ဖံလံးပံၤ 2:30 - Sgaw Karen Common Bible

³⁰ အဂ့ၢ်ဒ်အံၤ, ဒ်သိးအကဟ့ၣ်ယၤတၢ်မၤစၢၤလၢသုနီၢ်ကစၢ်ဒၣ်ဝဲသုဟ့ၣ်ယၤ တသ့န့ၣ်, အဝဲဒၣ်ကွၢ်ဆၢၣ်မဲာ်တၢ်သံခ့သံပှၤဒီးဘူးတ့ၢ်မးလၢ အကသံဝဲလၢခရံာ်အတၢ်ဖံးတၢ်မၤအဂီၢ်န့ၣ်လီၤ.

ဖံလံးပံၤ 2:30 Cross References

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

ရိမ့ၤ 16:4

အဝဲသ့ၣ်ကွၢ်ဆၢၣ်မဲာ်ဒၣ်လဲာ်တၢ်သံခ့သံပှၤလၢယဂီၢ်န့ၣ်လီၤ. ယစံးဘျုးဘၣ်အဝဲသ့ၣ်ဒိၣ်မးဒီးတမ့ၢ်ထဲယၤတဂၤဧိၤဘၣ်, မ့မ့ၢ်ပှၤကလုာ်ဂၤအတၢ်အိၣ်ဖှိၣ်ခဲလၢာ်စံးဘျုးဘၣ်အဝဲသ့ၣ် စ့ၢ်ကီးန့ၣ်လီၤ.

1 ကရံၣ်သူး 15:53

အဂ့ၢ်ဒ်အံၤ, တၢ်လၢအသံသ့ကဘၣ်သိးထီၣ်တၢ်လၢအသံ တသ့, ဒီးတၢ်လၢအဟးဂီၤသ့ကဘၣ်သိးထီၣ်တၢ်လၢ အဟးဂီၤတသ့ဘၣ်န့ၣ်လီၤ.

1 ကရံၣ်သူး 16:10

စီၤတံၤမသ့းမ့ၢ်ဟဲဘၣ်ဆူသုအိၣ်န့ၣ်, ပာ်သူၣ်ပာ်သးဒ်သိးအဝဲဒၣ်ကကလၢၢ်ဘၣ်သုတၢ် တူၢ်လိာ်မုာ်အီၤလၢသုသိးသုကျါန့ၣ်တက့ၢ်. အဂ့ၢ်ဒ်အံၤ, အဝဲဒၣ်မၤတၢ်လၢကစၢ်အဂီၢ်ဒ်ယမၤယဲအသိးလီၤ.

1 ကရံၣ်သူး 16:17

ယသူၣ်ခုသးခုယဲလၢစီၤစတ့းဖနၣ်, စီၤဖူာ်တူၤနါတူးဒီးစီၤအဃကူးတဖၣ်အတၢ်ဟဲအဃိလီၤ. အဝဲသ့ၣ်တဖၣ်မၤပှဲၤက့ၤသုလီၢ်,

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ ကရံၣ်သူး 4:12

အဝဲအံၤအခီပညီမ့ၢ်ဝဲ, တၢ်သံမၤတၢ်လၢပပူၤ, ဘၣ်ဆၣ်ဒီးတၢ်မူမၤတၢ်လၢသုပူၤန့ၣ်လီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ဖံလံးပံၤ 2:27

အဝဲအိၣ်တဆူၣ်နီၢ်နီၢ်ဒီးဘူးတ့ၢ်မးလၢအကသံလီၤ. ဘၣ်ဆၣ်ဒီးကစၢ်ယွၤသးကညီၤဒံးအီၤ, ဒီးတမ့ၢ်ထဲအဝဲဘၣ်, မ့မ့ၢ်တခီသးကညီၤစ့ၢ်ကီးယၤ, ဒီးဒုးပူၤဖျဲးယၤလၢတၢ်သးအုးလၢအဒိၣ်ဒံးတက့ၢ်န့ၣ်လီၤ.

ဖံလံးပံၤ 4:10

ယသူၣ်ခုသးခုလၢကစၢ်အပူၤဒိၣ်မးလီၤ. အဂ့ၢ်ဒ်လဲၣ်န့ၣ်, လၢဆၢကတီၢ်ဖးယံာ်ဝံၤအလီၢ်ခံသုဒိးန့ၢ်ဘၣ်ကဒီးတၢ် အခွဲးအယာ်လၢသုကပာ်ဖျါသုတၢ်သူၣ်အိၣ်သးအိၣ်ယၤ န့ၣ်လီၤ. တမ့ၢ်ယစံးလၢသုတသူၣ်အိၣ်သးအိၣ်ယၤလၢၤ န့ၣ်ဘၣ်. မ့ၢ်ဒၣ်လၢအခွဲးအယာ်တအိၣ်လၢသုကပာ်ဖျါ ထီၣ်အီၤအဂီၢ်အဃိန့ၣ်လီၤ.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

ဖံၤလ့မိၣ် 1:13

ယသးအိၣ်ကိးဃာ်အီၤလၢယသကိးဖဲယလီၤဘၣ်ဃိာ်လၢတၢ်သးခု ကစီၣ်အဃိ, ဒ်သိးဒီးအကမၤစၢၤယၤလၢနလီၢ်န့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.