ်ယွၤလီၤ.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.