ဖံလံးပံၤ 4:17 - Sgaw Karen Common Bible

¹⁷ တၢ်အံၤတမ့ၢ်ယသးအိၣ်ထဲလၢယကဒိးန့ၢ်တၢ်ဟ့ၣ်တဖၣ်န့ၣ်ဘၣ်. မ့မ့ၢ်တခီ, ယသးအိၣ်ထံၣ်ဘၣ်အါထီၣ်သုတၢ်မၤဂ့ၤတဖၣ်အဃိလီၤ.

ဖံလံးပံၤ 4:17 Cross References

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:8

ယပၢ်အလၤကပီၤဘၣ်တၢ်ဒုးနဲၣ်ဖျါထီၣ်အီၤခီဖျိလၢ သုသၣ်ထီၣ်အါမး, ဒီးလၢတၢ်အံၤအဃိ, သုကဲထီၣ် ယပျဲၢ်ယဘီၣ်တဖၣ်လီၤ.

ရိမ့ၤ 15:28

ဖဲယမၤတၢ်မၤအံၤဝံၤ, ဒီးဟ့ၣ်လီၤစ့လၢပှၤထၢဖှိၣ်လၢအဝဲသ့ၣ်အဂီၢ်တဖၣ်အံၤခဲလၢာ် ဆူအဝဲသ့ၣ်အစုပူၤဝံၤဒီးယကလဲၤဆူကီၢ်စပၤနံဒီးနုာ်လီၤအိၣ် သကိးသုလၢကျဲန့ၣ်လီၤ.

၂ ကရံၣ်သူး 11:16

ယစံးကဒီးယဲ, မတၤတဂၤမးတကြၢးဆိကမိၣ်လၢယမ့ၢ်ပှၤအပျုၢ် တဂၤဘၣ်. ဘၣ်ဆၣ်ဒီး, သုမ့ၢ်ဆိကမိၣ်န့ၣ်, အစှၤကတၢၢ်တူၢ်လိာ်ယၤဒ်ပှၤအပျုၢ်တဂၤအသိး ဒ်သိးယကအိၣ်ဒီးတၢ်ဂ့ၢ်တဆံးတက့ၢ်လၢယကကတိၤ တၢ်ကဖၢလၢအဂီၢ်န့ၣ်တက့ၢ်.

၂ ကရံၣ်သူး 9:5

လၢတၢ်န့ၣ်အဃိ, ယဆိကမိၣ်အလီၢ်အိၣ်လၢယကမၢန့ၢ်ဆီၣ်ခံဒီပုၢ်ဝဲၢ်သ့ၣ် တဖၣ်အံၤလၢအကလဲၤဆိလၢယမဲာ်ညါဒီးအိၣ်ကတဲာ် ကတီၤဆိပာ်စၢၤတၢ်ဟ့ၣ်လၢသုအၢၣ်လီၤတ့ၢ်လၢသု ကဟ့ၣ်သုဝဲန့ၣ်လီၤ. တုၤနုၤတစု, ဖဲယဟဲတုၤယဲအဆၢ ကတီၢ်န့ၣ်, ကအိၣ်ကတဲာ်ကတီၤလံအသး, ဒီးကမၤ ဖျါထီၣ်လၢသုဟ့ၣ်တၢ်မ့ၢ်လၢသုသးအိၣ်အဃိ, ဒီးတမ့ၢ်လၢတၢ်လီၤဘၣ်သုအဃိဘၣ်န့ၣ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ဖံလံးပံၤ 4:11

ဒီးယစံးတၢ်ဒ်အံၤန့ၣ်, တမ့ၢ်လၢယကလၢၢ်ဘၣ်ပှၤအတၢ်တကနၣ်ဃုာ်ယၤအဃိ ဘၣ်. မ့မ့ၢ်ယမၤလိလံတၢ်ဒ်သိးယကသူၣ်မံသးမံလၢတၢ်လၢ အအိၣ်ဒီးယၤန့ၣ်လီၤ.

၁ သ့းစၤလနံ 2:5

သုသ့ၣ်ညါသုဝဲဂ့ၤဂ့ၤလၢပတဟဲဆူသုအိၣ်, အိၣ်ဒီးတၢ်စံးပတြၢၤထးခိၣ်ဖံးလာ်သုဘၣ်. တၢ်ကတိၤလၢပစံးကတိၤအီၤန့ၣ်, တမ့ၢ်စ့ၢ်ကီးလၢအကကးဘၢတၢ်သူၣ်လီသးကွံအဂီၢ်န့ၣ်ဘၣ်. ကစၢ်ယွၤမ့ၢ်ပှၤအုၣ်အသးလၢပဂီၢ်လီၤ.

၁ တံၤမသ့း 3:3

အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

၁ တံၤမသ့း 6:10

အဂ့ၢ်ဒ်လဲၣ်န့ၣ်, တၢ်အဲၣ်စ့မ့ၢ်တၢ်အၢတၢ်သီခဲလၢာ်အဂံၢ်ထံးလီၤ. ပှၤတနီၤသူၣ်ဆူၣ်သးဂဲၤလၢအကမၤန့ၢ်ဘၣ်အီၤတုၤဒၣ်လဲာ် အဝဲသ့ၣ်ဟးဖးဒီးတၢ်စူၢ်တၢ်နာ်, ဒီးတၢ်သူၣ်အုးသးအုးအါမံၤမၤသဘှံးအဝဲသ့ၣ်အသးန့ၣ်လီၤ.

တံတူး 1:7

မ့ၢ်လၢတၢ်အိၣ်ဖှိၣ်အခိၣ်အနၢ်တဂၤအံၤအမူအဒါအိၣ်လၢ ကစၢ်ယွၤတၢ်မၤအဂီၢ်အဃိ, အတၢ်ကမၣ်တကြၢးအိၣ်ဘၣ်. အဝဲတဘၣ်ပာ်ဒိၣ်ပာ်ထီအသး, မ့တမ့ၢ်သးထီၣ်ချ့, မ့တမ့ၢ်အီမူၤအီဘှီးအသး, မ့တမ့ၢ်မၤတၢ်လၢတၢ်စုဆူၣ်ခီၣ် တကးအပူၤ, မ့တမ့ၢ်သးကွံစ့န့ၣ်ဘၣ်.

တံတူး 3:14

ပပှၤတဖၣ်ကဘၣ်မၤလိသူအဆၢကတီၢ်လၢတၢ်မၤဂ့ၤတၢ်အဂီၢ်, ဒ်သိးဒီးကဟ့ၣ်မၤစၢၤဘၣ်တၢ်လၢအလိၣ်နီၢ်နီၢ်တဖၣ် အဂီၢ်လီၤ. အဝဲသ့ၣ်တကြၢးအိၣ်မူတၢ်အိၣ်မူလၢအဘျုး တအိၣ်န့ၣ်ဘၣ်.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

၁ ပ့းတရူး 5:2

ယဃ့ကညးသုလၢသုကမ့ၢ်ပှၤကွၢ်သိတဖၣ်လၢကအံးက့ၤ ကွၢ်က့ၤသိလၢကစၢ်ယွၤဟ့ၣ်လီၤသုတဖၣ်လၢတၢ်သူၣ်အိၣ် သးအိၣ်အပူၤဒ်ကစၢ်ယွၤဘၣ်အသးလၢသုကမၤအသိး, ဒီးတမ့ၢ်ဘၣ်လၢတၢ်မၢဆူၣ်သုအဃိန့ၣ်ဘၣ်. မၤသုတၢ်မၤတမ့ၢ်ဘၣ်လၢဘူးလဲအဃိဘၣ်, မ့မ့ၢ် လၢတၢ်သးအိၣ်မၤတၢ်နီၢ်နီၢ်အပူၤတက့ၢ်.

၂ ပ့းတရူး 2:15

အဝဲသ့ၣ်လဲၤသဒၣ်ကွံာ်ကျဲလၢအဘၣ်ဒီးဟးဖျိးကျဲလံလီၤ. အဝဲသ့ၣ်ပိာ်ထွဲကျဲလၢစီၤဘဧိၢ်အဖိခွါစီၤဘံးလၣ်ပိာ်တ့ၢ်ဝဲလၢ အမ့ၢ်တၢ်သးကွံစ့လၢအကမၤန့ၢ်ဝဲခီဖျိတၢ်မၤတၢ်လၢအတဘၣ်,

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.