ဖံလံးပံၤ 3:15 - Sgaw Karen Common Bible

¹⁵ ပဝဲခဲလၢာ်လၢအဒိၣ်တုာ်ခိၣ်ပှဲၤလံလၢသူၣ်လၢသးတဖၣ် ကြၢးအိၣ်ဒီးတၢ်ပာ်သူၣ်ပာ်သးတမံၤဃီန့ၣ်လီၤ. ဘၣ်ဆၣ်ဒီး, သုဝဲတနီၤသုမ့ၢ်အိၣ်ဒီးတၢ်ပာ်သူၣ်ပာ်သးလၢအလီၤဆီန့ၣ်, ကစၢ်ယွၤကဒုးနၢ်ပၢၢ်သုတၢ်ဂ့ၢ်အံၤပျီပျီန့ၣ်လီၤ.

ဖံလံးပံၤ 3:15 Cross References

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်မးသဲ 5:48

လၢတၢ်န့ၣ်အဃိ, ဒ်သုပၢ်လၢမူခိၣ်လၢပှဲၤဝဲအသိးန့ၣ် လၢထီၣ်ပှဲၤထီၣ်သုဝဲဒ်န့ၣ်အသိးတက့ၢ်.

လံာ်လူၤကၣ် 11:13

သုအၢသုသီသနာ်က့, သုသ့ၣ်ညါဟ့ၣ်သုဖိသုလံၤလၢတၢ်အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, ပၢ်အိၣ်လၢမူခိၣ်တဂၤန့ၣ်, ကဟ့ၣ်သးစီဆှံလၢပှၤလၢအဃ့အီၤတဖၣ်န့ၣ် အါန့ၢ်အန့ၣ်တက့ၢ်ဆံးဒိၣ်လဲၣ်.”

လံာ်ယိၤဟၣ် 6:45

ဝံတဖၣ်ကွဲးတ့ၢ်ဝဲ, ‘ပှၤခဲလၢာ်ကဘၣ်တၢ်သိၣ်လိအီၤလၢ ကစၢ်ယွၤလီၤ’ (ၡါ. ၅၄:၁၃). ကယဲၢ်ပှၤတဂၤလၢ်လၢ်လၢ အနၢ်ဟူပၢ်အတၢ်သိၣ်လိသီလိအီၤဒီးမၤလိတၢ်လၢ အီၤန့ၣ်, ဟဲဆူယအိၣ်လီၤ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.

ကလၤတံ 5:10

ဘၣ်ဆၣ်ဒီး ယနာ်ဒံးယဲသုလီၤ. ပတၢ်အိၣ်မူလၢတၢ်တမံၤဃီဒီး ကစၢ်အပူၤန့ၣ်, ဒုးနာ်ယၤလၢသုတၢ်ထံၣ်တလီၤဆီဒီးယၤဘၣ်, ဒီးပှၤလၢအမၤတံာ်တာ်သုတဂၤမ့ၢ်မတၤဂ့ၤမတၤဂ့ၤန့ၣ်, ကဘၣ်တၢ်စံၣ်ညီၣ်အီၤလၢကစၢ်ယွၤန့ၣ်လီၤ.

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 4:9

ဘၣ်ဃးတၢ်အဲၣ်ဒီပုၢ်ဒီဝဲၢ်လၢအမ့ၢ်ပှၤစူၢ်က့ၤနာ်က့ၤတၢ် န့ၣ်, တၢ်ကွဲးန့ၢ်သုအလီၢ်တအိၣ်ဘၣ်. သုနီၢ်ကစၢ်ဒၣ်သုဝဲ, ကစၢ်ယွၤသိၣ်လိတ့ၢ်သုလၢသုကဘၣ်အဲၣ်လိာ်သုသး တဂၤဒီးတဂၤဒ်လဲၣ်န့ၣ်လီၤ.

၂ တံၤမသ့း 3:17

ဒ်သိးကစၢ်ယွၤအပှၤကညီကလၢထီၣ်ပှဲၤထီၣ်ဒီးကအိၣ် ကတဲာ်ကတီၤအသးလၢကမၤတၢ်အဂ့ၤတမံၤလၢ်လၢ် အဂီၢ်န့ၣ်လီၤ.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

၁ ယိၤဟၣ် 2:5

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအစူၢ်အကလုၢ်န့ၣ်, မ့ၢ်ပှၤလၢ တၢ်အဲၣ်တၢ်ကွံကစၢ်ယွၤလၢထီၣ်ပှဲၤထီၣ်လၢအပူၤနီၢ်နီၢ်လီၤ. ခီဖျိတၢ်အံၤန့ၣ်, ပသ့ၣ်ညါလီၤတံၢ်လၢပအိၣ်မူလၢ ကစၢ်ယွၤအပူၤန့ၣ်လီၤ.