ဖံလံးပံၤ 4:15 - Sgaw Karen Common Bible

¹⁵ သုဝဲပှၤဖံလံးပံၤဖိတဖၣ်သုသ့ၣ်ညါသုဝဲဂ့ၤဂ့ၤလၢဖဲ ယဟးထီၣ်လၢကီၢ်မၤက့းဒနံလၢယစံၣ်တဲၤတဲလီၤသီခရံာ် အတၢ်သးခုကစီၣ်ဝံၤအလီၢ်ခံန့ၣ်, သုမ့ၢ်တၢ်အိၣ်ဖှိၣ်ထဲတဖုဧိၤလၢအမၤစၢၤယၤလီၤ. သုမ့ၢ်ပှၤထဲတဖုဧိၤလၢအဟ့ၣ်တၢ်ဒီးဒိးန့ၢ်ဃုာ်တၢ်ဒီး ယၤန့ၣ်လီၤ.

ဖံလံးပံၤ 4:15 Cross References

လံာ်စီၤပၤခံဘ့ၣ်တဘ့ၣ် 5:16

စီၤအလံၤၡါစံးဆၢဝဲဒၣ်, “လၢယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယဆိၣ်လီၤယသးလၢယတတူၢ်လိာ်တၢ်ဟ့ၣ်တမံၤအံၤန့ၣ်ဘၣ်.” စီၤနဧၤမၣ်ဃ့ကညးအီၤသပှၢ်ပှၢ်လၢအဝဲ ကတူၢ်လိာ်တၢ်ဟ့ၣ်အံၤ, ဘၣ်ဆၣ်အဝဲတတူၢ်လိာ်ဝဲဒၣ်ဘၣ်.

လံာ်စီၤပၤခံဘ့ၣ်တဘ့ၣ် 5:20

စီၤအလံၤၡါအခ့အပှၤစီၤက့ၤဃစံစံးလီၤအသး, “ယကစၢ်ပျဲဟးထီၣ်ကွံာ်ကလီကွံာ်စီၤနဧၤမၣ်, တအိၣ်ဘၣ်ဒီးတၢ်ဟံးန့ၢ်တ့ၢ်တၢ်ဟ့ၣ်ဘၣ်လီၤ. အဝဲကြၢးတူၢ်လိာ်တၢ်လၢပှၤစူၤရံဖိစီၤနဧၤမၣ်ဟ့ၣ်အီၤန့ၣ် လီၤ. ခီဖျိယွၤလၢအမူဝဲန့ၣ်, ယကလဲၤဃ့ၢ်ပိာ်ထွဲအခံဒီးမၤန့ၢ် တၢ်တမံၤမံၤလၢအအိၣ်န့ၣ်လီၤ.”

မၤတၢ် 16:40

စီၤပီလူးဒီးစီၤစံလၤဟးထီၣ်ကွံာ်လၢဃိာ်ပူၤဒီး လဲၤဆူနီၢ်လူၤဒံအဟံၣ်လီၤ. ဖဲန့ၣ်အဝဲသ့ၣ်ထံၣ်လိာ်အသးဒီးပှၤစူၢ်က့ၤနာ်က့ၤတၢ် တဖၣ်, ကတိၤဟ့ၣ်ဆူၣ်ထီၣ်အဝဲသ့ၣ်အဂံၢ်အဘါ, ဒီးဟးထီၣ်ကွံာ်လၢဝ့ၢ်ပူၤလီၤ.

ရိမ့ၤ 15:26

အဂ့ၢ်ဒ်လဲၣ်န့ၣ်, တၢ်အိၣ်ဖှိၣ်လၢကီၢ်မၤက့းဒနံဒီးကီၢ်အဃါယၤတဖၣ် အသးအိၣ်ထီၣ်ဒၣ်ဝဲလၢအကဟ့ၣ်မၤဘူၣ်ဝ့ၢ်ယရူၤၡလ့ၣ်အပှၤစီဆှံ လၢအဖှီၣ်အယာ်တဖၣ်န့ၣ်လီၤ.

ဖံလံးပံၤ 1:12

ယဒီပုၢ်ဝဲၢ်သ့ၣ်ဧၢ, ယအဲၣ်ဒိးသုသ့ၣ်ညါလၢတၢ်လၢအမၤတ့ၢ်အသးဒီးယၤ တဖၣ်, ကဲထီၣ်တၢ်မၤစၢၤနီၢ်နီၢ်လၢတၢ်သးခုကစီၣ် အတၢ်လဲၤထီၣ်လဲၤထီအဂီၢ်လီၤ.

ဖံလံးပံၤ 1:16

အဝဲသ့ၣ်မၤတၢ်အံၤလၢတၢ်အဲၣ်တၢ်ကွံအဃိလီၤ. အဂ့ၢ်ဒ်အံၤ, အဝဲသ့ၣ်သ့ၣ်ညါလၢကစၢ်ယွၤဟ့ၣ်ယၤတၢ်မၤဘၣ်ဃးဒီး တၢ်ဒီဒၣ်တၢ်သးခုကစီၣ်န့ၣ်လီၤ.

ဖံလံးပံၤ 1:5

မ့ၢ်လၢသုတၢ်မၤစၢၤတ့ၢ်ယၤလၢတၢ်သးခုကစီၣ်အတၢ်ဖံး တၢ်မၤအပူၤစးထီၣ်လၢမုၢ်နံၤအခီၣ်ထံးကတၢၢ်တနံၤတုၤခဲအံၤ အဃိန့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ဖံလံးပံၤ 2:12

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ဖဲယအိၣ်ဒီးသုအဆၢကတီၢ်သုဒိကနၣ်ယၤထီဘိအသိးန့ၣ်, ခဲကနံၣ်အံၤဖဲယအိၣ်ယံၤဒီးသုအဆၢကတီၢ်န့ၣ်, အကါဒိၣ်တက့ၢ်လၢသုဒိကနၣ်ယၤန့ၣ်လီၤ. ဂုာ်ကျဲးစၢးမၤတၢ်လၢတၢ်ပျံၤတၢ်ဖုးဒီးတၢ်ကနိးကစုာ်အပူၤ လၢတၢ်မၤလၢထီၣ်ပှဲၤထီၣ်သုတၢ်အုၣ်က့ၤခီၣ်က့ၤအဂီၢ်န့ၣ်တက့ၢ်.